TAUNET 47:7 - BUKUIT NE TILIL

⁷ Kiimut anyun Josep kwandanyi kwo taitab Parao: ak kiiberur Jakobo Parao.

Bukuit Ne Tilil

⁷ Ki imut anyun `Joseph kwandanyi kwo taitap Pharaoh, ak ki iberuur `Jakobo Pharaoh.

BUKUIT NE TILIIL Sireet ne Dutero Kanon

⁷ Ki imut anyun `Joseph kwandanyi kwo taitap Pharaoh, ak ki iberuur `Jakobo Pharaoh.

TAUNET 47:7 ပူးပေါင်းရင်းမြစ်များ

TAUNET 14:19

Ak kiiberur inendet, ak kole, Ingoberurok Abram eng’ Kamuktaindet ne Toror Mising’ ne chechik kipsengwetisiek ak ng’ony.

TAUNET 35:27

Ak kiit Jakobo Mamre, oldab Isak kwandanyi, agoi Kiriat-arba (noto ko Hebron), oloto ole kicham komenyei Abraham ak Isak ye ki ta ko toek.

TAUNET 47:10

Ak kiiberur Jakobo Parao, yeityo kwo eng’ ole kimi Parao.

TAUNET 47:8

Ak kiteebe Parao Jakobo, kolenji, Ata betusiekab kenyisieguk?

2 SAMUEL 14:22

Ak kiibutyi ng’ony Joab, kong’uruk, ak koberur laitoriat: ak kile Joab, Kagonai otwogindeng’ung’ rani kole, kaanyoru mieindo eng’ taing’ung’, kiptaiyandennyu, ee laitoriat, amu kagoyachi laitoriat otwogindennyi somennyi.

2 SAMUEL 19:39

Ak kilandae bik tugul Jordan, ak kilanda laitoriat: ak king’utut laitoriat Barsilai, ak koberur; ak kiweektagei kwo oldanyi.

2 SAMUEL 8:10

koyokto anyun Toi Joram werinnyi, kwo oldab laitoriat Daudi, kwo kogat inendet ak koberur, amu kiga kobargei ak Hadadeser ak kibar inendet: amu kibargei Hadadeser ak Toi. Ak kiib Joram terenikab feda, ak terenikab tahabu, ak terenikab sugunonik:

1 LAITORINIK 1:47

Ak kogeny kabwa otwogikab laitoriat koberur kiptaiyandennyo laitoriat Daudi, kole, Ingoyai Kamuktaindeng’ung’ kainetab Solomon kogararanit kosiir neng’ung’, ak koyai ng’echerennyi ne bo laitornatet koeet kosiir neng’ung’: ak kiing’uruk laitoriat eng’ itok.

1 LAITORINIK 8:66

Kimwachi bik koba eng’ betutab sisiit, ak kiiberur ichek laitoriat, ak koba emaisiekwak koboiboen, kogasotegei eng’ mugulelwekwak amu mieindo tugul ne kiyachi Jehovah Daudi otwogindennyi, ak Israel bikyik.

2 LAITORINIK 4:29

Kolenji anyun Elisha Geasi, Kermenge, ak inam kiroktanyu eng’ eung’ung’, ak iwe: ngot ituiye chi, ko mat igat; ak ngot kogatin chi, ko mat iwolji; ak inde kiroktanyu togetab lakwet.

KOMONG'U 12:32

Okweri kechirekwok ak tukwok, ko u ye kiomwa, oba; ak oberura agane.

MATAYO 26:26

Ak ye kiamisiei, konam Jesu makatiat ak koberur, ak kobutul, ak kogochi alamalyet, kole, Onam, oam; ni ko bortanyu.

LUKA 22:19

Ak kinam makatiat, ak kingo kagomwa kongoi, kobutul, ak kogochi ichek, ak kole, Ni bortanyu ne kigoitoi agobo okwek: oyae ko u ni eng’ kabwatet ne obwatena.

JOSHUA 14:13

Ak kiiberur Josua inendet; ak kiigochi Kaleb weritab Jepune Hebron koek borotennyi.

JOSHUA 22:6

Koberur anyun Josua ichek, ak kolenji koba: ak kiba emaisiekwak.

1 PETERO 2:17

Oteech bik tugul. Ocham che otupche. Oiywei Jehovah. Oteech laitoriat.

1 SAMUEL 2:20

Ak kiiberur Eli Elkana ak osotiondennyi, kole, Ingogonin Jehovah iyotet eng’ kwonyi amu somet ne kiga kiarorji Jehovah. Yeityo koba ga.