TITO 2:11 - BUKUIT NE TILIL

¹¹ Amu kigotook mieindab Jehovah, ne ipchin bik tugul yetunet.

Bukuit Ne Tilil

¹¹ Amu ki kotook myeeindap Kamuktaindet, ne ipchin piik tugul yetunet.

BUKUIT NE TILIIL Sireet ne Dutero Kanon

¹¹ Amu ki kotook myeeindap Kamuktaindet, ne ipchin piik tugul yetunet.

TITO 2:11 ပူးပေါင်းရင်းမြစ်များ

TIENWOGIKAL 67:2

Si konaak oreng’ung’ eng’ ng’ony, Ak yetuneng’ung’ eng’ bororiosiek tugul.

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

TIENWOGIKAL 96:10

Omwa eng’ bororiosiek ole, Laitorani Jehovah: Kigigimit ng’ony si mang’eigei: Iruokyin bik eng’ imanda.

ISAIAH 45:22

Onyala, si kesoruok, okwek tabanwek tugul che bo ng’ony: amu a Kamuktaindet, ama mi age.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

SEKARIA 4:7

I ng’o, ee tulwoni o? Iegu warenget eng’ taitab Serubabel: ak konem koita ne bo barak kowaaktos kolen, Mieindo, mieindo, ingotebe baragunnyi.

MATAYO 28:19

Noto anyun oba, ak oyai bikab bororiosiek tugul koek alamalaik, obatisan ichek eng’ kainetab Kwanda ak ne bo Werit ak ne bo Tamirmiriet ne Tilil;

MARIKO 16:15

Ak kilenji, Oba ng’ony komugul, oamjinote logoiywek che miach bik tugul.

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

LUKA 3:6

Ak tun keerei bik tugul yetunetab Jehovah.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 1:9

Kimi lapkeiyet ne bo iman, ne nyonei ng’ony, ne iluuchin chi tugul.

POISYONIGAP CHE KIYOKTOI 11:23

ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:

POISYONIGAP CHE KIYOKTOI 13:43

Ak kingo kagomanda tuiyet eng’ sunagogit, kosub Paulo ak Barnaba che chang’ che bo Yahudik ak che konyiti Jehovah che kiwalak kobunji Yahudik: ye kingong’alaljin ichek, kogiil kole koba tai eng’ mieindab Jehovah.

POISYONIGAP CHE KIYOKTOI 13:47

Amu king’atech Kiptaiyat ko u noto, kole, Kaandein iegu lapkeiyet ne bo Bororiosiek, Si kobiit iegu yetunet agoi tabandab ng’ony.

POISYONIGAP CHE KIYOKTOI 17:30

Kima mage kiy anyun Jehovah betusiek che kima komi naet; ago kang’at nguno kole kosik bik tugul eng’ komosta age tugul:

POISYONIGAP CHE KIYOKTOI 20:24

Ago maiiti sobondanyu ale kiy ne achame kot, si kobiit ages bandanyu, ak boisiet ne kiataach eng’ Kiptaiyat Jesu, abaorianji logoiywek che miach che bo mieindab Jehovah.

ROMANIK 10:18

Ago amwae ale, Tos kima kas? Ee, iman, Kiwa twegunenywa koyom emet komugul, Ak kiba ng’alekwak agoi tabanwekab ng’ony.

ROMANIK 5:15

Ago ma u bistoet, konunetab chamnyet. Amu ngo kibek che chang’ eng’ bistoetab agenge, ko kitesak mising’ kosiir eng’ che chang’, mieindab Jehovah, ak konunet eng’ mieindab chito agenge, Jesu Kristo.

ROMANIK 5:2

ak kigenyoru eng’ inendet agine kemong’ji eng’ kayanet mieinoto kitonone; ak ongeboiboitu eng’ kamang’unetab torornatetab Jehovah.

2 KORINTOEK 6:1

Kisome achek che keboisiei ak Jehovah kele amotaach mieindab Jehovah buch

GALATYEK 2:21

Mawale mieindab Jehovah koek buch; amu nda bunu imanda Ng’atutiet, ko kime Kristo buch.

EPESOEK 2:5

agot ye kigi begunotin eng’ yaitwogikyok, ko kiisoobech koboto Kristo (kigesoruok eng’ mieindo),

EPESOEK 2:8

amu kigesoruok eng’ mieindo eng’ kayanet; ago mabunwok nito: konunetab Jehovah;

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:6

ne kigoityok; ko u ole teptoi agine eng’ ng’ony komugul koiyiei logoek ak ko tesoksei, ko u eng’ okwek, koboch betut ne kiogas ak onai mieindab Jehovah eng’ iman;

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

1 TIMOTEO 1:14

ak kitesak mieindab Kiptaiyandennyo kobarait koboto kayanet ak chamnyet ne mi eng’ Kristo Jesu.

1 TIMOTEO 2:4

ne machei kole kesor bik tugul, ak konyor naet ne bo imanit.

2 TIMOTEO 1:10

ago kagotook nguno eng’ toogunetab Yetindennyo Kristo Jesu, ne kigobar meet, ak kong’any sobondo ak ng’emisiet ne ma komi, eng’ logoiywek che miach,

2 TIMOTEO 4:17

Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

HEBRANIK 12:15

ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

HEBRANIK 2:9

Ago kigeere inendet ne kigiyai koming’init kitigin eng’ malaikaisiek, inendet Jesu, ne kigilaakyi kutwet ne bo torornatet ak teegisto amu nyalilda ne bo meet, si kobiit kochamjam meet eng’ mieindab Jehovah agobo chi age tugul.