1 Хаан түрэнүүд 18:25 - Библи

²⁵ Тиихэдэнь Саул: – Таанад Давидта иигэжэ хэлэгты: «Хаан дайсадһаа үһөөгөө абахын тула зуун пилишт хүнэй отологдоһон бэлгэнүүдһээ бэшэ юушье энжэ болгон абахаяа һананагүй» гэгты, – гэбэ. Саул Давидые пилиштүүдэй гараар алахые бодожо байгаа.

1 Хаан түрэнүүд 18:25 ပူးပေါင်းရင်းမြစ်များ

Эхин 29:18

Яков Рахээлда дурлаһан ушарһаа Лаваанда иигэжэ хэлэбэ: – Бага басаган Рахээлэйтнай түлөө би долоон жэл соо танда ажал хэхэб, удаань һамган болгожо абахаб.

Эхин 34:12

Эгээл ехэ энжэ эригты, эгээл сэнтэй бэлэгүүдые нэрлэгты, хэлэһэн юумыетнай би таанадта үгэхэб, гансал энэ басагаяа намда һамган болгон үгыт!

2 Хаан түрэнүүд 3:14

Тиигээд Давид Саулай хүбүүн Иш-Боошэдто элшэнэрые эльгээн: – Михаал һамгыемни намда бусаагты. Би пилиштүүдэй зуун бэлгын арһаар тэрэниие абаа һэм, – гэжэ хэлүүлбэ.

Нүүнэй Иисүүс 5:3

Иисүүс шулуун хутага хээд, «Бэлгэ отололгын добо» гэгдэһэн газарта Израилиин хүбүүдые отолоо.

1 Хаан түрэнүүд 14:24

Тэрэ үдэр Израилиин эрэшүүл ехэ зүдэрөө. Саул арад зониие тангариглуулан: – Үдэшэ болотор, дайсадһаа минии үһөөгөө абатар хоол бариһан хэн нэгэн хараал шэнгээхэ болтогой! – гэбэ. Тиимэһээ хэншье эдеэ хоолһоо амсабагүй.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.

1 Хаан түрэнүүд 17:36

Танай богоол болохо би арсалан, баабгайн али алинииньшье алаһан байхаб. Тэрэ бэлгэеэ отолуулаагүй пилишт хүндэ амиды Бурханай сэрэгые доромжолһонойнь түлөө тэдээндэл адли юумэн болохо, – гэбэ.

1 Хаан түрэнүүд 18:17

Саул Давидта: – Энэ хадаа минии ехэ басаган Мэрааб. Тэрэниие шамда һамган болгон үгэхэб. Гансал минии түлөө зоригтой байжа, Эзэнэй байлдаануудта тулалда, – гэбэ. Ушарынь гэхэдэ, Саул «Минии гарһаа бэшэ, харин пилиштүүдэй гарһаа Давид хосорог» гэжэ һанаа бэлэй.

1 Хаан түрэнүүд 18:24

Саулай зарасанар Давидай хэлэһэн үгэнүүдые Саулда дуулгаба.

1 Хаан түрэнүүд 19:1

Саул өөрын хүбүүн Ёнатаанда болон бүхы зарасанартаа Давидые алаха тухай хэлэдэг байгаа. Теэд Саулай хүбүүн Ёнатаан Давидта ехэ дуратай һэн.