TITO 2:14 - BUKUIT NE TILIL

¹⁴ ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

Bukuit Ne Tilil

¹⁴ ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

BUKUIT NE TILIIL Sireet ne Dutero Kanon

¹⁴ ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

TITO 2:14 ပူးပေါင်းရင်းမြစ်များ

TAUNET 48:16

malaikaiyat ne kiitiacha eng’ yaitwogik tugul, ingoberur lagochu; ak keguurtoe ichek kainennyu, ak kainaikab kwanisiekyuk agichek, Abraham ak Isak; ak ingotesogis kochang’a eng’ kwenutab ng’ony.

TIENWOGIKAL 130:8

Ak kitiachi inendet Israel Eng’ tengekwogikyik tugul.

TIENWOGIKAL 135:4

Amu kigolewenjigei Jehovah Jakobo, Ak Israel koek kinnyi ne nenyi iman.

KOMONG'U 15:16

Kanam ichek kamuiset ak kaiyweisiet; Kasisyo ko u koita amu etunatetab eung’ung’; Ee Jehovah, agoi kolanda biguk, Agoi kolanda bik che kiial.

EZEKIEL 36:25

Ak abisenok beek che tililen, si otililitu: ak aundawok simdang’wong’ tugul, ak kanamonikwok tugul.

EZEKIEL 37:23

Ama kong’wanitegei kanamonikwak kogeny, anan eng’ tugukwak che samis, anan agot agenge eng’ bistaosiekwak: ago asoru ichek eng’ oldinwekwak tugul che menyei: ole kiyae tengekto, ak atilil ichek: egu anyun bikyuk, ak aegu Kamuktaindenywa.

ATEPTAP LAWIK 25:41

yeityo anyun komanda eng’ oldang’ung’, inendet koboto lagokyik, ak koweekyigei oldab bikab orenywa, koweekyigei ole mi tugukab kwanisiekyik.

MALAKI 3:3

ak koteb ng’ony ko u kaunindetab feda ak ko katililindet, ak kitilil werikab Lawik, ak kotilil ichek ko u ye kitilili tahabu ak feda; ak kogochi Jehovah kagochinoik eng’ imanda.

KAITOSYEK 25:13

egu kayomiset ne bo tiseinatet ne bo koigeny eng’ inendet ak eng’ iyotennyi ne biitu let; amu kitinyei ng’etkonda agobo Kamuktaindet, ak koyachi kagaigaet lagokab Israel.

KAITOSYEK 7:15

ak kirgit agenge ne neran, ak mengit agenge, ak mengit age ne masiirei kenyit agenge, kobunji kagochinet ne kibeelei;

MATAYO 1:21

Ak tun sichei werit; ak iguure kainennyi JESU; amu inendet ne soru bikyik eng’ tengekwogikwak.

MATAYO 20:28

agot ko u noto, kima nyo Weritab chi keboisiechi, ago si kobois inendet, ak kogoito sobondanyi koek kit ne kitiage che chang’.

MATAYO 3:12

tinyei eng’ eunnyi keibennyi, ak kotilili komie ruanyut; ak koyumji nganok chogennyi, ak kobeele metetek mat ne ma misoksei.

JOHANA 10:15

ko u ye ingena Kwanda, ak angen Kwanda; ak agoitoi sobondanyu agobo kechirek.

JOHANA 6:51

A makatiat ne sobei ne kichorgei eng’ kipsengwet: ngo am chi age tugul makatiandani, kosobei koigeny: ee, ak bortanyu makatiat ne agoitoi agobo sobondo ne bo ng’ony.

POISYONIGAP CHE KIYOKTOI 15:14

Kagomwa Simion ko u ye kirutochi Jehovah Bororiosiek eng’ tai, si kobiit kolewenji kainennyi bik eng’ ichek.

POISYONIGAP CHE KIYOKTOI 15:9

ak kima ibesiech ak icheget, ye kiitilili mugulelwekwak eng’ kayanet.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

POISYONIGAP CHE KIYOKTOI 9:36

Ak kimi age ne bo alamalyet Jopa ne kigiguure Tabita, ne ye kiweech kele Dorkas: kitinyei kobogoriondoni boisionik che chang’ che miach ak kagochinoik che kiigoitoi.

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

GALATYEK 2:20

Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

GALATYEK 3:13

Kiitiachech Kristo eng’ chubisietab Ng’atutiet ye kiek inendet chubet agobo achek: amu kigisir kele, Chubot chi age tugul ne kisonginini eng’ ketit:

EPESOEK 1:11

ne kiyaech eng’ inendet keegu borotennyi, ko kasib kolewenech, ko u magetab inendet ne yaei tuguk tugul ko u kabwatetab magennyi;

EPESOEK 2:10

Amu ki boisiennyi achek, ne kigiyaech eng’ Kristo Jesu agobo boisionik che miachen, che kisib kochob Jehovah si kebendate ichek.

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

NG'ATUTIK 14:2

Amu i bororiet ne tilil eng’ Jehovah Kamuktaindeng’ung’, ak kigolewenin Jehovah iegu bororiennyi ne itabanat kosiir bororiosiek tugul che mi ng’ony.

NG'ATUTIK 26:18

ak kang’any Jehovah rani kole, I bororiet ne kigitabanin iegu nenyi, ko u ye kiiarorun, ak si kobiit irib ng’atutikyik tugul;

NG'ATUTIK 4:20

Ago konamak Jehovah, ak komutwak omong’une matab karnet, eng’ Misri, oegu bikab borotennyi, ko u rani.

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

1 TIMOTEO 1:15

Bo iman ng’olyondoni, ak nyolu koyanak inne, ne mwaei kole kinyo Kristo Jesu ng’ony kosor kiptengeginik; a ne bo tai eng’ choto;

1 TIMOTEO 2:10

ago (ko u ye nyoljin kobogorisiek che ibortogei kole bikab Jehovah icheget) eng’ boisionik che miach.

1 TIMOTEO 2:6

ne kiigoitogei koek ne kitiage tugul; ne tun kibaorianjin eng’ betusiekyik;

1 TIMOTEO 6:18

ile koyai ne mie, si kobiit koek magorek eng’ boisionik che miach, si kochobogis kogoito, koyomogei ak alak;

TITO 2:7

ibartege inyendet eng’ tuguk tugul iegu kaborunet ne bo boisionik che miachen; eng’ konetisieng’ung’ ibarte atebet ne ma ng’emaksei,

TITO 3:8

Bo iman ng’olyondoni, ak amache imwa tuguchuto eng’ kimnatet, si kobwat ichek che kigoyan Jehovah, koyai kotugul boisionik che miach. Miachen tuguchuto ak kotoreti bik:

HEBRANIK 1:3

inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

HEBRANIK 10:24

Ak ongibwatge achege eng’ achege kigimitge eng’ chamnyet ak boisiosiek che miach;

HEBRANIK 9:14

kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!

JAKOBO 4:8

Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.

1 PETERO 1:18

ongen ole kigitiachak omong’une atebeng’wong’ ne bo buch ne kionyoru eng’ kwanisiekwok, ma eng’ tuguk che ng’emaksei, ko u feda anan tahabu;

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

1 PETERO 2:12

okwek che otinye atebet ne nyolu eng’ kwenutab Bororiosiek: si nganda itaamok ko u yaikab yaitio, kotoror Jehovah eng’ betutab rutochinet eng’ boisionikwok che miach che keerei.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

1 PETERO 3:18

Amu kime Kristo agine konyil agenge agobo tengekwogik, inendet ne bo imanda agobo che ma bo imanda, si kobiit komutyech Jehovah; ne kigibar eng’ borto, ago kigisoob eng’ tamirmiriet;

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.

1 JOHANA 1:9

Ngot keng’anye tengekwogikyok, koyanat ak ko bo imanda konyoiywech kaat tengekwogikyok, ak kotililech eng’ kiy tugul ne ma bo imanda.

1 JOHANA 3:2

Chamanichu, ki lagokab Jehovah nguno, ak tomo keng’any kit ne tun ki u. Kingen kele, ye tun kaging’any inendet, kegergeitu ak inendet; amu tun kigeere ko u ole u inendet.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,