1 Хаан түрэнүүд 15:24 - Библи

²⁴ Саул Самуилда: – Би нүгэл хээб. Арад зонһоо айжа, үгыень дуулажа, Эзэнэй захиралта ба танай үгые дүүргээгүйб.

1 Хаан түрэнүүд 15:24 ပူးပေါင်းရင်းမြစ်များ

Эхин 3:12

– Танай намда үршөөһэн һамган тэрэ модонһоо алим үгөө, тиихэдэнь би эдеэ һэм, – гэжэ хүн харюусаба.

Эхин 3:17

Хүндэ Эзэн Бурхан айладхаба: – Һамганайнгаа үгэдэ орожо, Минии хорюултай гэһэн алим эдиһэнэйш түлөө, шамһаа уршагтажа энэ газар хараалда хүртэбэ, шэмэтэ үрыень шадал шэнээгээ гарган, зобожо абадаг байхаш.

2 Хаан түрэнүүд 12:13

Давид Натаанда хэлэбэ: – Би Эзэнэй урда нүгэлтэйб. – Эзэн шамайе хүлисөө. Ши үхэхэгүйш.

Иоов 31:34

Зоной муу хэлэ аманһаа зайлажа, угсаатанайнгаа зоной зэбүүрхэлһээ айжа гэртээ хороогүйб.

Псалманууд 51:4

Хэлэншни бүлюудэһэн хутага мэтэ мэхэтэй, гэм түсэблээл.

Египедһээ гаралга 10:16

Фараон яаралтай Моисей Аһароон хоёрые ерүүлээд хэлэбэ: – Эзэн Бурханайтнай урда, танай урда би гэмтэйб.

Египедһээ гаралга 23:2

Буруу хэрэгтэ олониие даган дууряажа бү яба. Олоной дуратайшье һаань, зарга шүүбэриин газарта үнэн зүбые гажаажа бү бай.

Египедһээ гаралга 9:27

Фараон Моисей Аһароон хоёрые дуудажа асаруулаад хандаба: – Энэ удаа би нүгэлтэй байһанаа мэдэрнэб; Эзэнтнай үнэниие айладаа юм байна, харин минии болон албатан арадайм буруу элирбэ гээшэ.

Һургаал 29:25

Хүнһөө айха гээшэ занга юм. Харин Эзэндэ этигэдэг хүн аюулда орохогүй.

Ерэмияа 38:5

Цэдэкиия хаан тэдээндэ: «Энэ урдатнай тэрэ байнал даа. Һанаһаараа тэрээнтэй юумэ хэгты, би таанадай урдаһаа юушье хэлэхэгүйб», – гэбэ.

Тоололго 22:34

Балаһаам Эзэнэй Эльгээмэлдэ: – Би нүгэл хэбэб. Нарин харгы дээрэм зогсоходотнай, намда һаалта хэнэ гэжэ таниие огто би һанаагүйб. Буруушаагаа һаатнай, нютагаа тэхэрин бусаһуууб, – гэбэ.

Матвей 27:4

– Гэм зэмэгүй хүниие барижа үхэлэй саазада хүртүүлхэдээ би нүгэл үйлэдэбэб, – гэбэ. Нүгөөдүүлынь: – Тэрэшни манда ямар хамаатай юм? Шиниил хэрэг ха юм, – гэжэ харюусаа һэн.

Галадуудта 1:10

Иигэжэ хэлэхэдээ би хүнүүдэй һайшаалда хүртэхэеэ оролдоно гүб, али Бурханай һайшаалда гү? Иихэдээ хүнүүдэй һанаанда һайн болохоёо оролдоно гүб? Хэрбээ би хүнүүдэй урда хойгуур гүйдэг байгаа һаа, Христоосой зараса байхагүй һэм.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

1 Хаан түрэнүүд 15:15

Саул: – Тэдэ амалээгүүдһээ асарагдаһан юм. Юуб гэхэдэ, зон хони, үхэрэй эгээл һайнииень үлөөгөө, Эзэн Бурхандатнай үргэхөө тиигээ. Гэбэшье байһан бусадыень усадхаабди, – гэбэ.

1 Хаан түрэнүүд 15:30

Саул: – Би нүгэл хээб. Гэбэшье мүнөө минии арад зоной аха захатанай болон Израилиин урда намайе хүндэлыт даа, намтай хамта бусыт. Би Эзэн Бурхандатнай һүгэдэн мүргэхэмни, – гэжэ гуйба.

1 Хаан түрэнүүд 15:9

Теэд Саул ба тэрэнэй арад зон Агаагые болон эгээл һайн хони, үхэр, тарган тугал, хурьга, юрэдөө, бүхы сэнтэй юумэ хайрлажа, тэрэ зандань үлөөбэ. Харин тэдэ хэрэггүй, үнэ сэнгүй зүйлнүүдые усадхаба.

1 Хаан түрэнүүд 2:29

Теэд Намда үргэхэ үргэлнүүдые, бэлэгүүдые юундэ хүндэлнэгүйбта? Минии арад түмэн Израилиин үргэлнүүдэй хамагай һайгаарнь өөрынгөө хүбүүдые таргалуулан, тэдэ хүбүүдээ Намһаа үлүүгээр юундэ һанажа байнабши?

1 Хаан түрэнүүд 26:21

Тиихэдэнь Саул: – Би нүгэлтэйб. Бусажа ерыш, минии хүбүүн Давид! Би дахин шамда гай тодхор хэхэгүйб. Юуб гэбэл, минии ами наһанай шамда хайратай байһые мүнөө элирхэйлээш. Би ухаагүй юумэ хэжэ, ехэ алдуу гаргааб, – гэбэ.