1 Хаан түрэнүүд 11:15 - Библи

¹⁵ Иигэжэ бүхы арад зон Гилгаал руу ябажа, тэндэ, Гилгаалда, Эзэнэй урда Саулые хаан гэжэ тунхаглаба, амгалан байдалай түлөө үргэлнүүдые Эзэндэ үргэбэ. Саул болон Израилиин бүхы зон тэндэ угаа ехээр баярлан байгаа бэлэй.

1 Хаан түрэнүүд 11:15 ပူးပေါင်းရင်းမြစ်များ

2 Хаан түрэнүүд 19:15

Тиигээд хаан бусажа, Иордан голдо хүрэбэ. Тэрэниие угтан, гол гаталуулхын тула Иудын зон Гилгаалда ерээ һэн.

Египедһээ гаралга 24:5

Израиль угсаатан соохи залуу хүбүүдтэ хандажа, түгэс шатаалта үргэл ба амгалан байдалай түлөө үргэл хэхыень зонхилбо. Тэдэнь Эзэндэ бухануудые үргэбэ.

Яковай хандалга 4:16

таанад бардам зангаараа бүдүүрхэнэт, теэд тиигэжэ бүдүүрхэхэнь буруу юм.

1 Хаан түрэнүүд 10:17

Удаань Самуил арад түмэниие Мицпаа руу, Эзэндэ дуудан суглуулба.

1 Хаан түрэнүүд 10:24

Самуил бүхы арад зондо соносхобо: – Эзэн хэниие шэлээб гэжэ ойлгон харана гүт? Бүхы арад түмэнэй дунда энэ хүнтэй зэргэсэхэ хүн үгы! Тиимэһээ бүхы зон баярлан хашхаралдаба: – Хаан мандаха болтогой!

1 Хаан түрэнүүд 10:8

Ши намһаа уридшалан Гилгаал руу ошоорой. Хараарайгты, би түгэс шатаалта үргэлнүүдые болон амгалан байдалай үргэлнүүдые үргэхэеэ шамда ерэхэб. Минии шамда ерэтэр долоон хоног тэндэ хүлеэгөөрэй. Хэхэ юумыешни бултыень би шамда заажа үгэхэб.

1 Хаан түрэнүүд 12:1

Самуил бүхы Израильда хандан: – Харагты. Би таанарай намда хэлэһэн бүхы юумые шагнаад, үгыетнай дуулажа, таанад дээрэ хааниие томилон табяаб.

1 Хаан түрэнүүд 12:17

Мүнөө ургаса хадаха саг. Зүб гү? Теэд минии Эзэниие дуудахадамни, Тэрэ аянга, бороо эльгээхэ. Тиихэдэнь таанад өөһэдтөө хааниие гуйжа, Эзэнэй урда хэһэн нүгэлэйнгөө угаа ехэ байһые мэдэхэт, харахат, – гэбэ.

1 Хаан түрэнүүд 8:19

Гэбэшье арад зон Самуилай үгэ дуулахаһаа татагалзан: – Үгы, маанадые зонхилхо хаан байха ёһотой.