TITO 2:12 - BUKUIT NE TILIL

¹² Inetech kole keesie oret ne matokyingei Jehovah, ak magutik che bo ng’ony, ak ketebi eng’ ng’omnatet ne litit, ak eng’ imanda, ak eng’ oret ne tokyingei Jehovah eng’ kenyisiechu;

Bukuit Ne Tilil

¹² Ineetech kole keeesye ooreet ne ma tokyingei Kamuktaindet, ak maguutik che po ng'wony, ak ketebi eng' ng'omnateet ne litit, ak eng' imanda, ak eng' ooreet ne tokyingei Kamuktaindet eng' kenyisyechu;

BUKUIT NE TILIIL Sireet ne Dutero Kanon

¹² Ineetech kole keeesye ooreet ne ma tokyingei Kamuktaindet, ak maguutik che po ng'wony, ak ketebi eng' ng'omnateet ne litit, ak eng' imanda, ak eng' ooreet ne tokyingei Kamuktaindet eng' kenyisyechu;

TITO 2:12 ပူးပေါင်းရင်းမြစ်များ

TIENWOGIKAL 105:45

Si kobiit korib konetisiosiekyik, Ak kosub ng’atutikyik. Olosu Jehovah.

TIENWOGIKAL 4:3

Ago onai ni ole kigotabanjigei Jehovah chito ne bo iman: Kasei Jehovah ye aguure inendet.

EZEKIEL 36:27

Ak andeok Tamirmiriennyu, ak agonok obendate ng’atutikyuk, ak orib kiruogutikyuk ak oyai.

MATAYO 12:32

Ak age tugul ne mwaitoe yaitio Weritab chi, kenyochin kaat; ago age tugul ne mwaitoe yaitio Tamirmiriet, ko maginyochin kaat, agot eng’ ng’onyuni anan eng’ noto nyonei.

MATAYO 16:24

Kilenji Jesu anyun alamalyennyi, Ngo machei chi kosubwa, ko kanyol koesiogei, ak kosut kimurtoiyondennyi, ak kosubwa.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

LUKA 1:6

Ak ki bo iman ichek tuwai eng’ taitab Jehovah, ak kibendate ng’atutik tugul ak karureiywek che bo Kiptaiyat, ama tinyei lelut.

LUKA 1:75

Eng’ tililindo ak eng’ imanda eng’ tainnyi eng’ betusiekyok tugul.

JOHANA 14:30

Mang’alalwok mising’, amu nyonei ne o ne bo ng’ony: ama tinyei kiy eng’ ane;

JOHANA 6:25

Ak ye kingonyor inendet eng’ bitet age ne bo araraita, kolenji, Rabbi, koinyone au oli?

POISYONIGAP CHE KIYOKTOI 24:16

Ak achobege anyun agane eng’ ng’olyondoni atebe kotugul kabwatet ne matinyei kanagut eng’ taitab Jehovah ak bik.

POISYONIGAP CHE KIYOKTOI 24:25

Ak ye kita kong’alali agobo imanda, ak ribetab ge, ak kiruoget ne nyonei, koiyweis Peliki, ak kowol kole, Ui korok; ak ye tun anyoru boroindo ne mie, aguurin.

ROMANIK 12:2

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

ROMANIK 6:12

Noto anyun amochamji tengek koboi borwekwok che begu, si ogas it magutikwak:

ROMANIK 6:19

Ang’alali ko u biteetab bik amu nyalulet ne bo borwekwok: amu ko u ye kiogoite kebeberwekab borwekwok koek otwogikab muruonindo ak tengek agoi tengek, ko u noto anyun ogoite kebeberwekab borwekwok koek otwogikab imanda agoi tililindo.

ROMANIK 8:13

amu ngosubi borto, obegu matiny; ago ngobar eng’ Tamirmiriet boisionikab borto, osoptosi.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 7:1

Amu kitinye arorutichu anyun, chamanichu, ongitililge, keiste simdo tugul ne bo borto ak ne bo tamirmiriet, si keityi tililindo eng’ kaiyweisietab Jehovah.

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

GALATYEK 5:24

Ak icheget che bo Kristo Jesu ko kigogartat borto koboto magutikyik ak kasetab miat che bo choto.

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

KOLOSAIK 1:22

eng’ bortanyi ne bo banyek, eng’ meet, si kobiit komutak ko o tililen ko motinye tisia, amotinyei kiy ne kiruogunenok eng’ tainnyi:

1 THESSALONIKEK 4:7

Amu kima kuurjech Jehovah simdo, ago eng’ tililindo.

1 THESSALONIKEK 4:9

Ago ma nyolu kesirwak agobo chamnyetab tupchosiek; amu onetotin okweget eng’ Jehovah si ochamnye;

1 TIMOTEO 4:12

Amat kosas chi ming’inateng’ung’; ago egu kaborunet eng’ ichek che iyani, eng’ ng’olyot, eng’ atepto, eng’ chamnyet, eng’ kayanet, eng’ tililindo.

1 TIMOTEO 6:17

Ng’at magorek che bo betusiechu, si mamenio, anan konde kamang’unenywa magornatosiek che matonondos, ago eng’ Jehovah inendet ne konech tuguk tugul eng’ aiyebindo si kobiit keboiboitune;

1 TIMOTEO 6:9

Ago ichek che machei koek magorek kobutyin yomset ak mestet ak magutik che chang’ che berberen, che ibu ng’wanindo, che lugui bik koba ng’emisiet ak luset.

2 TIMOTEO 3:12

Ee, tugul che machei kotebi eng’ atebet ne mie eng’ Kristo Jesu, konyoru usisiet.

2 TIMOTEO 4:10

amu kigobagakta Dema, ko kagocham ng’onyuni bo betusiechu, ak kwo Tesalonika; kwo Kreske Galatia, kwo Tito Dalmatia.

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.

HEBRANIK 8:11

Amu koneti chi tugul chitab kokwennyi, Anan konet chi age tugul ne tupcho, kolenji, Ni Kiptaiyat: Amu tun naa tugul Koboch ne ming’in eng’ ichek kot koit ne o.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.

2 PETERO 2:9

ingen anyun Kiptaiyat kosor eng’ yomset che iywei Jehovah, ak korib che ma bo imanda kot koit betutab kiruoget, si tun kiruokyi;

2 PETERO 3:11

Amu tun chootos tuguchuto tugul ko u nito, ko nyolu oegu bik che u nee eng’ atebet ne tilil ak kaiyweetab Jehovah,

1 JOHANA 2:27

Ak okwek anyun, komenyok kaiilet ne kionyoru eng’ inendet, ak manyol konetak chi; ago ko u ye inetok kaiilennyi agobo tuguk tugul, ak ko bo iman, ma lembech, ak ko u ye kigonetak, omeny inendet.

1 JOHANA 2:6

inendet ne mwaei kole menyei eng’ inendet konyoljin agine kowendot ko u ye kiga wendot inendet.

1 JOHANA 5:19

Kingen kele ki bo Jehovah achek, ak mitei ng’ony komugul eng’ bounatetab inendet ne ya.

JUDA 1:18

ko u ye kimwawok, kole, Tun biitu chombilik eng’ betusiekab let, che isubi magutikwak che yaachen che ma bo kaiyweetab Jehovah.

NG'ANG'UTYET 14:12

Mi yu muitaetab bik che tililen, icheget che ribei ng’atutikab Jehovah, ak kayanetab Jesu.