1 Хаан түрэнүүд 15:1 - Библи

¹ Самуил Саулда: – Шамайе Өөрын арад түмэн болохо Израилиин хаан болгон, тоһо түрхижэ, ёһолол хэхые Эзэн намайе эльгээгээ. Тиимэһээ мүнөө Эзэнэй зарлиг шагна.

1 Хаан түрэнүүд 15:1 ပူးပေါင်းရင်းမြစ်များ

4 Хаан түрэнүүд 7:1

Элишаа арад зондо хандажа: – Эзэнэй үгэ шагнагты! Эзэн иигэжэ хэлэнэ: Үглөөдэр Самариин хаалта үүдэнэй дэргэдэ нэгэ сатаа шэниисын гурил нэгэ шээкэлээр, хоёр сатаа ешмээнэй гурил нэгэ шээкэлээр худалдагдахань, – гэжэ соносхобо.

1 Хаан түрэнүүд 10:1

Самуил һабатай оливын тоһо абажа, Саулай толгой дээрэ адхаад, тэрэниие таалаад хэлэбэ: – Эзэн Өөрын угай баялигай захирагша болгон, шамда тоһо түрхин ёһолно.

1 Хаан түрэнүүд 12:14

Хэрбээ Эзэнһээ айжа, Тэрээндэ алба хэжэ, Тэрэнэй үгэ дуулажа, Тэрэнэй айладалда эсэргүүсэнгүй байгаа һаа, таанад болон таанадые зонхилогшо хаан Эзэн Бурханайнгаа хойноһоо дахан ябаа һаа, һайн байхат.

1 Хаан түрэнүүд 13:13

Самуил Саулда: – Ши бодолгүй юумэ үйлэдэбэш. Эзэн Бурханайнгаа шамда захиһан захяа заабариие дүүргээгүйш. Тиигээгүй һаашни, Эзэн одоо Израильда шинии хааншалал хэтэ мүнхэдөө бэхижүүлхэ бэлэйл.

1 Хаан түрэнүүд 9:15

Саулай ерэхын нэгэ үдэрэй урда тээ Эзэн Самуилда юумэ эли болгон иигэжэ айладаа бэлэй:

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.