1 Хаан түрэнүүд 10:27 - Библи

²⁷ Харин зарим этэгээдүүд: – Энэ хүн маанадта яажа туһалха юм? – гэлдэн, тэрэниие баһажа, бэлэгүүдые тэрээндэ асарбагүй. Харин Саул энээниие хараагүй мэтэ ябаа бэлэй.

1 Хаан түрэнүүд 10:27 ပူးပေါင်းရင်းမြစ်များ

2 Хаан түрэнүүд 20:1

Бэньямиин хүн Бихрии гэгшын бирагүй, үймөө үүдхэдэг абари зантай Шэбаа хүбүүн тэндэ байлсаа. Тэрэ зониие суглуулхаяа эбэр бүреэгээр үлеэжэ, иигэжэ хэлэжэ байба: – Давидтай хамта бү байя! Тэрээнэй хойноһоо бү ябая! Израилиин улад зон, гэр гэртээ тарая!

2 Хаан түрэнүүд 8:2

Давид моһаабуудые бута сохибо. Тэрэ тэдэниие газар дээрэ хэбтүүлээд, аргамжаар хэмжэбэ. Гурбанайнь хоёр хубиие алаба, нэгэ хубииень амиды үлөөбэ. Моһаабшууд Давидай засаг мэдэржэ, ясаг түлэдэг болобо.

3 Хаан түрэнүүд 10:25

Жэлһээ жэлдэ хаанда ерэһэн хүн бүхэн бэлэг асардаг һэн: алта, мүнгэн амһартануудые, хубсаһа хунар, дайнай зэбсэгүүдые, үнэтэ гүгэлнүүдые, хурдан моридые, лууснуудые бэлэг болгон баридаг байгаа.

3 Хаан түрэнүүд 4:21

Евфрат мүрэнэй болон Пилишт орон нютагай хоорондуур оршодог, Египет хүрэтэр нэмжыгшэ дайдануудай хан түрэнүүдые Соломоон зонхилон ажаһуугаа. Тэдэ хан түрэнүүд Соломооной амиды мэндэ сагта үргэлжэ ясаг түлэжэ байгаа.

3 Хаан түрэнүүд 5:1

Тиирэй хаан Хираам Соломооной эсэгэ Давидтай хододоо нүхэсэжэ байһан юм. Эсэгынь хаан шэрээдэ һуухыень Соломооные тоһоор түрхибэ гэжэ дуулахадаа, тэрэ Соломоон руу өөрынгөө тушаалтадые эльгээбэ.

2 Угай бэшэг 13:7

Хажуугаарнь хооһон, хэндэшье хэрэггүй зон сугларжа, хүсэтэйбди гэжэ өөһэдыгөө харуулхын тула Соломооной хүбүүн Рэхобаамай урдаһаа тулан бодоо һэн. Рэхобаам залуу байгаа, урдаһаань харюу үгэхэ дүй дүршэлгүй һэн.

2 Угай бэшэг 17:5

Эзэн Тэрэнэй хааншалга үреэжэ, Иудын улад зон Ёшапаадта бэлэг сэлэг үргэдэг байгаа. Иигэжэ тэрэ угаа баян, алдар солотой болоо һэн.

Псалманууд 38:13

Эзэн, минии зальбаралые дуулыт, минии хашхархада, шэхээ табиит. Нулимсыем үзэн, абяагүй бү байгыт. Би Танда ерүүл хүн, үбгэ эсэгэнэртээл адли, богонихон хугасаада Танай гэртэ би айлшан мүн.

Псалманууд 72:10

Иимэ зоной хойноһоо арад түмэмни дагана, дүүрэн адхан уһыень уунал!

Экклезиаст 7:21

Яряанай бүхы үгэ бэедээ дүтэ бү аба, богоолойнгоо шамайе хараажа байхыень шагнажа болохош.

Исай 36:21

Арад зон харюусангүй, дуугай байба. Юуб гэхэдэ, харюудань юушье дуугархагүй тухайнь Хэзэкияа хаан тэдээндэ захирһан байгаа бшуу.

Матвей 2:11

Сэсэшүүл гэртэ ороод, хүбүүнэй Мария эхэтэйгээ байхыень хараба, тиигээд газар хүрэтэр дохин Тэрээндэ мүргэбэ. Асарһан бэлэгүүдээ дэлгэжэ, хүбүүндэ алта мүнгэ, сан санзай, һайхан үнэртэй ургамалай тоһо үргэбэ.

Хэрэгүүд 7:35

«Хэн таниие манай дээрэ ноён болгооб, зарга шиидхэгшээр табяаб?» гэжэ еврейнүүдтэ буруушаалгаһан эгээл тэрэ Моисейе Бурхан ударидагша болон абарагшаар томилон эльгээгээ юм. Шатажа байһан үүргэнын галда бии болоһон Эльгээмэлэй гараар Бурхан тиимэ юумэ хээ.

Хуули дабталга 13:13

танай арадай дунда өөдэгүй хүнүүд бии болоһон, «ошожо, ондоо, мэдэхэгүй бурхадта зальбардаг болоё» гээд хотын ажаһуугшадта хэлэнэ гэжэ дуулаа һаа,

1 Хаан түрэнүүд 11:12

Тиихэдэ арад зон Самуилда: – «Саул маанадые зонхилжо байха юм гү?» гэдэг зон хэд бэлэй? Тэдэ хүнүүдые асарагты, бидэ тэдэниие алахабди, – гэлдэбэ.

1 Хаан түрэнүүд 11:13

Теэд Саул: – Энэ үдэр хэнииешье алажа болохогүй. Юуб гэхэдэ, мүнөөдэр Эзэн Израильда абарал буулгаа, – гэжэ хэлэбэ.

1 Хаан түрэнүүд 16:20

Ишай элжэгэ абажа, нэгэ талха, нэгэ тулам үзэмэй дараһан архи, нэгэ эшэгэ ашаад, өөрын хүбүүн Давидаар тэдэниие Саул руу эльгээбэ.

1 Хаан түрэнүүд 2:12

Элиин хүбүүд Эзэниие хүндэлдэггүй муу зон бэлэй.

1 Хаан түрэнүүд 25:17

Тиимэһээ одоо та юу хэхэеэ бодожо хаража мэдэгты. Юуб гэхэдэ, манай эзэниие болон бүхы гэр бүлыень гай зоболонгой дайрахань дамжаггүй. Эзэн болбол өөдэгүй зантай һэн тула хэншье тэрээнтэй хөөрэлдэжэ шадахагүй, – гэбэ.