TAUNET 6:6 - BUKUIT NE TILIL

⁶ Kiibwat Jehovah kole, kima ko ta mie, koyai chi eng’ ng’ony, ak kigas ng’wanindo eng’ muguleldanyi.

Bukuit Ne Tilil

⁶ Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

BUKUIT NE TILIIL Sireet ne Dutero Kanon

⁶ Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

TAUNET 6:6 ပူးပေါင်းရင်းမြစ်များ

TAUNET 6:7

Ak kimwa Jehovah kole, Abere awong’u bik che kiatau ayai eng’ ng’ony komugul; kong’eete chi, ak tiony, ak ne ichuutegei, agoi tarit age tugul ne bo barak; kima ko ta mie ayai ichek.

2 SAMUEL 24:16

Ak kingotokyi malaikaiyat eunnyi Jerusalem kole kobar, kowal Jehovah kabwatutikyik agobo yaitionoto, ak kolenji malaikaiyandonoto kibarei bik, Kagoyam; ingosis eung’ung’. Ak kimi malaikaiyatab Jehovah ole negite ruanyut ne kiborse ne bo Arauna Jebusindet.

1 ATEPTAP PEETUUSYEK 21:15

Ak kiiyokto Kamuktaindet malaikaiyat kwo kobar Jerusalem: ak ye ki negit kobar, kogeer Jehovah, ak kowal kabwatennyi agobo yaitionoto, ak kolenji malaikaiyat ne kibarisiei, Kagoyam; bagakte. Ak kitonone malaikaiyatab Jehovah ole negit ruanyut ne kiborse ne bo Ornan Jebusindet.

TIENWOGIKAL 106:45

Ak kiibwat kayomisennyi ne kigayomisyi ichek, Ak kirire ichek ko u chang’indab rirenosiekyik.

TIENWOGIKAL 110:4

Kigoyosio Jehovah, ama walei, kole, I tisiindet koigeny Ko u kit ne ki u Melkisedek.

TIENWOGIKAL 119:158

Kiageer che ng’alsei, ak kiaarogen; Amu maisubi ichek ng’olyondeng’ung’.

TIENWOGIKAL 78:40

Ak kingelelji inendet konyil ata eng’ ong’atet, Ak kiigochi arogenet eng’ surkwen!

TIENWOGIKAL 81:13

Bwa, nda kiga epcha it bikyuk, Ee, nda kiga cham Israel kobendate ortinwekyuk!

TIENWOGIKAL 95:10

Kiaarogen kenyisiek artam eng’ ibinato, Ak kiale, Icheget ko bik che mastoi eng’ mugulelwekwak, Ak tom konai ortinwekyuk:

KOMONG'U 32:14

Ak kiwal Jehovah kabwatutikyik agobo yaitionoto kiga mwa kole yachjin bikyik.

ISAIAH 48:18

Kita mie nda kigegas ng’atutikyuk! Kita igeitu kalyeng’ung’ ainet, ak koigei imandang’ung’ beekab nyanjet che mildogei:

ISAIAH 63:10

Ago kiingelelso ak kogochi arogenet Tamirmiriennyi ne tilil: kigiwal anyun koek bunyondenywa, ak kobargei ak ichek.

JEREMIA 18:7

Eng’ betut ne amwae agobo boror age tugul, ak agobo bounatet age tugul, ale atut, ak abut ak ang’em;

JEREMIA 26:19

Tos kita kobar Hesekia laitoriatab Juda ak Juda tugul inendet? Tos kima iywei Jehovah, ak kogaigai Jehovah, kot kowal Jehovah kabwatutikyik eng’ yaitiet ne kiga komwa agobo ichek? Ngot keyai ko u noto, ko kagiipchi sobonwekyok yaitiet ne o.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

JOEL 2:13

ak ogerer mugulelwekwok, amogerer ngoroikwok, ak oweekyige Jehovah Kamuktaindeng’wong’: amu tinyei mieindo inendet ak ko nyiitat rirenet, masib konerechi, ak tinyei chang’indab rirenet, ak kowalei kabwatutikyik eng’ yaitiet.

JONAH 3:10

Ak kigeer Kamuktaindet boisionikwak, kole kaweek kometo orenywa ne ya; ak kiwal Kamuktaindet kabwatutikyik agobo yaitiet, ne kiga mwa kole yachin ichek; ak mata koyai.

MALAKI 3:6

Amu mawalaksei ane Jehovah, magigeswok anyun, ee okwek werikab Jakobo.

KAITOSYEK 23:19

Ma chito Kamuktaindet, kot komwa lembech; Anan weritab chi, kot kosik: Tos kagomwa, ak mayaei? Anan kagomwa, ama yaei kosulda?

ROMANIK 11:29

Amu matinyei ndara konunoikab Jehovah ak kuursennyi.

EPESOEK 4:30

Ak amogochi arogenet Tamirmiriet ne Tilil ne bo Jehovah ne kigindaenak ng’okset agoi betutab katiaget.

NG'ATUTIK 32:29

Nda ka ng’omen, ta konaei nito, Ak kobwat kagesunenywa!

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

HEBRANIK 3:10

Eng’ noto anyun kianerekyi ibini, Ak kiale, ichiliili kotugul eng’ mugulelwekwak: Ago kima kongen ortinwekyuk;

HEBRANIK 3:17

Ak ng’o che kinerekyi inendet kenyisiek artam? Tos ma icheget che kichalwogenso, che kiibutyi muswekwak ong’atet?

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

1 SAMUEL 15:11

Kima ko ta mie aeet Saul koek laitoriat: amu kagoweektagei let ma kosuba, ama yai ng’atutikyuk. Ak kinerech anyun Samuel; ak kirirji Jehovah kemout komugul.

1 SAMUEL 15:29

Ak mamwaei lembech Kimnatetab Israel, ama sigu; amu inendet ko ma chito si kowalak.

1 SAMUEL 15:35

Ak ki matagai konyo Samuel kogeer Saul kogeny agoi kome; amu kirirji Samuel Saul: ak kiibwat Jehovah kole kima kota mie koyai Saul koek laitoriat koboi Israel.