TITO 2:13 - BUKUIT NE TILIL

¹³ kigeni kamang’unet ne iberurot, noto ko toogunetab torornatetab Jehovah nenyo ne o ne Yetindennyo Jesu Kristo;

Bukuit Ne Tilil

¹³ kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

BUKUIT NE TILIIL Sireet ne Dutero Kanon

¹³ kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

TITO 2:13 ပူးပေါင်းရင်းမြစ်များ

ISAIAH 25:9

Ak tun kimwaei eng’ betunoto kele, Ogeero, nito ko Kamuktaindennyo; kigigen inendet, ak soruech inendet: nito ko Jehovah; kigigen inendet, kigasige ak keboiboitu eng’ yetunennyi.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MATAYO 25:31

Ago ye nyo Weritab chi eng’ torornatennyi, koboto malaikaisiek tugul, kotebe anyun ng’echeretab torornatennyi:

MATAYO 26:64

Kolenji Jesu, Kaimwa: ago amwawok ale, Koboch nguno kotun ogeere Weritab chi kotebyei eng’ eutab tai ne bo kamuktaet, ak konyonei eng’ baragutab bolik che bo kipsengwet.

MARIKO 14:62

Ak kile Jesu, A inendet: ak tun ogeere Weritab chi kotebyei eng’ eutab tai ne bo kamuktaet, konyonei eng’ bolik che bo kipsengwet.

MARIKO 8:38

Amu age tugul ne ililani agobo ane koboto ng’alekyuk eng’ ibinita bo sokset ak tengek, ko tun ililanjin agine Weritab chi inendet, ye tun nyonei eng’ lilindab Kwandanyi koboto malaikaisiek che tililen.

POISYONIGAP CHE KIYOKTOI 24:15

atinye kamang’unet eng’ Jehovah, ne cheng’ei bichu agichek, ale, tatun komi ng’eetyetab che bo imanda ak che ma bo imanda.

ROMANIK 15:13

Noto anyun, ingonyiitak Jehovah ne bo kamang’unet boiboiyet tugul ak kalyet eng’ kayanet, si kobiit otesage eng’ kamang’unet, eng’ kamuktaetab Tamirmiriet ne Tilil.

ROMANIK 5:5

magonu kamang’unet kililan; amu kigerong’ji chamnyetab Jehovah mugulelwekyok eng’ Tamirmiriet ne Tilil ne kigegonech.

ROMANIK 8:18

Amu aiiti ale nyalilwogik che bo betusiechu ko ma nyolu kiroge torornatet ne tun king’ang’wech.

1 KORINTOEK 1:7

si moletu eng’ konunet age tugul; ogeni ng’ang’utietab Kiptaiyandennyo Jesu Kristo.

2 KORINTOEK 4:4

eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 1:5

amu kamang’unet ne kigegonoruok eng’ kipsengwet, ne kiosib ogas eng’ ng’olyotab imanit ne bo logoiywek che miach,

KOLOSAIK 3:4

Ye tun took Kristo, ne inendet sobondanyo, otoogu anyun ak okwek koboto inendet eng’ torornatet.

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

2 THESSALONIKEK 2:8

Ak yeityo keng’any ngeleliot, ne tun barei Kiptaiyat Jesu eng’ kabusetab kutinnyi, ak kong’em koek buch eng’ ng’ang’etab nyonunennyi;

1 TIMOTEO 1:1

Paulo, ne kiyoktoi ne bo Kristo Jesu ko u ng’atutietab Jehovah Yetindennyo, ak Kristo Jesu ne kamang’unennyo;

2 TIMOTEO 1:2

asirjini Timoteo, lakwennyu ne achame mising’: Ingoteb koboten mieindo, rirenetab ge, kalyet, che bunu Jehovah Kwanda ak Kristo Jesu Kiptaiyandennyo.

2 TIMOTEO 4:1

Kang’atin anyun eng’ taitab Jehovah, ak Kristo Jesu, ne tun iruokyin che soptos ak che kigobek, ak eng’ toogunennyi ak eng’ bounatennyi;

2 TIMOTEO 4:8

koboch nguno ko kagegonorua kutwet ne bo imanda, ne tun kona Kiptaiyat, kiruogindet ne bo imanda, eng’ betunoto: ago ma anege, ago icheget tugul agichek che kigocham toogunennyi.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

TITO 1:4

asirjini Tito, lakwennyu ne bo iman eng’ kayanet ne kiyamdoi: Ingoteb koboten mieindo ak kalyet che bunu Jehovah Kwanda ak Kristo Jesu Yetindennyo.

TITO 3:4

Ago ye kingotook talasietab Jehovah Yetindennyo, ak chamnyennyi ne chamei bik,

HEBRANIK 9:28

ko u noto Kristo agine, kingo kagigoito konyil agenge si koib tengekwogikab che chang’, ko tun toogu ne bo aeng’, ma agobo tengek ago, eng’ ichek che igeni inendet, agoi yetunet.

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

2 PETERO 1:1

Simon Petero, otwogindet ak ko ne kiyoktoi ne bo Jesu Kristo, asirjini ichek che kigenyoru tugul kayanet ne kararan mising’ eng’ imandab Jehovah nenyo ak ko Yetindennyo Jesu Kristo:

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.

1 JOHANA 4:14

Ak kigegeer ak kebaoriani kele kiiyok Kwanda Werit konyo koek Yetindetab ng’ony.

JUDA 1:21

oripge eng’ chamnyetab Jehovah, ogeni rirenetab ge ne bo Kiptaiyandennyo Jesu Kristo kot koit sobondab koigeny.

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.