TAUNET 48:16 - BUKUIT NE TILIL

¹⁶ malaikaiyat ne kiitiacha eng’ yaitwogik tugul, ingoberur lagochu; ak keguurtoe ichek kainennyu, ak kainaikab kwanisiekyuk agichek, Abraham ak Isak; ak ingotesogis kochang’a eng’ kwenutab ng’ony.

Bukuit Ne Tilil

¹⁶ malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

BUKUIT NE TILIIL Sireet ne Dutero Kanon

¹⁶ malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

TAUNET 48:16 ပူးပေါင်းရင်းမြစ်များ

TAUNET 22:11

Eng’ yoto anyun koguur inendet malaikayatab Jehovah eng’ kipsengwet kolenji, Abraham, Abraham: kole, Ami yu.

TAUNET 22:15

Ak kiguur ne bo aeng’ malaikaiyatab Jehovah Abraham eng’ kipsengwet,

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

TAUNET 46:3

Ak kile, A Kamuktaindet, Kamuktaindet ne bo kwandang’ung’: ameiywei, ichortege iwe Misri; amu ayain iegu bororiet ne o eng’ oloto:

TAUNET 48:5

Chechuk anyun nguno werichuguk aeng’u, chu kigisigun eng’ emetab Misri, ye kitom aitu ole imi eng’ Misri; Epraim ak Manase, ko u Reuben ak Simeon.

TAUNET 49:22

Josep ko temetab ketit ne yiei kot, Temet ne yiei kot ne mi ye negite kondab beek; Iwaktoi temenik kosiirei inatut.

2 SAMUEL 4:9

Ak kiwolji Daudi Rekab ak Baana ng’etab kamet, werikab Rimon Berotindet, kolenji, Ko u ye sobei Jehovah, ne kigotiach sobondanyu eng’ nyalilda tugul,

1 LAITORINIK 1:29

Ak kiiyosio laitoriat kole, Ko u ye sobei Jehovah, ne kigotiach sobondanyu komong’une ng’oiyondit tugul,

2 ATEPTAP PEETUUSYEK 7:14

ngot koming’ingei bikyuk, che kemwaitoe kainennyu, ak kosa, ak kocheng’a, ak kolakta ortinwekwak che bo yaitiet; agas anyun eng’ kipsengwet, ak anyochi kaat eng’ tengektanywa, ak asoob emenywa.

TIENWOGIKAL 121:7

Ribin Jehovah eng’ yaitiet tugul; Ribei sobondang’ung’.

TIENWOGIKAL 34:2

Ilosugei sobondanyu eng’ Jehovah: Kasei noto che taloen, ak kogasgei.

TIENWOGIKAL 34:22

Itiachi Jehovah sobonwekab kiboitinikyik: Ak magiruokyin agot agenge ne imang’u inendet.

TIENWOGIKAL 34:7

Menyei malaikaiyatab Jehovah komoswek tugul che bo icheget che iywei Jehovah, Ak kosoru ichek.

TIENWOGIKAL 34:8

Ee, ochamjam anyun si onai ole mie Jehovah: Baibai mising’ chito ne imang’u inendet!

KOMONG'U 1:7

Ak kiiyo mising’ bikab Israel, ak kotesogis kochang’ait, ak kogimegitu kot; ak kiyom ichek emet.

ISAIAH 47:4

Katiagindennyo, kainennyi ko Jehovah ne bo lugosiek, Inendet ne Tilil ne bo Israel.

ISAIAH 63:9

Kiginyalil inendet eng’ nyalilwogikwak tugul, ak kisor ichek malaikaiyandennyi ne kimi tainnyi: kiitiach eng’ chamnyennyi ak rirenennyi; ak kigesen ak koganab betusiek tugul che bo keny.

JEREMIA 14:9

Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

JEREMIA 15:21

Ak asorun eng’ eutab kiptengeginik, ak atiachin eng’ eutab che imuisei.

AMOS 9:12

Si kobiit konam ichek bik che king’et che bo Edom, koboto bororiosiek tugul, che kimwaitoe kainennyu, kobunji, mwaei Jehovah ne yaei ng’olyondonito.

MALAKI 3:1

Ogeero, ayogu chito nenyu, ne kiyoktoi, ak kochob oret eng’ tainnyu: ak sib konyonei hekalunnyi Kiptaiyat ne ocheng’e; ne chito ne kiyoktoi ne bo arorutiet, ne oboiboitune, ogeero, nyonei, mwaei Jehovah ne bo lugosiek.

KAITOSYEK 1:46

kiek tugul che kigiit elfusiek bogol lo ak somok ak bogol mut ak konom.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

JOHANA 17:15

Masae ale imut ichek eng’ ng’ony, ago ale irib ichek eng’ inendet ne ya.

POISYONIGAP CHE KIYOKTOI 15:17

Si kocheng’ bik che ng’etunotin Kiptaiyat, Ak Bororiosiek tugul che kiguurtoe kainennyu.

ROMANIK 8:23

Ak ma u noto kityo, ago agot achek, che kitinye tongoanikab Tamirmiriet, ketigendosi agachek eng’ orit, kigeni keyaech keegu lagok, noto ko katiagetab borwekyok.

1 KORINTOEK 10:4

ak kiee tugul eet agenge ne bo tamirmiriet: amu kiee tugul eng’ ruandet ne bo tamirmiriet ne kiisubi ichek: ak ruandanoto ko ki Kristo.

1 KORINTOEK 10:9

Anan ketiem Kiptaiyat, ko u ye kitiem alak eng’ ichek, ak kibar erenok.

NG'ATUTIK 28:10

Ak kogeer bororiosiek tugul che bo ng’ony kole kiguurtoenen kainetab Jehovah; ak koiywein.

NG'ATUTIK 33:17

Twateiyot ne bunu kirginnyi kotinyei torornatet; Ak kuinoikyik ko kuinoikab soet: Toortoe choto bororiosiek tugul agoi tabanwekab ng’ony: Ak choto tamanusiekab elfusiekab Epraim, Ak choto elfusiek che bo Manase.

2 TIMOTEO 4:18

Sorua Kiptaiyat eng’ boisiet age tugul ne ya, ak kosorua agoi ait bounatennyi ne bo kipsengwet: nenyi torornatet koigeny ak koigeny. Amen.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 11:21

Kiiberur Jakobo eng’ kayanet, werik tuwai che bo Josep, ye ki negit kome; ak kosa kotiiegei walitab kiroktanyi.

JOSHUA 17:17

Ak king’alalji Josua gotab Josep, che Epraim ak Manase, kolenji, I bororiet ne o, ak itinye kimnatet: mesiche barbariat agenge kityo: