1 Хаан түрэнүүд 18:12 - Библи

¹² Саул Давидһаа айжа эхилбэ. Юуб гэхэдэ, Эзэн Саулһаа зайлажа, Давидтай хамта байгаа.

1 Хаан түрэнүүд 18:12 ပူးပေါင်းရင်းမြစ်များ

2 Хаан түрэнүүд 5:10

Түмэн Сэрэгтэ Эзэн Бурханай өөртэйнь хамта байһан ушарһаа Давид улам хүсэтэй боложол байгаа.

2 Угай бэшэг 17:3

Элинсэг хулинсаг болохо Давидай жэшээ даган ябажа, Баалда зальбардаггүй байһандань Эзэн тэрэниие үреэгөө һэн.

Псалманууд 51:11

Хэһэн хэрэгүүдэй түлөө Таниие хэтэдээ магтанаб, Танда үнэн сэхэ зондо нэрэтнай һайн, нэрэдэтнай найданаб.

Псалманууд 53:5

Юуб гэбэл, хари зон урдаһаам эсэргүүсэн бодоол, хэрзэгышүүл намайе алахаа бэдэрнэ. Өөһэдын урда Бурханиие заладаггүйшүүл тэдэ мүн. [Хүгжэм]

Һошээ 9:12

Хүүгэдээ тэдэнэй үндылгөөшье һаань, буляан абахаб! Би тэдээнһээ буруу харахаб, тиихэдэм тэдэ гай гашуудалда орохо даа!

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Марк 6:20

Иоаннай эрхим һайн, гэгээн хүн байһыень ойлгоод, Ирод тэрээнһээ айдаг, мүн хамгаалдаг бэлэй. Иоаннай хэлэһэн үгэнүүдэй һанааень зобоодогшье һаань, Ирод тэрэниие шагнаха дуратай байгаа, шагнадагшье һэн.

Лука 8:37

Тэнсэлгүйгөөр айн һүрдэһэн Гэрасаагай бүхы зон Иисүүсые нютагһаань гаража ябахые гуйба. Иисүүс онгосодоо һуужа, Галилейдээ бусаба.

Хэрэгүүд 24:25

Теэд Павелай үнэн зүб ажамидарха, бэеэ бариха тухай, ерээдүй зарга шүүбэри тухай хөөрэхэдэнь, Феликс айгаад: – Зай, иигээд мүнөөдэр болоо. Яба. Сүлөө саг гарабал, би шамайе дуудуужаб, – гэжэ хэлэбэ.

Хэрэгүүд 7:9

Үбгэ эсэгэнэрнай Иосифто атаархажа, тэрэниие барлаг болгон Египедтэ худалдаа. Гэбэшье Бурхан тэрэниие орхёогүй,

Ударидагшад 1:19

Эзэн Иудынхидэй талада байба. Иудынхид тэндэхи үндэрлиг газарнуудыень булимтаран эзэлээд, тала газарта ажаһуудаг хүнүүдыень намнан үлдэжэ шадабагүй. Ушар юуб гэхэдэ, тэдээндэ дайшалхы түмэр тэргэнүүд байгаа.

Ударидагшад 16:20

Далиилаа тэрээндэ иигэжэ хэлэбэ: – Самсоон! Пилиштүүд шамайе барихаяа ерэбэ! Самсоон нойрһоо һэреэд, иигэжэ сэдьхэбэ: «Гэмгүйдөө. Би энэшье удаа бэеэ абарха нэгэ арга олохол байхаб». Теэд тэрэ Эзэндэ орхюулһанаа мэдэбэгүй.

1 Хаан түрэнүүд 16:18

Нэгэ зарасань: – Харагты, би Бэтлэһээмэй Ишай гэгшын хүбүүе хараа һэм. Тэрэ наадажа шададаг, зоригтой, дайшалхы хүн, үгэдөө ухаалиг, һайхан түһөөтэй. Эзэншье тэрээнтэй хамта байна, – гэбэ.

1 Хаан түрэнүүд 16:4

Иигэжэ Самуил Эзэнэй айладхал бүтээжэ, Бэтлэһээм руу ерэбэ. Хотын аха захатан тэрэниие угтахаяа шэшэрэлдэн гаража: – Та амгалан тайбан хэрэгээр ерээ гүт? – гэжэ асууба.

1 Хаан түрэнүүд 18:15

Давидай амжалта туйлажа байһые хаража, Саул тэрээнһээ угаа ехээр айжа байгаа.

1 Хаан түрэнүүд 18:20

Теэд Саулай нүгөө басаган Михаал Давидта дуратай болобо. Энээн тухай Саулда мэдээжэ болоходонь, тэрэ дуратай байба.

1 Хаан түрэнүүд 18:29

Давидһаа улам ехээр айба. Бүхэли наһандаа Саул Давидай дайсан болобо.

1 Хаан түрэнүүд 20:13

Хэрбээ минии эсэгын шамда муу юумэ хэхэеэ шиидэһэн байгаа һаань, тэрэниие шамда дуулгахаб, шамайе табихаб, тиихэдэмни һаад аюулгүй ошохош. Тиигээгүй һаамни, Эзэн намайе, Ёнатааниие, шиидхэхэнь болтогой! Эзэн минии эсэгэтэй хамта байһандал адляар шамтайшье хамта байхань болтогой!

1 Хаан түрэнүүд 22:13

Саул тэрээндэ: – Юундэ ши Ишайн хүбүүнтэй хамта минии урдаһаа эсэргүү хэрэг үйлэдэжэ, тэрээндэ хилээмэ, һэлмэ үгэжэ, минии урдаһаа мүнөө эсэргүү болоходонь, занга намда бэлдэхэдэнь туһалан, тэрээн тухай Бурханда мүргөөбши? – гэбэ.

1 Хаан түрэнүүд 28:15

Самуил Саулда: – Юундэ ши намайе дуудажа, намайе дэбэргээнэбши? – гэхэдэнь, Саул харюудань: – Би ехэ зобожо байнаб. Пилиштүүдэй намтай дайлалдахаяа ерэжэ байхадань, Бурхан намһаа һалан ошоо, лүндэншэдээршье, зүүдээршье намда харюу үгэнэгүй. Тиимэһээ яаха ёһотойемни намда заажа үгэхыетнай би таниие дуудааб, – гэбэ.

1 Хаан түрэнүүд 3:19

Самуил ехэ болоо, Эзэн тэрээнтэй хамта байлсаа, Самуилай айладхаһан бүхы юумэнь бэелдэг байба.