TAUNET 5:22 - BUKUIT NE TILIL

²² ak kibendat Enok ak Kamuktaindet eng’ kenyisiek bogol somok ye kingo kagosich Metusela, ak kisich werik ak tibik:

Bukuit Ne Tilil

²² Ki pendat Enok ak Kamuktaindet eng' kenyiisyek pogol somok ye kingo kagosich Methuselah ak ki sich weeriik alak ak tiibiik.

BUKUIT NE TILIIL Sireet ne Dutero Kanon

²² Ki pendat Enok ak Kamuktaindet eng' kenyiisyek pogol somok ye kingo kagosich Methuselah ak ki sich weeriik alak ak tiibiik.

TAUNET 5:22 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 24:40

Ak kilenja, Iyogu Jehovah ne awendote tainnyi malaikaiyandennyi obe tuwai, koberur bandang’ung’; iwe imutyi werinnyu chepto eng’ tilionutikyuk eng’ gotab baba kotun:

TAUNET 48:15

Ak kiiberur Josep, ak kole, Kamuktaindet ne kibendate tainnyi kwanisiekyuk Abraham ak Isak, Kamuktaindet ne kibaata atkinye tugul agoi kora,

TAUNET 5:21

Kitar Enok kenyisiek tamanwogik lo ak mut, kosich Metusela:

TAUNET 5:23

ak betusiek tugul che bo Enok ko ki kenyisiek bogol somok ak tamanwogik lo ak mut:

TAUNET 5:24

ak kibendoti Enok ak Kamuktaindet; ak kimata kotook, amu kiimut Kamuktaindet.

TAUNET 6:9

Chu ko ortinwekab Noa. Ki chito ne bo imanda Noa, kiigesunotgei eng’ ibindanyi: kibendoti Noa ak Kamuktaindet.

1 LAITORINIK 2:4

si kobiit kogimit Jehovah ng’olyondennyi ne kimwa agobo ane, kole, Ngot korib lagoguk ortinwekwak, kobendat eng’ tainnyu eng’ imanit eng’ mugulelwekwak tugul ak eng’ sobonwekwak tugul, ko u ye kimwa kole mabetenen chito ne tebe ng’echeretab laitornatet ne bo Israel.

2 LAITORINIK 20:3

Ee Jehovah, asain ale, ibwat ole kiatepte eng’ imanda eng’ taing’ung’, ak eng’ muguleldo ne igesunotgei, ak ayai ne mie eng’ taing’ung’. Ak kirir Hesekia eng’ ng’wanindo.

TIENWOGIKAL 116:9

Awendote taitab Jehovah Eng’ emotinwekab che soptos.

TIENWOGIKAL 128:1

Baibai age tugul ne iywei Jehovah, Ne wendote ortinwekyik.

TIENWOGIKAL 16:8

Kande Jehovah tainnyu betusiek tugul: Amu mi inendet eunnyu ne bo tai, magiistaa.

TIENWOGIKAL 26:11

Ago ane, awendote kagesunatennyu bo ge: Itiacha, ak irirenage.

TIENWOGIKAL 56:13

Amu kiisoru sobondanyu eng’ meet: Tos kima isoru kelyekyuk si mabut? Si awendote taitab Kamuktaindet Eng’ lapkeiyetab sobondo.

TIENWOGIKAL 86:11

Ineta oreng’ung’, ee Jehovah; si awendote imandang’ung’: Ituiye muguleldanyu si koiywei kaineng’ung’.

KOMONG'U 16:4

Kilenji Jehovah Musa anyun, Keero, arong’wok amitwogik che bunu kipsengwet; ak koba bik betut age tugul koyum che yamei betut, si kobiit atiem ichek, anai ngomuchi kobendate ng’atutiennyu, anan acha.

TYENDO NE SIIREI TUGUL 1:4

Ichuuta; si keruou, kisubun: Kagomutwa anyo gorikyik che bo orit: Kigasige ak kiboiboitu eng’ inye, Kimwaitoi achek chamnyeng’ung’ kosiir divaik: Chamin ichek eng’ iman.

HOSEA 14:9

Ng’o ne ng’om, si koguiyo tuguchuto? Ng’o ne utat, si konai tuguchoto? Amu lititen ortinwekab Jehovah, ak bendote che bo iman ortinwechoto; ago ibutyin oloto bistoik.

ATEPTAP LAWIK 26:12

Ak awendote kwenung’wong’, ak aegu Kamuktaindeng’wong’ ak oegu bikyuk.

AMOS 3:3

Tos bendat bik aeng’u ngot ko magasyindos?

MIKAH 4:5

Amu wendoti bororiet age tugul eng’ bororiosiek tugul eng’ kainetab cheptalelinnyi, ak kibendote achek kainetab Jehovah Kamuktaindennyo koigeny ak koigeny.

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

MALAKI 2:6

Kimi kutinnyi ng’atutietab imanit, ama kinyorji kutinnyi kit ne ma bo iman: kigibendate tuwai eng’ kalyet ak eng’ lititindo, ak koweech che chang’ kometo tengekto.

LUKA 1:6

Ak ki bo iman ichek tuwai eng’ taitab Jehovah, ak kibendate ng’atutik tugul ak karureiywek che bo Kiptaiyat, ama tinyei lelut.

POISYONIGAP CHE KIYOKTOI 9:31

Konyor anyun kamuung’et kaniset ne mi Judea komugul ak Galili ak Samaria, koteegak; ak ye kibendoti eng’ kaiyweisietab Kiptaiyat ak eng’ kagaigaet ne bo Tamirmiriet ne Tilil, kotesak.

ROMANIK 8:1

Noto anyun ma komi kiruoget eng’ ichek che mitei eng’ Kristo Jesu.

1 KORINTOEK 7:17

Ago, ko u ye kigopchechi Kiptaiyat chi age tugul, ko u ye kigoguur Jehovah age tugul, ingotebi ko u noto. Ak ang’ate anyun ko u noto eng’ kanisosiek tugul.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

EPESOEK 5:15

Oripge anyun mising’ eng’ ole oteptoi eng’ banwekwok, ma ko u che ma ng’omen, ago ko u che ng’omen;

NG'ATUTIK 13:4

Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.

NG'ATUTIK 28:9

Ak kogimitin Jehovah iegu bororiennyi ne tilil, ko u ye kiiyosieun; ngirib ng’atutikab Jehovah Kamuktaindeng’ung’, iwendote ortinwekyik.

NG'ATUTIK 5:33

Obun ortinwek tugul che king’atak Jehovah Kamuktaindeng’wong’, si osopche, ak komieit eng’ okwek, ak kochang’ait betusiekwok eng’ emet ne oname kobunjok.

KOLOSAIK 1:10

si obendate ko u ye nyolu eng’ Kiptaiyat, oboiboi inendet, oitosi logoek eng’ boisiet age tugul ne mie, ak otesage eng’ naetab Jehovah;

KOLOSAIK 4:5

Obendoti eng’ ng’omnatet eng’ taitab icheget che mi sang’, ingoek saisiek kamanut eng’ okwek.

1 THESSALONIKEK 2:12

si kobiit obendate ko u ye nyolu eng’ Jehovah, ne kuurjinok bounatennyi ak torornatet.

1 THESSALONIKEK 4:1

Ne bo let anyun, tupchosiechu, kesomok mising’ ak kiteeiywok eng’ Kiptaiyat Jesu, ko u ye kiotaach eng’ achek, ole kanyol obetite ak obaibaite Jehovah, agot ko u ye obendoti, si kobiit obaraitu mising’ inne.

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.