1 Хаан түрэнүүд 2:36 - Библи

³⁶ Шинии гэр бүлэһөө амиды үлэһэн хэн нэгэн хашарһа мүнгэнэй, зүһэм хилээмэнэй түлөө ерэжэ, санаартанда һүгэдэн, «зүһэм хилээмэ олохымни тула санаартанай ямаршье тушаалда намайе томилыт» гэжэ гуйха.

1 Хаан түрэнүүд 2:36 ပူးပေါင်းရင်းမြစ်များ

3 Хаан түрэнүүд 2:27

Иигэжэ Соломоон Абиатаарые Эзэнэй урда тахил үргэлнүүдые хэдэгһээ болюулжа, Эзэнэй Элиин үри һадаһад тушаа Шилоодо айладхаһаниинь гүйсэбэ.

4 Хаан түрэнүүд 23:9

Иерусалим хотын Эзэндэ тахидаг шэрээдэ алба хэдэг санаартадта, мүргэлэй шүтөөнүүдтэ үргэл үргэлгые болюулба. Зүгөөр тэдэнэр бусад санаартадтай эһээбэригүй хилээмэ эдихые зүбшөөбэ.

Һургаал 14:19

Хорон һанаата һайн хэрэг үйлэдэгшэдэй урда сүхэрхэ. Нүгэлтэн үнэн шударга хүнэй хаалгын урда сүхэрхэ.

Малаахи 1:13

Таанадта энэ шэрээдэ байһан хоол таагүй, «ямар зоболонтой юм бэ» гэжэ хэлээд, зэбүүсэнгүй һэжэглэнэт. Һүүлээрнь үргэл гэжэ хулгайн, дохолон дорой, үбшэн мал асарнат. Тэрэнииетнай Би танай гарһаа абаха болоно гүб?

Ударидагшад 17:10

– Манайда байгыш даа. Ши минии эсэгэ ба санаарта боло. Би жэл бүхэндэ шамда арбан шээкэл мүнгэ үгэхэб, хубсаһа болон эдеэ хоолоор хангахаб, – гэжэ Михаа тэрээндэ дурадхаба.

1 Хаан түрэнүүд 2:35

Намда үнэн сэхэ, Минии үгэ заабол сахин дүүргэхэ санаартаниие Өөртөө үргэн табихаб. Минии тоһо түрхин ёһолон шэлэһэн хаанай урда алба хэхэ үри һадаһадые тэрээндэ үршөөхэб.

1 Хаан түрэнүүд 3:1

Балшар хүбүүн Самуил Элиин хажууда Эзэндэ алба хэжэл байба. Тэрэ үедэ Эзэнэй үгэ хомор, үзэгдэлнүүдшье үсөөн бэлэй.