1 Хаан түрэнүүд 12:5 - Библи

⁵ Самуил тэдээндэ: – Таанарай намда ямаршье гэм зэмэ олоогүй тухай Эзэн мүнөөдэр таанадай дунда гэршэ боложо, Тэрэнэй тоһо түрхин арюудхаһан хүн мүн лэ гэршэ боложо байна, – гэхэдэнь, тэдэ: – Тэрэ болбол гэршэ мүн! – гэлдэбэ.

1 Хаан түрэнүүд 12:5 ပူးပေါင်းရင်းမြစ်များ

Эхин 31:50

Хэрбэеэ ши минии басагадые доромжолоо һаа гү, үгышье һаа, тэдэнэй хажуугаар шэнэ һамгадые абаа һаа, һанажа яба: минии нюдэнһөө далда байгаашье һааш, Бурхан ши бидэ хоёрой бүхы үйлэ хэрэг хаража, гэршэлжэ байха!

Иоов 16:19

Гэмгүйем баталха гэршэ юрэ бусын юртэмсэдэ олдохо. Тэрэ намайе хамгаалха.

Иоов 42:7

Иоовтой хөөрэлдэжэ дүүргээд, Эзэн Тэмаан хотын Элипаазда хандаба: – Минии зараса Иоов нам тухай үнэниие хэлэнэ. Гэхэдэш, ши хоёр нүхэдтэеэ хамта нам тухай худал үгэ хэлэһэн ушарһаа би та гурбанда уурлажа байнаб.

Псалманууд 17:3

Эзэн хадаа минии хабсагай, минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни.

Египедһээ гаралга 22:4

Гэбэшье наранай гараһанай һүүлээр тиимэ юумэн болоо һаа, алагшань гэмтэй болохо. Хулгайшанай бусааха юумэ үгы һаань, өөрыень богоол болгожо худалдуужаг.

Иоанн 18:38

– Үнэн зүйл гэжэ юун бэ? – гээд Пилат асууба. Пилат дахин еврейнүүдтэй уулзахаяа гаража: – Би энэ Хүндэ зэмэ тохохо ямаршье баримта олоногүйб, – гэбэ. –

Хэрэгүүд 23:9

Шанга хүхирэлдөөн боложо, фарисейнүүдэй дундаһаа хэдэн Хуули заадаг багшанар бодоод: – Энэ хүниие гэмнэхээр нэгэшье юумэ олоногүйбди. Энэ хүнтэй Һүлдэ гү, али Бурханай Эльгээмэл хөөрэлдэһэн байхадаа болохо, – гэжэ хэлэбэ.

Хэрэгүүд 24:16

Тиимэһээ би Бурханайшье, хүнүүдэйшье урда арюун һайн сэдьхэлтэй байха гэжэ ходо оролдодогби.

Хэрэгүүд 24:20

Зүблэлэй гэшүүдэй урда зогсоходомни ямар гэмтэ ябадалда хабаатай байһыемни тодоруулһанаа эдэ зон өөһэдөө хэлэжэ үгэг лэ.

Коринфынхидтэ 1-дэхи 4:4

Сэдьхэлни арюуншье һаа, үнэхөөрөө ямаршье гэмгүй байһамни энээгээр баталагданагүй, юундэб гэбэл, гансал Эзэн минии заргаша мүн.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

1 Хаан түрэнүүд 12:4

Тэдэ: – Та маанадые дарлаагүйт, зобоогоогүйт, хэнэйшье гарһаа юушье абаагүйт, – гэбэ.

1 Хаан түрэнүүд 26:9

Теэд Давид Абишайда: – Тэрэниие бү ала. Эзэнэй тоһолһон хүндэ гар далайгаад, хэн гэм зэмэгүй үлэжэ шадахаб?! – гэбэ.