1 Хаан түрэнүүд 2:3 - Библи

³ Дайдые баһан бү дуугарагты, Далайе зандан бү дуугарагты. Эзэн бүхы юумэ мэдэдэг Бурхан, зоной бүхы хэрэгүүдые Тэрэ шүүдэг.

1 Хаан түрэнүүд 2:3 ပူးပေါင်းရင်းမြစ်များ

3 Хаан түрэнүүд 8:39

Оршодог газар – огторгойн уудамһаа тэдэнэй гуйлта дуулажа, тэдэниие хүлисэжэ, хэһэн хэрэгэйнь хэмээр хүн бүхэндэ хэһээлтыень амсуулжа, ашыень харюулыт. Хүнэй зүрхэ сэдьхэлдэ юун байһые гансал Та мэдэнэ ха юмта.

Иоов 31:6

Үнэн шударгыгаар шүүжэ үзөөд гэмгүйемни тогтооно.

Псалманууд 147:5

Тэрэ нооһон мэтээр саһа дэлгэдэг, үнэһэн мэтээр хюруу тараадаг.

Псалманууд 17:10

Тэрэ огторгойе хэлтылгээд доошоо бууба, Хүл доронь – шэб харанхы.

Псалманууд 75:5

Та алдартайт, мүнхэ хадануудһаа толорон байнат!

Псалманууд 94:4

Гартань дэлхэйн гүн байна, хадын орьёлнууд Тэрэнэй мэдэлэй.

Һургаал 16:2

Хүнэй хамаг зам өөрынь нюдэндэ зүб үзэгдэдэгшье һаа, Эзэн хүнэй сэдьхэл бодол туршадаг.

Һургаал 24:12

«Бидэ энээн тухай мэдээгүйлби» гэжэ ши хэлэхэш. Зүрхые Туршагша энээниие анхаралдаа абана, һүнэһыеш Хамгаалагша энэ бүхэниие мэдэнэ. Хэһэн үйлын харюу Тэрэ хүнүүдтэ үгэхэ.

Һургаал 8:13

Эзэнһээ бэшэрэл хадаа хорото мууе үзэн ядаха ябадал юм. Бардамлал, ехэрхүү зан, хорото зам ба худалша амые би үзэн яданаб.

Исай 26:7

Зүб шударга зоной харгы тэгшэ – Та замыень дардам һайн болгонот.

Исай 37:23

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Эзэкээл 35:13

Нам тушаа ехэрхэжэ бардамлажа хэлэхыетнай Би шагнаһан байнаб.

Даниил 5:27

Текел – «Шэгнүүр дээрэ шэгнэгдэжэ, ши хүнгэнши гээд элирбэ»;

Малаахи 3:13

«Таанарай үгэ Минии урдаһаа эсэргүү бардам байгаа» гэжэ Түмэн Сэрэгтэ Эзэн айладажа байна. Гэбэшье таанар «Бидэ Танда эсэргүү юу хэлээ һэмбибди?» гэнэт.

Еврейнүүдтэ 4:12

Бурханай үгэ амиды ба хүсэтэй юм, хоёр талаһаан хурсалуулагдаһан ямаршье эриһээ хурса. Тэрэнь һүнэһэ һүлдэ хоёрой уулзалта, бүридэл болон уураг тархи, алишье юумэн хүрэтэр хүрэдэг. Тэрэ зүрхэнэй хүсэлэн ба бодолнуудые шиидхэжэ байдаг.

Нүүнэй Иисүүс 22:22

– Бурхануудай Бурхан болохо Эзэн, бурхануудай Бурхан, Тэрэ мэдэнэ, Израильшье мэдэнэ! Хэрбээ манай буһалгаатажа, Эзэнһээ хазагайраа һаа, энэ үдэр Эзэн маниие хайралхагүй!

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.

Ударидагшад 9:38

Зэбүүл тэрээндэ иигэжэ хэлэбэ: – «Абимээлэх гэгшэ хэн бэ? Бидэнэр тэрээндэ алба юундэ хэнэбибди?» гэжэ бардамаар хэлэһэн үгэшни хаанаб? Эдэнэр шинии баһагша хүнүүд ха юм. Мүнөө ши урагшаа гараад, тэдэнэртэй тулалда.

1 Хаан түрэнүүд 16:7

Теэд Эзэн Самуилда айладхан: – Тэрэнэй түхэл маяг болон нюргаар үндэрыень бү хара. Би тэрэниие тоохогүйб. Юуб гэхэдэ, Эзэн хүндэл адляар харадаггүй. Хүн нюурыень лэ харадаг, Эзэн зүрхэ сэдьхэлыень харадаг гээшэ, – гэбэ.