TAUNET 6:9 - BUKUIT NE TILIL

⁹ Chu ko ortinwekab Noa. Ki chito ne bo imanda Noa, kiigesunotgei eng’ ibindanyi: kibendoti Noa ak Kamuktaindet.

Bukuit Ne Tilil

⁹ Chu isubi ko ooreetap kap Noah. Ki chiito Noah ne po imanda ak kogesunotkei eng' ibindanyi. Kibendoti ineendet ak Kamuktaindet.

BUKUIT NE TILIIL Sireet ne Dutero Kanon

⁹ Chu isubi ko ooreetap kap Noah. Ki chiito Noah ne po imanda ak kogesunotkei eng' ibindanyi. Kibendoti ineendet ak Kamuktaindet.

TAUNET 6:9 ပူးပေါင်းရင်းမြစ်များ

TAUNET 10:1

Chu ortinwek che bo werikab Noa, Sem, Ham, ak Japet: ak ye kingobata maranet kosich ichek werik.

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 2:4

Chu taunaik che bo kipsengwetisiek ak ng’ony eng’ betunoto ne kiyai Jehovah Kamuktaindet kipsengwetisiek ak ng’ony.

TAUNET 48:15

Ak kiiberur Josep, ak kole, Kamuktaindet ne kibendate tainnyi kwanisiekyuk Abraham ak Isak, Kamuktaindet ne kibaata atkinye tugul agoi kora,

TAUNET 5:1

Ni ko bukuit ne bo oretab lagokab Adam. Eng’ betut ne kitoi Kamuktaindet koyai chito, kiyai Kamuktaindet ichek eng’ kergeindanyi:

TAUNET 5:22

ak kibendat Enok ak Kamuktaindet eng’ kenyisiek bogol somok ye kingo kagosich Metusela, ak kisich werik ak tibik:

TAUNET 5:24

ak kibendoti Enok ak Kamuktaindet; ak kimata kotook, amu kiimut Kamuktaindet.

TAUNET 6:10

Ak kisich Noa werik somok, Sem, Ham ak Japet.

TAUNET 7:1

Kilenjin Jehovah Noa, Obwa melit, inye ak bikab gong’ung’ tugul; amu kaageerin ale i bo imanda eng’ tainnyu eng’ ibini.

2 SAMUEL 22:24

Kiagesunotgei agane eng’ tainnyi, Ak kiaripge si manama tengekto.

1 LAITORINIK 3:6

Ak kile Solomon, Kiiyachi otwogindeng’ung’ Daudi baba mieindo ne o, ko u ye kiwendote taing’ung’ eng’ imanit, ak eng’ imanda, ak eng’ lititindab muguleldo eng’ inye; ak kiigonorji inendet mieini o, amu kiigochi inendet werit kotebe ng’echerennyi ne bo laitornatet, ko u ra.

2 ATEPTAP PEETUUSYEK 15:17

Ago kima kiisto komoswek che tororen eng’ Israel: ago kiigesunotgei muguleldab Asa eng’ betusiekyik tugul.

2 ATEPTAP PEETUUSYEK 25:2

Ak kiyai ne mie eng’ taitab Jehovah, ago ma eng’ muguleldo ne igesunotgei.

Kitabuutap JOB 1:1

Kimi chi eng’ emetab Us, ne kigiguure Job; ak kiigesunotgei chichoto ak ko bo iman, ne kiiywei Kamuktaindet, ak koistoegei yaitio.

Kitabuutap JOB 1:8

Ak kilenji Jehovah Setani, Koigeer otwogindennyu Job? Amu mami ne kergei ak inendet eng’ ng’ony, ne igesunotgei ak ko chito ne bo iman, ne iywei Kamuktaindet, ak koistoegei yaitio.

Kitabuutap JOB 12:4

A u chito ne rorechin bikab kokwennyi, Ne kiguur Kamuktaindet, ak kiwolji inendet: Kirorechin ne bo iman, chito ne igesunotgei.

TIENWOGIKAL 37:37

Rib chito ne igesunotgei, ak igeer chito ne bo iman; Amu kagesunetab chichoto ko kalyet.

TIENWOGIKAL 37:39

Ago bo Jehovah yetunetab che bo imanda: Inendet ko irimenywa eng’ betutab nyalilda.

KALEWANAIK 4:18

Ago oretab che bo iman ko u lapkeiyet ne iluu, Ne iluu ko tesoksei agoi betut ne igesunotgei.

AMDOINDET 7:20

Iman, mami chi ne bo iman eng’ ng’ony, ne yaei ne mie ama yaei tengekto.

EZEKIEL 14:14

agot nganda mi bichu somogu, Noa, Daniel, ak Job emonoto, ko kota soru sobonwekwak ichegei eng’ imandanywa, mwaei Kiptaiyat Jehovah.

EZEKIEL 14:20

ko agot nganda mi Noa, Daniel, ak Job oloto, ko ko u ye asobe, mwaei Kiptaiyat Jehovah, ko masoru ichek werit anan chepto; ago soru sobonwekwak kityo eng’ imandanywa.

HABAKUK 2:4

Ogeero, kagomen muguleldanyi, ma litit inendet: ago sobei ne bo imanda eng’ kayanennyi.

LUKA 1:6

Ak ki bo iman ichek tuwai eng’ taitab Jehovah, ak kibendate ng’atutik tugul ak karureiywek che bo Kiptaiyat, ama tinyei lelut.

LUKA 2:25

Ogeero, kimi chito age Jerusalem, ne kigiguure Simeon; ak ki chito ne bo iman ak kigonyiti Jehovah, ne kiigeni kagaigaetab Israel: ak kitebe Tamirmiriet ne Tilil inendet.

LUKA 23:50

Ak ogeero, chito ne kigiguure Josep, chitab kapkiruok, chito ne mie, ak ko bo imanda

POISYONIGAP CHE KIYOKTOI 10:22

Ak kile, Kiiborji komie Jehovah Kornelio, eng’ malaikaiyat ne tilil, koyok bik kobwa koguurin iwe gonnyi ne inendet ko kiptaiyatab bogol, chito ne bo imanda ak koiywei Jehovah, ak baorianjin bororiet tugul ne bo Yahudik kole mie inendet, kole si kogasenen ng’alek.

ROMANIK 1:17

Amu king’anyei eng’ choto imandab Jehovah eng’ kayanet agoi kayanet: ko u ye sirat kole, Ago sobei ne bo imanda eng’ kayanet.

GALATYEK 3:11

Toogu anyun kele, mami chi ne kiityin imanda eng’ Ng’atutiet eng’ taitab Jehovah: amu, Sobei ne bo imanda eng’ kayanet;

NG'ATUTIK 18:13

Egu ne igesunotgei eng’ Jehovah Kamuktaindeng’ung’.

HEBRANIK 11:7

Kiyai Noa melit eng’ kayanet, kot kosor gonnyi, ye kingo kagiteechi agobo tuguk che kitomo kegeer, amu kiiywei Jehovah; kiiruokyine anyun ng’ony noto, ak kiek ne kinam imanda ne biitu eng’ kayanet.

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

2 PETERO 2:5

ak kima rire ng’onyut ne bo keny, ago kirib Noa ak bik alak tisab amdoindet ne bo imanda, ye kingoipchi maranet ng’onyutab bik che maiywei Jehovah;