1 Хаан түрэнүүд 19:5 - Библи

⁵ Тэрэ ами наһаяа хайрлангүй пилишт Голиафые усадхажа, Эзэн бүхы Израильда агууехэ абарал буулгаа. Та тэрэниие хараад, баясаа бэлэйт. Теэд юундэ ямаршье шалтагаангүйгөөр Давидые алажа, гэмгүй хүнэй шуһанай нүгэл үйлэдэхэ гэжэ байнабта? – гэбэ.

1 Хаан түрэнүүд 19:5 ပူးပေါင်းရင်းမြစ်များ

2 Хаан түрэнүүд 23:10

Израильшууд тиихэдэ сухарижа байгаа, харин тэрэ зэһэжэ гараад, пилиштүүдые хюдахадаа, гарайнгаа хүдэлхөө болитор хюдаа. Эзэн тэрэ үдэр Израильда агууехэ илалта үршөөгөө һэн. Эльазаарай диилэһэнэй удаа израильшуудай ерэһэнэй ушар гэхэдэ, алагдаһан зоной зөөри гансал суглуулхын түлөө бэлэй.

1 Угай бэшэг 11:14

Тиихэдэнь тэдэ гурбан сэрэгшэ таряалангай дунда зогсон, талмайе хамгаалжа, пилиштүүдые алаа. Иигэжэ Эзэн агууехэ илалта үршөөгөө бэлэй.

1 Угай бэшэг 11:18

Тэдэ гурбан сэрэгшэ пилиштүүдэй хотон хүреэ нэбтэ гаража, Бэтлэһээмэй хаалгын дэргэдэхи худагһаа уһа удхажа, Давидта асараа бэлэй. Гэбэшье Давид уунгүй, Эзэндэ адхажа үргэбэ.

Псалманууд 109:5

Эзэн баруун гараараа тангариг үргөө. Хилэнтэ үдэрөө тэрэ бусад хаашуулые һамна бута сохихо,

Псалманууд 25:3

Танай энэрэл хайра урдам эли тодо, Танда үнэн сэхээр ябанам.

Псалманууд 69:4

Намда «Ха, ха!» гэгшэд эшхэбтэр байдалда орон, буруу хараг!

Египедһээ гаралга 14:13

– Бү айгты! – гэжэ Моисей арад зондо хэлэбэ. – Хаража байгаарайгты, Эзэн таанадые абарха. Мүнөө египет сэрэгшэдые хаража байнат – харин саашадаа тэдэниие үзэхэшьегүйт!

Ерэмияа 26:15

Харин мэдэжэ байгты: хэрбээ намайе алаа һаа, таанад өөһэдөө мүн энэ хотын ажаһуугшад ямаршье гэмгүй хүниие хорооһон гэм зэмэтэй болохот. Юуб гэхэдэ, эдэ бүхы үгэнүүдые соносхохыемни Эзэн үнэхөөр намайе таанадта эльгээгээ бэлэйл, – гэжэ хэлэбэб.

Матвей 27:24

Юушье хэхэ аргагүй байһанаа хараад, теэдшье буһалгаан үймөөнэй үүсхэгдэхэ гэжэ байһые ойлгоходоо, Пилат уһа абаад, улад зоной урда гараа угаагаад: – Энэ хүнэй үхэлдэ би ямаршье зэмэгүйб; энэ таанадай үйлэдэһэн хэрэг, – гэжэ хэлэбэ.

Матвей 27:4

– Гэм зэмэгүй хүниие барижа үхэлэй саазада хүртүүлхэдээ би нүгэл үйлэдэбэб, – гэбэ. Нүгөөдүүлынь: – Тэрэшни манда ямар хамаатай юм? Шиниил хэрэг ха юм, – гэжэ харюусаа һэн.

Иоанн 15:25

Иимэл байха ёһотой һэн даа. «Ямаршье шалтаггүй Намда зэбүүрхэнэ» гэжэ тэдэнэй Хуули соо бэшээтэй байһаниинь бүтэбэ гээшэ.

Хэрэгүүд 20:24

Харин би ами наһаяа оройдоошье хайрланагүйб. Бурханай үршөөл хайра тухай Һайн Мэдээсэл айладхажа бай гэжэ Эзэнэй намда даалгаһан үүргэ гүйсэдхэн, ябаха ёһотой замаараа ябажа түгэсхэбэлни һайн гээшэ.

Филиппынхидтэ 2:30

Эпапродиит Христоосой түлөө ажаллажа байхадаа үхэлэй хажууда байгаа, таанадай хэхэ аргагүй юумэ намда хэжэ, тэрэ ами наһаяа хайрлаагүй.

Еврейнүүдтэ 2:3

Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Эзэн энэ абаралга тухай анхан Өөрөө айладхаа. Тэрэниие дуулаһан хүнүүд абаралга болбол үнэн гэжэ бидэндэ баталан хэлээ.

Ударидагшад 12:3

Таанад намайе абархагүй гэжэ һанаад, ами наһандам аюултайшье һаань, мүрэн гаталжа, аммоонуудтай тулалдааб. Эзэн тэдэниие минии гарта дамжуулан үгөө. Мүнөө таанад намтай юундэ дайлалдахаяа ерээбта?

Ударидагшад 9:17

Минии эсэгэ өөрынгөө ами наһые гамнангүйгөөр таанадай түлөө тулалдажа, таанадые мидиануудай гарһаа абараа.

1 Хаан түрэнүүд 11:13

Теэд Саул: – Энэ үдэр хэнииешье алажа болохогүй. Юуб гэхэдэ, мүнөөдэр Эзэн Израильда абарал буулгаа, – гэжэ хэлэбэ.

1 Хаан түрэнүүд 14:45

Гэбэшье арад зон Саулда: – Энэ агууехэ илалтые Израильда асарһан Ёнатаан үхэхэ гэжэ гү? Иигэжэ болохогүй. Эзэнэй нэрээр тангариглая. Тэрэнэй толгойһоо нэгэшье үһэн газарта унахагүй. Юуб гэхэдэ, тэрэ мүнөөдэр Бурхантай хамта энээниие үйлэдөө, – гэлсэбэ. Иигэжэ арад зон Ёнатааниие абаржа, тэрэ үхэбэгүй.

1 Хаан түрэнүүд 19:6

Саул Ёнатаанай хэлэһые шагнаад, тангариглан: – Эзэнэй нэрээр тангаригланаб, тэрэ алуулхагүй, – гэбэ.

1 Хаан түрэнүүд 20:32

Харин Ёнатаан Саул эсэгэдээ харюусан: – Юундэ тэрэ алуулагдаха ёһотой юм? Тэрэ юу хээ юм? – гэбэ.

1 Хаан түрэнүүд 22:14

Ахимээлэх хаанда харюусан: – Танай бүхы зарасанарай дунда Давидтал адли үнэн сэхэ хүн хэн бииб? Давид танай, хаанай хүрьгэн, танай харуулшадай дарга, гэртэтнай хүндэтэй хүн ха юм.

1 Хаан түрэнүүд 28:21

Үнөөхи тэрэ эхэнэр Саулда ерэжэ, тэрэнэй һүрдэһые хараад: – Танай шэбэгшэ үгыетнай дуулаад, өөрынгөө ами наһа хайрлангүй, хэлээшыетнай дүүргэбэ.