1 Хаан түрэнүүд 2:2 - Библи

² Эзэндэл адли арюун хэншье байхагүй. Тэрэл ори ганса Бурхан гээшэ, манай Бурхандал адли хамгаалагша байхагүй.

1 Хаан түрэнүүд 2:2 ပူးပေါင်းရင်းမြစ်များ

2 Хаан түрэнүүд 22:3

минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни. Тэрэ минии Абарагша, балмад шэрүүнһээ намайе хамгаалаа.

2 Хаан түрэнүүд 22:32

Эзэнһээ бэшэ Бурхан байхагүй. Манай Бурханһаа ондоо Аршалалта байхагүй.

2 Хаан түрэнүүд 7:22

Эзэн Бурхамнай, Та болбол агууехэт! Тандал адли хэншье байхагүй. Бидэнэй шагнажа мэдэһээр, Танһаа бэшэ ондоо Бурхан байхагүй!

3 Хаан түрэнүүд 8:23

иигээд зальбарба: – Израилиин Эзэн Бурхан! Дээгүүр огторгойгоор, доогуур газар түбеэр Тандал адли Бурхан байхагүй! Һургаал заабарииетнай үнэнхэ зүрхэнһөө сахигша зондоо Та энэрэл хайраяа үзүүлнэт, зарасанартайгаа баталһан хэлсээгээ мартанагүйт.

Псалманууд 111:9

Тэрэ үгытэй дуталдаһан зондо элбэг дэлбэгээр тараажа үгөө. צ Цадээ Зүб шударгань хэтын хэтэдэ оршохо, ק Кооп толгойгоо омогоор өөдэнь үргэхэ. ר Рээш

Псалманууд 18:2

Тэнгэри Бурханай һүр жабхалангые зарлан тунхаглана, огторгой Тэрэнэй хэһэн бүтээлнүүдые айладхана.

Псалманууд 71:19

Нэрэнь хэтэ мүнхэдөө үршөөл магтаалтай. Алдар солоорнь бүхы дэлхэй дүүрэг лэ! Болтогой! Болтогой!

Псалманууд 71:3

Хадаһаа зондо һайн байдал, гүбээнүүдһээ үнэн зүб ерэг лэ.

Псалманууд 89:6

Та зониие үерэй уһандал туугаат, тэдэ нойрто абтаа. Үглөөгүүр тэдэ шэнээр ургаһан ногоон мэтэ. Үглөө тэдэ сэсэглэжэ, шэнээр ургадаг. Үдэшэ дүтэлхэдэ, тэдэ хагдаран хатадаг.

Псалманууд 89:8

Та манай бурууе Өөрын урда табижа, манай нюусые Өөрын оршоһон гэрэлдэ байлгабат.

Псалманууд 99:3

Эзэн хадаа Бурхан гэжэ мэдэгты, Тэрэ маанадые бүтээгээ, бидэ Тэрэнэй арад түмэн мүн. Бидэ Тэрэнэй бэлшээриин хонид гээшэбди.

Псалманууд 99:5

Юуб гэбэл, Эзэн һайн, энэрэл хайрань хэтэ мүнхын, үнэн сэхэнь үеһөө үедэ дамжанал.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Исай 40:18

Таанад Бурханиие хэнтэй адлидхахабта? Ямар дүрсэтэй гээд яагаад зураглахабта?

Исай 44:6

Израилиин Хаан, Абарагшань, Түмэн Сэрэгтэ Эзэн иигэжэ айладхана: Би болбол эхин, тиихэдэ нэгэн доро эсэс гээшэб. Намһаа ондоо Бурхан байхагүй.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Исай 6:3

Нэгэнь нүгөөдэдөө хашхаран: – Түмэн Сэрэгтэ Эзэн нангин, нангин, нангин! Тэрэнэй алдараар бүхы газар дэлхэй дүүрэнхэй! – гэжэ хэлэжэ байба.

Ерэмияа 10:6

Эзэн, Тандал адли хэншье үгыл! Та агууехэт. Танай нэрэ агууехэ ба хүсэн түгэлдэр!

Левит 11:44

Юундэб гэхэдэ, Би танай Эзэнтнайб: бэеэ арюудхагты, арюун сэбэр бологты, юундэб гэхэдэ, Би танай Эзэн гэгээнби; газар дээгүүр мүлхидэг амитадаар һүр һүлдэеэ бү бузарлагты.

Левит 11:45

Танай Бурхантнай болохын түлөө Египедэй газарһаа таанадые гаргаһан Ззэн Бурхантнай гээшэб. Арюун сэбэр байгты, юундэб гэхэдэ Би – гэгээнби.

Левит 19:2

– Израилиин олониитэдэ тунхагла: Таанад арюун нангин байгты, юуб гэбэл, Би танай Эзэн Бурхантнай арюун нангин байнаб.

Римэйхиндэ 15:4

Нангин Бэшэг соо хэлээтэй бүхы юумэнүүд маанадта найдал үгэхэ зуураа һургаха, тэсэбэритэй болгохо, урмашуулха зорилготойгоор бэшээтэй.

Римэйхиндэ 4:8

гэмтэй гэжэ Эзэнэй тоолодоггүй тиимэ хүн жаргалтай».

Хуули дабталга 3:24

«Дээдэ Эзэн! Та Өөрынгөө асари ехэ һүр жабхалан, бата бэхи шадал шандааһа намда, Өөрын зарасада, харуулжа эхилээт. Тандал адли иимэ хэрэгүүдые эрхилхэ, иимэ ехэ хүсэ шадалтай ямар бурхан газар уһан дээрэ, огторгой тэнгэридэ байхаб даа.

Хуули дабталга 32:20

Тиигээд Тэрэ иигэжэ айладхаба: «Тэдээнһээ буруу хаража, һүүлдэнь юун бологшо ааб гээд хүлеэхэмни. Тэдэ ёһоо алдаһан зон, аша харюулхаяа мартаһан үхибүүд мэтэ.

Хуули дабталга 32:39

Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Хуули дабталга 4:35

Эзэн Бурхан ганса, Тэрээнһээ ондоо Бурхан үгы гэжэ таанадай лаб ойлгохын тула эдэ бүгэдые хараха арга таанадта үршөөгдөө.

Хуули дабталга 4:39

Зай, Эзэн гээшэ тэнгэри болон газар дээрэ Бурхан, тэрээнһээ ондоо Бурхан байхагүй гэжэ мүнөө мэдэжэ, ой ухаандаа бүхөөр хадуун абагты.

Пётрой 1-дэхи хандалга 1:16

«Таанад арюун нангин байгты, юуб гэбэл, Би арюун нангинби», – гэжэ Нангин Бэшэг соо хэлэгдэнэ.