Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Хаан түрэнүүд 2:35 - Библи

35 Намда үнэн сэхэ, Минии үгэ заабол сахин дүүргэхэ санаартаниие Өөртөө үргэн табихаб. Минии тоһо түрхин ёһолон шэлэһэн хаанай урда алба хэхэ үри һадаһадые тэрээндэ үршөөхэб.

အခန်းကိုကြည့်ပါ။ ကော်ပီ




1 Хаан түрэнүүд 2:35
28 ပူးပေါင်းရင်းမြစ်များ  

Өөрынгөө арад түмэн Израилиие хүтэлхыень удамаршадые табиһан сагһаа эхилжэ, Би бүхы дайсадһааш шамайе амаруулхаб, гэр бүлыеш батажуулхаб гэжэ Эзэн шамда дуулгана.


Түмэн Сэрэгтэ Эзэн, Израилиин Бурхан! Юундэ Танда иимэ зальбаралтай хандахаяа зүрхэлөөбиб гэхэдэ, Та эдэ бүгэдые намда, Өөрынгөө богоолдо, мэдүүлээт, уг удамыемни хаан шэрээдэ хододоо байха гээд айладхаа бэлэйт.


Тиигээд Гихоон горхоной хажууда Цадоок санаартан, Натаан лүндэншэ тэрэниие хаан болгон, тоһоор түрхеэ, тэндэһээ баяртай шууяатай һөөргөө бусахадань, хото хүлгөө шууяагаар дүүрээ. Таанад тэрэ шууяа соносоот.


Гэбэшье Цадоок санаартан, Ёядаагай хүбүүн Бэнайяа, лүндэншэ Натаан, Шимэй, Рэһии, Давидай бэе аршалагшад Адонияагай тала барибагүй.


Минии захин заабарилһан бүхы юумэ сахижа, Минии хойноһоо дахан ябажа, Давид богоолдом адляар Намда таатай хэрэг үйлэдэн, хуули ёһонуудыем, һургаалнуудыем сахин байгаа һааш, Би шамтай байхаб, Давидай түлөө хэһэндэл адляар Израилиин хаан түрэ шамда, үринэртэш хододоо үгэн байхаб.


Соломоон хаан Ёядаагай хүбүүн Бэнайяа гэгшые Ёһаабай орондо сэрэгэй жанжин, Абиатаарай орондо Цадоогые ахамад санаартан болгобо.


Тэрэ үдэр Эзэнэй урда урма баяртайгаар эдеэлбэ, ундалбад; үглөөдэрынь Давидай хүбүүн Соломоониие хан шэрээдэ залан һуулгабад, Эзэнэй урда тэрэниие зонхилогшоор томилон тоһоор түрхибэ, ахамад санаартанаар Цадоогые һунгабад.


Газарай хаашуул, засаглагшад хоорондоо үгэсэлдэн хэлсэжэ, Эзэнэй болон Бурханай табисууртын урдаһаа эсэргүүсэн бодобо.


Хүйһэ хүндэдэг хүгшэдэй Бурханһаа түбэгшөөдэг байһан ушарһаа Тэрэ гэр бүлэнүүдыень үнэржүүлэн бэхижүүлээ агша.


Таанадые адуулдаг хонишоноор Өөрынгөө албатан Давидые томилхоб. Тэрэ таанад тушаа һанаагаа табидаг болохо.


Баталһан хэлсээмни иимэ: тэрэнэй гэр бүлэ хододоо санаартад болохо. Ушар юуб гэхэдэ, тэрэ өөрынгөө Бурханда оролдосотойгоор хандажа, иимэ үйлэ хэрэг бүтээгээд, израильшуудай гэмые сагааруулаа.


Найдабаритай ба үршөөл хайратай Ахамад Санаарта болоод, бүхы хүнүүдэй нүгэлнүүдыень хүлисүүлхын тула Бурханда алба хэжэ байхадаа, Өөрынгөө аха дүүнэртэй адли болохо ёһотой байгаа.


Саулай зарасатаяа хамта Гибаада хүрэхэдэнь, лүндэншэдэй бүлэг тэдээндэ дайралдажа, Бурханай һүр һүлдэ Саул дээрэ хүсэтэйгөөр буугаад, тэрэ тэдээнтэй хамта абарал буулгажа ябаа һэн.


Самуилые орхин эрьехэ үедэнь Бурхан Саулай ухаан бодол хубилгаба. Тэдэ бүхы дүлгэ тэмдэгүүд тэрэл үдэртөө хүсэлдөө бэлэй.


Мүнөө эндэ улаан нюураараа урдатнай байхадамни Эзэнэй урда болон тоһо түрхин томилһон хүнэйнь урда намда хэлэгты. Би хэнэй үхэр буляажа абаабиб? Хэнэй элжэгэ абаабиб? Хэниие дарлаа, зобоогообиб? Хэнһээ эдилгэ абаад, юумэ мэдээшэгүй болоод байгаабиб? Хэрбээ тиимэ юумэн байгаа һаань, би таанадта бултыень бусаахаб, – гэбэ.


Самуил эбэртэй тоһо абажа, аханарайнь дунда тэрэниие тоһолбо. Тэрэ үдэрһөө эхилжэ Эзэнэй һүр һүлдэ Давид дээрэ хүсэтэй буугаа һэн. Самуил бодожо, Рамаа руу бусаба.


Шинии гэр бүлэһөө амиды үлэһэн хэн нэгэн хашарһа мүнгэнэй, зүһэм хилээмэнэй түлөө ерэжэ, санаартанда һүгэдэн, «зүһэм хилээмэ олохымни тула санаартанай ямаршье тушаалда намайе томилыт» гэжэ гуйха.


Шэбэгшынгээ гэм зэмые хүлисыт. Эзэн заабол минии эзэнэй уг удам шанга болгохо, юуб гэхэдэ, минии эзэн Эзэнэй дайн дажарые ябуулна. Мүндэлһэн сагһаа эхилжэ, та муу юумэ хээгүйт, хэхэшьегүйт!


Балшар хүбүүн Самуил Элиин хажууда Эзэндэ алба хэжэл байба. Тэрэ үедэ Эзэнэй үгэ хомор, үзэгдэлнүүдшье үсөөн бэлэй.


Самуил нэгэ нарай хурьга абажа, тэрэниие дууһан шатаан, түгэс шатаалта үргэл болгон Эзэндэ үргэбэ. Тэрэ Израилиин түлөө Эзэндэ һайса зальбаржа, Эзэн тэрэниие анхарба.


Харин хүбүүдынь эсэгынгээ замаар ябаагүй, эдилгэ тээшэ эрьежэ, бэлэгүүдые абан, ёһо гурим хазагайруулдаг байба.


Тэдэ харюусаба: – Байна. Сэхэ ябагты. Одоо яарагты, юуб гэхэдэ, арад зон мүнөөдэр үргэлэй газарта үргэл хэхэ, тиимэһээ тэрэ хото руу мүнөөдэр ерээ юм.


Таанад хото руу оромсоороо үргэлэй газарта гарахынь, хоол барихынь урда тээ тэрээнтэй золгогты. Юуб гэхэдэ, тэрэнэй үргэл үреэхэеэ ерэтэр арад зон хоол барихагүй. Үргэлые тэрэнэй үреэһэнэй удаа уригдагшад хоол барижа эхилдэг. Тиимэһээ яарагты, мүнөө үшөө тэрэниие олохолта.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ