1 Хаан түрэнүүд 1:24 - Библи

²⁴ Тэрэнэйнгээ хүхэнһөө гарахадань тэдэ хамта Шилоо руу ошобо. Тэдэ гунан буруу, нэгэ эфаа гурил болон нэгэ арһан тулам үзэмэй дараһан архи абаад ошоо һэн. Хүбүүниинь үшөө нялха наһандаа ябаа.

1 Хаан түрэнүүд 1:24 ပူးပေါင်းရင်းမြစ်များ

Эхин 21:8

Хүбүүн томохон болобо. Хүхэнһөөн гараһан үдэр Абраһаам ехэ найр хэбэ.

3 Хаан түрэнүүд 11:20

Тахпэнээзэй дүү басаган тэрээндэ Гэнубаат гэжэ хүбүү түрэбэ. Тахпэнээз тэрэ хүбүүе фараоной гэртэ өөрынгөө хүбүүдтэй хамта үдүүлһэн байна.

Матвей 13:33

Иисүүс тэдэндэ ондоо һургаалта үгэ хэлэбэ: – Огторгойн хаан түрэ эһээбэритэй сасуулжа болохо: нэгэ эхэнэр багахан эһээбэри абажа, гурбан хэмжүүрэй гурилтай худхажа эһэтэрынь эдьхэбэ.

Хуули дабталга 12:11

Эзэн Бурханайтнай нэрэеэ нэрлүүлхэ газар шэлэн заахадань, тиишэнь минии хэлэһэн бүхы юумэ асарагты: түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөрынгөө хубиин үргэл, Эзэндэ үргэһэн шахаа тангаригаартнай хараалагдаһан эрхим үргэл.

Хуули дабталга 16:16

Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

Нүүнэй Иисүүс 18:1

Израилиин бүхы зон Шилоодо шүүлгын газарта суглараад, тэндэ суглаанай майхан һүмэ табиба, юундэб гэхэдэ, тэрэ орон тэдээнэй мэдэлдэ ороод байгаа.