TITO 1:16 - BUKUIT NE TILIL

¹⁶ Mwaei kole ingen Jehovah; ago esioi inendet eng’ boisionikwak, kigoek che kiwechei, ak che magase it, ama tilei kiy eng’ boisiet age tugul ne mie.

Bukuit Ne Tilil

¹⁶ Mwaei kole ingen Kamuktaindet; ago eesyoi ineendet eng' poisyonikwak, ki koek che kiwechei, ak che ma kase iit, ama tilei kiy eng' poisyet age tugul ne myee.

BUKUIT NE TILIIL Sireet ne Dutero Kanon

¹⁶ Mwaei kole ingen Kamuktaindet; ago eesyoi ineendet eng' poisyonikwak, ki koek che kiwechei, ak che ma kase iit, ama tilei kiy eng' poisyet age tugul ne myee.

TITO 1:16 ပူးပေါင်းရင်းမြစ်များ

Kitabuutap JOB 15:16

Kotam nee inendet ne kewechei ak ko samis? Chito ne eei tengekto ko u beek!

KALEWANAIK 30:12

Mitei ibinda ne iitigei kole tilil, Ago tom kiun eng’ simdanywa.

ISAIAH 29:13

Ak kile Kiptaiyat, Amu rikyina bichu kong’alalwa, ak kogonyita eng’ kutuswekwak, ago kigoisto mugulelwekwak kolooegitu eng’ ane, ak kaiyweisiet ne iywea ko ng’atutiet ne kiineti bik ichek:

ISAIAH 48:1

Ogas ni anyun, okwek, ee gotab Jakobo, che kimwaitoenok kainetab Israel, che kiobiitune beekab Juda; che oyostosi eng’ kainetab Jehovah, ak omwae Kamuktaindetab Israel, ago ma eng’ iman, anan ko eng’ imanda.

ISAIAH 58:2

Ago cheng’a betut age tugul, ak chamei konai ortinwekyuk: ko u bororiet ne kiyai imanda, ama meto kiruogetab Kamuktaindenywa, teebena kiruogutik che bo iman, chamei korikyi Kamuktaindet.

ISAIAH 59:13

kigiesie Jehovah eng’ bistoennyo, ak kigemaste ama kisub Kamuktaindennyo, keng’alali ng’alekab sastaet ak ngelelnatet, kichobe eng’ mugulelwekyok ng’alekab lembech, ak kemwae.

JEREMIA 12:2

Kiimin ichek, ee, kigonam ng’ony tigitik; eegitu, ee, itos logoek: i negite kutuswekwak, ago i loo eng’ mugulelwekwak.

JEREMIA 5:2

Agot ngo mwaei ichek kole, Ko u ye sobei Jehovah; koyostos iman eng’ lembechek.

JEREMIA 6:30

Kuure bik ichek michikyigek che kigenendoe feda, amu kigoesio Jehovah ichek.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

KAITOSYEK 24:16

Mwaei inendet ne kasei ng’alekab Kamuktaindet, Ne ingen ng’omnatetab Inendet ne Toror Mising’, Ne keerei ng’ang’utietab Inendet ne bo Kamuktaet, Ak kobutyi ng’ony, ko kayatogis konyekyik:

ROMANIK 1:28

Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu;

EPESOEK 5:6

Amat koberberak chi eng’ ng’alek che manamegei ak kiy: amu nyonjin nereknatet ne bo Jehovah werikab ngelelnatet amu tuguchuto.

1 TIMOTEO 1:9

kongen kole kima kiyai Ng’atutiet agobo chi ne bo imanda, ago agobo bistoik ak ng’emik, agobo che yaachen ak kiptengeginik, agobo che ma tililen ak che maiywei Jehovah, agobo che barei kwanisiek ak che barei kametisiek agobo rumik,

1 TIMOTEO 5:8

Ago ngo maribei chi bikyik, ak che siirei ko che bo gonnyi, ko kagoesio kayanet, ak ko ya kosiir chito ne ma iyan.

2 TIMOTEO 3:17

si kobiit koek chitab Jehovah, ne inetat, ne kigichob koek ne ititaat eng’ boisiet age tugul ne mie.

TITO 3:1

Ibwatyi ichek koming’injigei bounik, ak bounatosiek, kogas it, kochobogis eng’ boisiet age tugul ne mie,

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.

1 JOHANA 2:4

Inendet ne mwaei kole, Angen inendet, ama ribei ng’atutikyik, ko kiplembechwet, ama mi imanit eng’ inendet;

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

1 SAMUEL 15:22

Ak kimwa Samuel kole, Tos, ting’e Jehovah boiboiyet ne o kagochinoik che kibeelei ak tiseiywek, ko u ye ting’e kasetab it ne bo ng’olyotab Jehovah? Keero, siirei kasetab it tiseiywek, ak siirei kasetab it mwanikab mengichik.

1 SAMUEL 15:24

Ak kimwachi Saul Samuel kolenji, Koayai tengekto, amu koabistoe ng’atutietab Jehovah, ak ng’aleguk: amu koaiywei bik, ak agas it kutinywa.