TAUNET 48:14 - BUKUIT NE TILIL

¹⁴ Ak kiito Israel eunnyi ne bo tai kogonoor metitab Epraim, werit ne ming’in, ak kogonoor eunnyi ne bo katam metitab Manase, kiigonoor eunekyik ko u noto, kongen; amu ki werit ne bo tai Manase.

Bukuit Ne Tilil

¹⁴ Ago ki iito Israel eunnyi ne po tai kogonoor metitap Ephraim, weeriit ne ming'in ak kogonoor eunnyi ne po kaataam metitap Manasseh, ki igonoor eunekyik ko uu nooto, nganda ki weeriit ne po tai Manasseh.

BUKUIT NE TILIIL Sireet ne Dutero Kanon

¹⁴ Ago ki iito Israel eunnyi ne po tai kogonoor metitap Ephraim, weeriit ne ming'in ak kogonoor eunnyi ne po kaataam metitap Manasseh, ki igonoor eunekyik ko uu nooto, nganda ki weeriit ne po tai Manasseh.

TAUNET 48:14 ပူးပေါင်းရင်းမြစ်များ

TAUNET 41:51

Ak kiguure Josep kainetab ne o Manase: kole, Amu kagona Kamuktaindet autie bichiindo tugul ne bo boisionikyuk, ak got tugul ne bo baba.

TAUNET 41:52

Ak kiguure ne bo aeng’ Epraim: kole, Amu kagona Kamuktaindet iyotet eng’ emet ne kianyorune nyalilda.

TAUNET 46:20

Ak kigisikyi Josep eng’ emetab Misri Manase ak Epraim, che kisikyi Asenat cheptab Potipera tisiindet ne bo On.

TAUNET 48:13

Ak kinam Josep ichek tuwai, kiname Epraim eunnyi ne bo tai kotokyi eutab katam ne bo Israel, ak koname Manase eunnyi ne bo katam kotokyi eutab Israel ne bo tai, ak komut korikyi kwandanyi.

TAUNET 48:17

Ak kingogeer Josep kole kagogonoor kwandanyi eunnyi ne bo tai metitab Epraim, koyait eng’ tainnyi: konam anyun eutab kwandanyi kole koisto eng’ metitab Epraim si konde metitab Manase.

TAUNET 48:18

Ak kilenji Josep kwandanyi, Ma u noto, baba: amu ni ko werit ne bo tai; igonoor eung’ung’ ne bo tai metinnyi.

TIENWOGIKAL 110:1

Kalenji Jehovah kiptaiyandennyu, Tebe eunnyu ne bo tai, Agoi ayai buniguk koek ng’echeretab kelyeguk.

TIENWOGIKAL 118:16

Itororot eutab tai ne bo Jehovah: Yaei eutab tai ne bo Jehovah tuguk che kimen.

KOMONG'U 15:6

Ee Jehovah, konyitot eung’ung’ ne bo tai eng’ kimnatet, Ee Jehovah, nyinyiri eung’ung’ ne bo tai bunik kotonogis.

KAITOSYEK 2:18

Tebe songoliet ne bo nganasetab Epraim cherongo ko u lugosiekwak: ak ingoek Elisama weritab Amiud bounindetab lagokab Epraim.

KAITOSYEK 8:10

Ak imut Lawik koba taitab Jehovah; ak kogonoor lagokab Israel eunekwak Lawik.

KAITOSYEK 8:18

Ak kianam Lawik kobunja, awale werik tugul che bo tai eng’ lagokab Israel.

MATAYO 16:18

Ak amwaun agane ale, i Petero, ak ateeche kanisennyu ruandani; ak maneneti kimnatosiekab oldab che kigobek.

MATAYO 19:13

Kigimutyi anyun lagok che mengech, si kobiit kogonoor eunekyik ichek ak kosa: ak kiger kong’ alamalyet ichek.

MATAYO 19:15

Ak kiigonoor eunekyik ichek, ak kwo eng’ oloto.

MATAYO 6:5

Ak ye osae, ko moige chombilik; amu chamei ichek kosaei kotonondos eng’ sunagogisiek ak besiebor si kobiit kogeer bik ichek. Amwawok, iman, ale, Kagonyor ichek melektanywa.

LUKA 13:13

Ak kiigonoor eunekyik inendet: kochuulak ngunoto, ak kolos Jehovah.

LUKA 4:40

Ak ye ki negit kororokta asista, komutyi bik tugul bikwak che kimiandos eng’ korotwek che terotin: ak kiigonoor eunekyik age tugul eng’ ichek, ak kosoob.

POISYONIGAP CHE KIYOKTOI 13:3

Ak ye kingo kagorugutgei ak kosaei ak kogonoor ichek eunekwak, koyokto koba.

POISYONIGAP CHE KIYOKTOI 6:6

kiinde choto anyun taitab che kiyoktoi: ak ye kingo kagosa, kogonoor ichek eunekwak.

NG'ATUTIK 34:9

Ki nyiitat Josua weritab Nun tamirmiriet ne bo ng’omnatet; amu kiga kogonoor Musa eunekyik inendet: ak kigas it lagokab Israel inendet, ak kiyai ko u ye king’at Jehovah Musa.

1 TIMOTEO 4:14

Amebagakte iboisie konunet ne itinye, ne kigigonin eng’ oret ne bo amdaet, koboto kagonooretab eunek che bo boisiekab kaniset.

1 TIMOTEO 5:22

Amegonoor chi age tugul eunek eng’ sartaet, anan iyai yamdaet ak tengekwogikab bik alak: ripge eng’ tililindo.