23 Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.
Тэрэ үедэ Лаваан хонидойнгоо нооһо хайшалхаяа хүдөө ошоһон байгаа. Тиихэдэнь Рахээл эсэгынгээ майханда ороод, онгонуудыень һэмээхэн абажархиба.
Рахээл хулгайлһан онгонуудаа тэмээнэй тохом доро табяад, өөрөө дээрэнь һуугаад байба. Лаваан майхан соо нэгжээд, юушье олобогүй.
Теэд юундэ ши Минии үгэ тоонгүй, энэ муу юумэ хээбши? Хээт хүн Урияа гэгшые һэлмээр хюдааш, аммоонуудай һэлмээр усадхааш! Тэрэнэй һамгые өөрын һамган болгон абааш!
Гэбэшье Минии үршөөл хайра тэрээнтэй байха. Саулһаа буруу хаража, шамда энэрэл үзүүлһэндэл тэрээнһээ буруу хаража байхагүйб.
Эзэндэ үнэн сэхэ байгаагүй, Эзэнэй үгэ дуулаагүй, үхэһэн зоной һүнэһэ дуудагшада хандаһанайнгаа түлөө Саул иигэжэ наһа бараба.
Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.
Иоов өөрөө нүгэл шэбэл үйлэдэжэ тогтоогүй, бидэнэй урда Бурханиие наадалжа, зүрилдэжэ байна.
Хэн намайе бүхэлэгдэһэн хото руу оруулхаб? Хэн намайе Эдоом руу дахуулан абаашахаб?
Басаганай эсэгын басагаяа хадамда үгэхэ дурагүй һаань, хурисагша эрэ басаганай түлөө хэдые түлэхэ ёһотойень түлэхэ уялгатай.
Би Египедэй зоной түсэбүүдые һалгаахаб, һүр һүлдыень доройтуулхаб. Тэдэ шүтөөнүүдтэ, үхэһэн зоной һүнэһэ дуудагшадта, үзэл үзөөшэдтэ хандаха.
Таанадые зарим зон иигэжэ гуйжа болохо: – Һүнэһэ дуудагшадтай болон шэбшэдэг шэдитэнтэй зүбшыт. Теэд таанад иигэжэ тэдээндэ харюусаарайгты: – Арад түмэн өөрынгөө Бурханһаа туһа эрихэ ёһотой. Эльбэ жэльбэтэйшүүлые хэрэглэн, юундэ амиды зон тухай үхэһэн зонһоо асууха болонобибди?
Таанад үбгэ эсэгэнэрһээ үшөө муу юумэ хээт. Таанад үсэд, муу зантайт, Минии үгэ дууланагүйт.
Тиимэ ушарһаа Эзэн шамайе газарай хүрьһэн дээрэһээ үгы хэхэ. Энэл жэлдээ ши үхэхэш, юундэб гэбэл, Эзэнэй урдаһаа эсэргүүсээш. Эзэн Өөрөө энээн тухай айладхал буулгаа! – гэжэ хэлэбэб.
Уур сухал дундаа Би таанадта хааниие үгөө һэм, бушаганаһан сухалайнгаа үедэ тэрэниие танһаа таһалан абааб.
Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.
Үхэһэн хүниие дуудажа, зүбшэжэ байһан, эльбэ жэльбэ хэрэглэһэн эхэнэр, эрэшье хүниие шулуугаар сохижо алаха хэрэгтэй. Өөһэдөө тэдэ зэмэтэй.
Хэрбээ хэн нэгэнэй үхэһэн хүниие дуудадаг хүндэ, эльбэ шэжэ хэдэг хүндэ хандаа һаань, Би тэрээндэ уурлажа усадхахаб, арад зонойнгоо дундаһаа тэрэ үгы болохо.
Эзэнэй урдаһаа эсэргүүсэн таанад бү бодогты! Тэрэ орон нютагай арадһаа таанад бү айгты! Тэдэниие бидэ илахабди! Тэдээндэ ямаршье аршалалта үгы. Тиихэдэнь Эзэн бидэнтэй хамтал! Тэдээнһээ таанад бү айгты!
Тэрэниие тушаалһаань халажа, Бурхан Давидые израильшуудай хаан болгожо табяа. Тиин тэрээн тухай Бурхан: «Би Ишайн хүбүүн Давидые оложо абааб, тэрэ минии һанаа сэдьхэлдэ таарама байна, тэрэ захиралтануудыемни бултыень дүүргэхэ», – гэжэ хэлээ юм.
Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».
онгонуудта мүргэхэ, эльбэ жадха хэхэ, зэбүүрхэхэ, хэрүүл ама гаргаха, атаархаха, уурлаха, дээрэлхүү зантай байха, арсалдаха ба хэрэлдэхэ, буруу үзэл номнохо,
Таанадые мэдэхэ болоһон сагһаам хойшо Эзэндэ һөөргэдэн байнат.
Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.
Тэдэ Галаадай газарта ерээд, Рэүбээнэй хүбүүдтэ, Гаадай хүбүүдтэ, Мэнашшээгэй обогой хахад зондо ошоод хэлээ:
Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.
Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.
Теэд мүнөө шинии хааншалал тогтохогүй. Эзэн Өөртөө Өөрынгөө һанаа сэдьхэлдэ таарама хүниие олохо, тэрэ хүндэ улад зоной ударидагша байхые захирха. Юуб гэхэдэ, Эзэнэй захирһан юумэ бэелүүлээгүйш, – гэбэ.
Эзэн Самуилда айладхан: – Би Саулые Израилиин хаан байлгахаһаа татагасааб. Ши хэды болотор Саулай хойноһоо гашуудаха юмши? Эбэрээ оливын тоһоор дүүргээд яба. Би шамайе Бэтлэһээмэй Ишай гэдэг хүндэ эльгээхэм. Юуб гэхэдэ, тэрэнэй хүбүүдэй дундаһаа Өөртөө хааниие шэлээб, – гэбэ.
Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!
Самуилай наһа бараһанда бүхы Израиль гашуудажа, тэрэниие өөрынь хото болохо Рамаада хүдөөлүүлбэ. Саул эльбэ жэльбэтэйшүүлые ба үзэлшэдые орон нютагһаа үлдэн гаргаба.