1 Хаан түрэнүүд 12:11 - Библи

¹¹ Тиихэдэнь Эзэн Еруббаал, Бэдаан, Иптаа болон Самуилые эльгээжэ, тойроод байһан дайсадһаатнай таанадые абараа һэн. Тиигээд таанад хэнһээшье айнгүй ажаһуугаат.

1 Хаан түрэнүүд 12:11 ပူးပေါင်းရင်းမြစ်များ

4 Хаан түрэнүүд 13:5

Эзэн Израилиие абархын түлөө абарагшые эльгээжэ, израильшуудые Араамай дарлалтаһаа сүлөөлбэ. Тиихэдэнь израильшууд урдандаа байһан шэнги өөһэдынгөө орон нютагта амгалан тайбан ажаһуудаг болобо.

1 Угай бэшэг 7:17

Улаамай хүбүүн Бэдаан. Махиирай хүбүүн, Мэнашшээгэй хүбүүн – эдэ Галаадай хүбүүд мүн.

Ударидагшад 4:6

Дэбоораа Напталиигай уг удамай ажаһуудаг Кээдэш хотоһоо Абиноһаамай хүбүүн Бараакые дуудажа ерүүлээд, тэрээндэ иигэжэ хэлэбэ: – Эзэн, Израилиин Бурхан шамда иигэжэ зарлиглана: Напталиигай болон Зэбүлүүнэй уг удамуудта ошожо, арба мянган сэрэгшэдыень суглуулаад, тэдэниие дахуулжа, Табоор хада дээрэ гара.

Ударидагшад 6:14

Эзэн тэрэниие хараад, иигэжэ айладаба: – Ши хүсэтэйш. Ошо, мидиануудай гарһаа израильшуудые абара. Мүнөө Би шамайе эльгээнэб!

Ударидагшад 6:31

Хүнүүдэй хүреэлгэн соо ороһон Ёһааш тэдээндэ иигэжэ хэлэбэ: – Таанад Баалые үмөөрнэ гүт? Баалые хамгаалха гэнэ гүт? Тэрэниие үмөөрэгшэ үглөө үглөөгүүр болотор үхэлдэ үгтэхэ. Хэрбэеэ Баал үнэхөөр бурхан байбал тэрэ өөрөө өөрынгөө түлөө тахилайнгаа шэрээе һандаргагшадтай тэмсэг.

Ударидагшад 6:32

Ёһааш саашань үгэлэн иигэжэ нэмэбэ: – Хэрбэеэ тахилайнь шэрээе Гидооной һандаргаа һаа, Баал өөрөө тэрээнтэй тэмсэг! Тэрэ үдэрһөө хойшо Гидоониие Еруббаал гэжэ нэрлэбэ.

Ударидагшад 7:1

Еруббаал гэжэ нэрэтэй болоһон Гидоон, мүн тэрээнтэй хамта ябагшад Хароод булагай эхиндэ байрлажа, майхан хүреэнээ татаба. Тэдэнэй байрлаһан газарай хойто зүгтэ Морээ уулын хаяагай хүнхэртэ мидианууд майхан хүреэгөө татаһан байба.

Ударидагшад 8:29

Ёһаашай хүбүүн Еруббаал нютагаа бусажа, өөрынгөө гэртэ ажаһууба.

Ударидагшад 8:35

Мүн Израильда хамаг һайн юумэ хэһэнэйнь түлөө тэдэнэр Еруббаалай гэхэ гү, али Гидооной гэр бүлэдэ энэрэл хайра үзүүлбэгүй.

1 Хаан түрэнүүд 3:20

Тиимэһээ Даанһаа Бэһээр-Шээбэ хүрэтэр бүхы Израилиин зон Самуил Эзэнэй лүндэншэ болоо гэжэ мэдэбэ.

1 Хаан түрэнүүд 7:13

Иигэжэ пилиштүүд илагдажа, Израилиин хилэнүүд руу дахин нэбтэрэн орохоёо болибо. Самуилай амиды байха сагта Эзэн пилиштүүдые даран байгаа.