1 Хаан түрэнүүд 16:13 - Библи

¹³ Самуил эбэртэй тоһо абажа, аханарайнь дунда тэрэниие тоһолбо. Тэрэ үдэрһөө эхилжэ Эзэнэй һүр һүлдэ Давид дээрэ хүсэтэй буугаа һэн. Самуил бодожо, Рамаа руу бусаба.

1 Хаан түрэнүүд 16:13 ပူးပေါင်းရင်းမြစ်များ

2 Хаан түрэнүүд 12:7

Натаан Давидта иигэжэ хэлэбэ: – Ши болбол тэрэ хүн гээшэш! Израилиин Эзэн Бурхан иигэжэ айладхажа байна: «Би шамайе Израилиин хаанаар томилооб, Саулһаа шамайе абарааб.

2 Хаан түрэнүүд 2:4

Иудын обогой зон ерэжэ, тэндэ Давидые Иудын хаан болгон, тоһо түрхин ёһолол хэбэ. Ябээш-Галаадай зон Саулые хүдөөлүүлээ гэжэ дуулахадаа,

2 Хаан түрэнүүд 23:1

Бурханай агууехэ болгоһон, Яковай Бурханай хаан болгон тоһолһон, Израильда ирагуу дуунуудые зохёогшо, Ишайн хүбүүн Давидай һүүлшын үгэнүүд энэ гэхэ:

2 Хаан түрэнүүд 5:3

Иигэжэ Израилиин бүхы аха захатан Хэброон руу хаанда ерэжэ, Давид хаан тэндэ Эзэнэй урда тэдэнтэй хэлсээ баталба. Тиигээд тэдэ Давидые Израилиин хаан болгон, тоһо түрхин ёһолбо.

4 Хаан түрэнүүд 9:6

Еһүү бодоод, тэрээнтэй хамта гэртэ оробо. Тэрэ хүбүүн шэл соохи оливын тоһо Еһүүгэй толгойдо адхаад: – Израилиин Бурхан, Эзэн иигэжэ айладана: Би шамайе Эзэнэй арад зон болохо Израилиин хаан болгожо, толгойдош тоһо түрхибэб.

1 Угай бэшэг 11:3

Иигэжэ Израилиин бүхы аха захатан Хэброон руу хаанда ерэжэ, Давид хаан тэндэ Эзэнэй урда тэдэнтэй хэлсээ баталба. Тиигээд тэдэ Давидые Израилиин хаан болгон, тоһо түрхин ёһолбо. Иигэжэ Самуилаар дамжуулан Эзэнэй найдуулһаниинь бэелбэ.

Тоололго 11:17

Би дээрэһээ буужа, Шамтай хөөрэлдэхэб. Шамда шэнгэһэн Һүлдэһөө зарим тэдые абажа, тэдэ далан зон дээрэ табихаб. Зоной ашаа гансаараа шинии тээжэ ябахагүйн тула тэдэ туһалха.

Тоололго 27:18

Эзэн Моисейдэ: – Нүүнэй хүбүүн Иисүүс шэнэ ударидагша болог. Сэсэн ухаатай тэрэниие шэнэ ударидагша болго.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Хэрэгүүд 13:22

Тэрэниие тушаалһаань халажа, Бурхан Давидые израильшуудай хаан болгожо табяа. Тиин тэрээн тухай Бурхан: «Би Ишайн хүбүүн Давидые оложо абааб, тэрэ минии һанаа сэдьхэлдэ таарама байна, тэрэ захиралтануудыемни бултыень дүүргэхэ», – гэжэ хэлээ юм.

Еврейнүүдтэ 1:9

Ши үнэн зүбтэ дуратайш, муу юумэ үзэн яданаш. Энээнэй түлөө Бурхан, Шинии Бурхан, хажуудашни байһан хэнииешье баярай тоһоор тоһодоогүй, харин гансал Шамайе тоһодон ёһолоол!», – гэжэ айладаа.

Еврейнүүдтэ 11:32

Үшөө юун тухай хэлэхэбиб? Гидоон, Бараак, Самсоон, Иптаа, Давид, Самуил, бусадшье лүндэншэд тухай хөөрэхэдэмни саг хүрэхэгүй.

Ударидагшад 11:29

Бурханай Һүлдэ Иптаагай толгой дээрэ бууба. Иптаа Галаад болон Мэнашшээе үнгэрөөд, Галаадай Мицпээ хото дайраад, тэндэһээ саашаа аммоонуудай газар тээшэ ошобо.

Ударидагшад 13:25

Цораа болон Эштаһоол хоёрой хоорондо оршодог Маханээ-Даан хотодо Самсооной ажаһуухадань, Эзэнэй Һүлдэ тэрэнэй толгой дээрэ буужа, ажал ябуулгыень эрхилүүлсэжэ эхилбэ.

Ударидагшад 14:6

Эзэнэй Һүлдэ Самсооной толгой дээрэ бууба. Тиихэдэнь Самсоон зэр зэбсэг баряагүй нюсэгэн гараараа эшэгэн мэтээр арсаланиие таһар удар татажархиба. Теэд тэрэ хэһэн энэ үйлэ хэрэгээ эхэ эсэгэдээ хэлэбэгүй.

Ударидагшад 3:10

Бурханай Һүлдын досоонь ороходо, Отниһээл израильшуудай ударидагша болобо. Отниһээл израильшуудые дахуулан, дайлалдахаяа ошобо. Тиихэдэнь Эзэн Араамай хаан Кушаан-Ришатааимай сэрэгшэдые тэрэнэй дарахада туһалба.

1 Хаан түрэнүүд 1:19

Удаань тэдэ үглөөгүүр бодожо, Эзэндэ мүргөөд, һөөргөө Рамаада байдаг гэртээ бусаба. Элканаа Ханнаа һамгантаяа унтажа, Эзэн Ханнаагай гуйлта анхараа бэлэй.

1 Хаан түрэнүүд 10:1

Самуил һабатай оливын тоһо абажа, Саулай толгой дээрэ адхаад, тэрэниие таалаад хэлэбэ: – Эзэн Өөрын угай баялигай захирагша болгон, шамда тоһо түрхин ёһолно.

1 Хаан түрэнүүд 10:6

Эзэнэй һүр һүлдэ шам дээрэ хүсэтэй буужа, ши тэдэнтэй хамта бүжэглэн, абарал буулган, ондоо хүн болон хубилхаш.

1 Хаан түрэнүүд 11:6

Эдэ үгэнүүдые дууламсаарнь, Бурханай һүр һүлдэ Саул дээрэ хүсэтэй бууба. Тэрэ угаа ехээр сухалдаба.

1 Хаан түрэнүүд 16:18

Нэгэ зарасань: – Харагты, би Бэтлэһээмэй Ишай гэгшын хүбүүе хараа һэм. Тэрэ наадажа шададаг, зоригтой, дайшалхы хүн, үгэдөө ухаалиг, һайхан түһөөтэй. Эзэншье тэрээнтэй хамта байна, – гэбэ.

1 Хаан түрэнүүд 18:12

Саул Давидһаа айжа эхилбэ. Юуб гэхэдэ, Эзэн Саулһаа зайлажа, Давидтай хамта байгаа.

1 Хаан түрэнүүд 2:35

Намда үнэн сэхэ, Минии үгэ заабол сахин дүүргэхэ санаартаниие Өөртөө үргэн табихаб. Минии тоһо түрхин ёһолон шэлэһэн хаанай урда алба хэхэ үри һадаһадые тэрээндэ үршөөхэб.