1 Хаан түрэнүүд 15:26 - Библи

²⁶ Гэбэшье Самуил Саулда: – Би шамтай хамта бусахагүйб. Юуб гэхэдэ, ши Эзэнэй үгэһөө татагасааш, мүн Эзэншье шамайе Израилиин хаан байлгахаһаа татагасаа, – гэбэ.

1 Хаан түрэнүүд 15:26 ပူးပေါင်းရင်းမြစ်များ

Эхин 42:38

– Үгы, – гэбэ Яков. – Минии хүбүүн таанадаар хамта ошохогүй. Түрэһэн ахань гээгдэнхэй, үлэһэн ганса хүбүүгээ би хайшаньшье ябуулхагүйб. Хэрбээ аян замда ямар нэгэ усалһаа одхон хүбүүнэймни наһа барабал, үтэли болоһон би уй гашуудалда нэрбүүлжэ, үхэлэй орон руу мордохолби!

2 Хаан түрэнүүд 12:9

Теэд юундэ ши Минии үгэ тоонгүй, энэ муу юумэ хээбши? Хээт хүн Урияа гэгшые һэлмээр хюдааш, аммоонуудай һэлмээр усадхааш! Тэрэнэй һамгые өөрын һамган болгон абааш!

2 Хаан түрэнүүд 7:15

Гэбэшье Минии үршөөл хайра тэрээнтэй байха. Саулһаа буруу хаража, шамда энэрэл үзүүлһэндэл тэрээнһээ буруу хаража байхагүйб.

Ерэмияа 6:19

Газар дэлхэй, соносо! Мүнөө Би энэ арадай түсэблэһэн гай тодхорые өөһэдэйнь толгой дээрэ буулгахам. Юуб гэхэдэ, тэдэ Минии үгэ дуулабагүй, Минии заабари тообогүй.

Һошээ 13:11

Уур сухал дундаа Би таанадта хааниие үгөө һэм, бушаганаһан сухалайнгаа үедэ тэрэниие танһаа таһалан абааб.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Хэрэгүүд 13:22

Тэрэниие тушаалһаань халажа, Бурхан Давидые израильшуудай хаан болгожо табяа. Тиин тэрээн тухай Бурхан: «Би Ишайн хүбүүн Давидые оложо абааб, тэрэ минии һанаа сэдьхэлдэ таарама байна, тэрэ захиралтануудыемни бултыень дүүргэхэ», – гэжэ хэлээ юм.

Иоаннай 2-дохи хандалга 1:11

Тэрээнтэй мэндэшэлэлсэһэн хүн тэрэнэй хорото муухай хэрэгтэ өөрөө хабаадалсаһан болоно.

1 Хаан түрэнүүд 13:14

Теэд мүнөө шинии хааншалал тогтохогүй. Эзэн Өөртөө Өөрынгөө һанаа сэдьхэлдэ таарама хүниие олохо, тэрэ хүндэ улад зоной ударидагша байхые захирха. Юуб гэхэдэ, Эзэнэй захирһан юумэ бэелүүлээгүйш, – гэбэ.

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.

1 Хаан түрэнүүд 15:31

Тиигээд Самуил Саулай хойноһоо дахан бусаба. Саул Эзэндэ һүгэдэн мүргөө һэн.

1 Хаан түрэнүүд 16:1

Эзэн Самуилда айладхан: – Би Саулые Израилиин хаан байлгахаһаа татагасааб. Ши хэды болотор Саулай хойноһоо гашуудаха юмши? Эбэрээ оливын тоһоор дүүргээд яба. Би шамайе Бэтлэһээмэй Ишай гэдэг хүндэ эльгээхэм. Юуб гэхэдэ, тэрэнэй хүбүүдэй дундаһаа Өөртөө хааниие шэлээб, – гэбэ.

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!

1 Хаан түрэнүүд 28:18

Эзэниие дуулангүй, Амалээгтэ бужаганан байгаа уур хилэнгыень хангаагүй байһан ушарһаашни Эзэн мүнөө шамда тэрэниие үйлэдэжэ байна.