1 Хаан түрэнүүд 1:26 - Библи

²⁶ Ханнаа тэрээндэ иигэжэ хэлэбэ: – Эзэн! Ута наһатай, удаан жаргалтай ябахатнай болтогой! Би эндэ, танай хажууда зогсожо, Эзэндэ мүргэн зальбаржа байгааша үнөөхи эхэнэр гээшэлби даа.

1 Хаан түрэнүүд 1:26 ပူးပေါင်းရင်းမြစ်များ

Эхин 42:15

Зүгөөр би таанадые шалгаад үзэхэмни. Тэрэ одхон дүүгэйтнай наашаа ерээгүйдэ би үгэдэтнай этигэхэгүйб. Тэрэнэй эндэ ерэхэһээ урид таанад Египедһээ амиды мэндэ гарахагүйт! Энээн тушаа би Египедэй эзэн хаанай нэрээр тангаригланаб!

2 Хаан түрэнүүд 11:11

Урияа Давидта харюусаба: – Ханзын, Израилиин, Иудын сэрэг зоной майхангууд соо оршожо, минии ноён Ёһаабай болон тэрэнэй сэрэгэй задагай талада хоножо байхадань, би гэртээ эдижэ уужа, һамгантаяа унтажа байха аалби?! Танаар, ами наһаартнай тангаригланаб: би иимэ юумэ хэхэгүйб!

2 Хаан түрэнүүд 14:19

– Эдэ бүгэдые хэлэхые шамда Ёһааб захираа гү? – гэжэ хаанай асуухада, эхэнэр харюусаба: – Үндэр түрэлтэ хаан, танай амиды мэндэ байһандал, энэ тон тиимэл даа, та зүбөөр таабат. Танай зараса Ёһааб эдэ бүгэдые хэхыемни, эдэ үгэнүүдые танда хэлэхыемни захираа.

4 Хаан түрэнүүд 2:2

Элияа Элишаада иигэжэ хэлэбэ: – Ши эндэ үлэ. Эзэн намайе Бэт-Ээл эльгээнэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр Бэт-Ээл тээшэ ошобо.

4 Хаан түрэнүүд 2:4

Элияа Элишаада хандажа: – Элишаа эндээ үлэ. Эзэн намайе Ерихоон эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Ерихоон ерэбэд.

4 Хаан түрэнүүд 2:6

Элияа Элишаада хандажа: – Ши эндээ үлэ, Эзэн намайе Иордан эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Иордан ошобо.

4 Хаан түрэнүүд 4:30

Үхибүүнэй эхэ иигэжэ хэлэбэ: – Танай амиды байгаа сагта, би таниие орхихогүйб гэжэ Эзэнэй зүгһөө тангаригланаб. Гэһаази хүл дээрээ бодоод, тэрэ эхэнэртэй ошолсобо.

1 Угай бэшэг 4:10

Ябээц Израилиин Бурханиие дуудан, иигэжэ хэлэбэ: – Та намайе Өөрынгөө юрөөлөөр юрөөжэ, газар дайдыем үргэдхыт! Та намайе дүнгэжэ, гай гасалан мэдэнгүй байхымни тула гай тодхорһоо аршалан байгыт! Бурхан тэрэнэй гуйгшые үршөөгөө бэлэй.

1 Хаан түрэнүүд 17:55

Саул Давидай пилишт хүнэй урдаһаа гаража байхыень хараад, сэрэгэй дарга Абнээрһээ: – Абнээр, энэ залуу хүн хэнэй хүбүүн бэ? – гэжэ асууһан байгаа. Абнээр: – Минии хаан, танай ами наһаар тангаригланаб, би мэдэнэгүйб, – гээ.

1 Хаан түрэнүүд 20:3

Гэбэшье Давид дахин тангариглан: – Намайе танай нюдэндэ хайра үршөөл олоо гээд танай эсэгэ һайн мэдэнэ. Тэрэ «Ёнатааниие гомдохоохогүйн тула энэ хэрэгые тэрээндэ бү мэдүүлэгты» гэжэ хэлээ. Харин би Эзэнэй нэрээр болон танай ами наһаар тангаригланаб, үхэл хүрэтэр нэгэ алхам лэ намда үлөө, – гэбэ.

1 Хаан түрэнүүд 25:26

Мүнөө, минии эзэн, Эзэнэй нэрээр болон танай ами наһаар тангариглая. Эзэн таниие шуһа урдахуулхаһаа, үһөөгөө абахаһаа тогтоог лэ. Танай дайсад, минии эзэндэ хоро хүсэгшэд Набаалтай адли болохонь болтогой!