1 Хаан түрэнүүд 13:14 - Библи

¹⁴ Теэд мүнөө шинии хааншалал тогтохогүй. Эзэн Өөртөө Өөрынгөө һанаа сэдьхэлдэ таарама хүниие олохо, тэрэ хүндэ улад зоной ударидагша байхые захирха. Юуб гэхэдэ, Эзэнэй захирһан юумэ бэелүүлээгүйш, – гэбэ.

1 Хаан түрэнүүд 13:14 ပူးပေါင်းရင်းမြစ်များ

2 Хаан түрэнүүд 5:2

Урид Саулай манай хааншье байха үедэ та Израилиин арад зониие байлдаануудта ударидажа, сэрэг хододоо илалта туйлаад бусадаг байгаа. Тиигээд Өөрынь арад түмэн болохо Израилиие танай ударидаха, удамаршан болохо тухай Эзэн танда найдуулан айладхаһан бэлэйл.

2 Хаан түрэнүүд 6:21

Давид Михаалда харюусаба: – Би Эзэниие магтан баярлаһан зандаал байхаб! Шинии эсэгэһээ болон тэрэнэй бүхы түрэл гаралһаа дээгүүр намайе һунган шэлэжэ, Эзэн Өөрынь арад түмэн болохо Израилиин удамаршан болгон намайе томилоо. Эзэндэ магтаал түүрээн, бүжэглэжэл байхаб!

4 Хаан түрэнүүд 20:5

Эзэн тэрээндэ иигэжэ хэлэбэ: – Минии арад зониие зонхилогшо Хэзэкияада бусаад, иигэжэ хэлэ: Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб, шамайе Би эдэгээхэб. Ши нүгөөдэр Эзэнэй һүмэдэ оро. Тиигээд шинии наһые Би арбан табан жэлээр утадханаб.

1 Угай бэшэг 10:13

Эзэндэ үнэн сэхэ байгаагүй, Эзэнэй үгэ дуулаагүй, үхэһэн зоной һүнэһэ дуудагшада хандаһанайнгаа түлөө Саул иигэжэ наһа бараба.

Һургаал 27:24

Энэ баялиг мүнхэ бэшэ, хаанайшье титим уг дамжан үгтэхэгүй ушар байха.

Исай 39:5

Тиихэдэнь Исай Хэзэкияа хаанда иигэжэ хэлэбэ: – Түмэн Сэрэгтэ Эзэнэй айладхаһан үгэ дуула:

Хэрэгүүд 13:22

Тэрэниие тушаалһаань халажа, Бурхан Давидые израильшуудай хаан болгожо табяа. Тиин тэрээн тухай Бурхан: «Би Ишайн хүбүүн Давидые оложо абааб, тэрэ минии һанаа сэдьхэлдэ таарама байна, тэрэ захиралтануудыемни бултыень дүүргэхэ», – гэжэ хэлээ юм.

Хэрэгүүд 7:46

Бурхан Давидта дуратай һэн. Давид Яковай Бурханда мүргэлэй гэр бариха зүбшөөл Бурханһаа һураба.

Еврейнүүдтэ 2:10

Бурхан бүхы юумэ бүтээгөө, бүхы юумэн Тэрэнэй тула оршодог. Тэрэ олон үхибүүдые алдар солодоо хүртөөхэ һанаатай байгаа. Тиимэһээ хүнүүдые абаралгада Хүтэлэгшэ Иисүүсые Бурхан зоболон дабуулаад, эрхим түгэс болгоо.

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.

1 Хаан түрэнүүд 15:26

Гэбэшье Самуил Саулда: – Би шамтай хамта бусахагүйб. Юуб гэхэдэ, ши Эзэнэй үгэһөө татагасааш, мүн Эзэншье шамайе Израилиин хаан байлгахаһаа татагасаа, – гэбэ.

1 Хаан түрэнүүд 15:28

Самуил тэрээндэ: – Эзэн мүнөөдэр шамһаа Израилиин хаан түрэ таһалан абаа, тэрэниие шамһаа үлүү хүндэ үгэбэ.

1 Хаан түрэнүүд 16:1

Эзэн Самуилда айладхан: – Би Саулые Израилиин хаан байлгахаһаа татагасааб. Ши хэды болотор Саулай хойноһоо гашуудаха юмши? Эбэрээ оливын тоһоор дүүргээд яба. Би шамайе Бэтлэһээмэй Ишай гэдэг хүндэ эльгээхэм. Юуб гэхэдэ, тэрэнэй хүбүүдэй дундаһаа Өөртөө хааниие шэлээб, – гэбэ.

1 Хаан түрэнүүд 16:12

Ишай хүниие ябуулжа, тэрэниие асаруулба. Тэрэ ягаа улаахан, һайхан нюдэтэй, һайхан түһөөтэй хүбүүн байба. Эзэн айладхан: – Бодожо, тэрэниие тоһоло. Энэ болбол тэрэ хүн мүн, – гэбэ.

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!

1 Хаан түрэнүүд 24:20

Дайсанаа олоһон хүн амиды мэндээр тэрэнээ табидаг юм гү?! Мүнөөдэр намда үйлэдэһэн хэрэгэйшни түлөө Эзэн шамайе һайн һайхан юумээр шагнахань болтогой!

1 Хаан түрэнүүд 25:30

Эзэн тан тухай һайнаар айладаһан бүхы юумэеэ дүүргэжэ, Израилиин ударидагшаар таниие томилходо,

1 Хаан түрэнүүд 9:16

– Үглөөдэр энэ сагта Би шамда Бэньямиинэй обогой нэгэ хүниие эльгээхэб. Ши тэрэниие Минии арад түмэн Израилиин захирагша ноён болгон, тэрээндэ оливын тоһо түрхин ёһолол хэ. Тэрэ Минии арад түмэниие пилиштүүдэй һабарһаа абарха. Арад түмэнэймни туһа эрин уйлаһаниинь Намда дуулдаа.