TAUNET 46:3 - BUKUIT NE TILIL

³ Ak kile, A Kamuktaindet, Kamuktaindet ne bo kwandang’ung’: ameiywei, ichortege iwe Misri; amu ayain iegu bororiet ne o eng’ oloto:

Bukuit Ne Tilil

³ Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

BUKUIT NE TILIIL Sireet ne Dutero Kanon

³ Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

TAUNET 46:3 ပူးပေါင်းရင်းမြစ်များ

TAUNET 12:2

ak ayain iegu bororiet ne o, ak aberurin, atoror kaineng’ung’ koeet; ak iegu kaberuret.

TAUNET 15:1

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

TAUNET 15:13

Ak kilenji Jehovah Abram, Nai anyun iman ile, egu lagoguk toek eng’ emet ne ma nenywa, ak koot ichek bichoto; ak konyalil ichek eng’ kenyisiek bogol ang’wan;

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 18:18

amu tun egu iman Abraham bororiet ne o ne tinyei kimnatet, ak kiberuri bororiosiek tugul che bo ng’ony eng’ inendet?

TAUNET 22:17

Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak;

TAUNET 35:11

Ak kilenji Kamuktaindet, A Kamuktaindet ne bo Kamuktaet: ii ak itesage; ak tun mong’unenen inye bororiet ak chang’indab bororiosiek, ak mong’une bortang’ung’ laitorinik;

TAUNET 47:27

Kimeny anyun Israel emetab Misri, eng’ emetab Gosen; ak kiek magore eng’ oloto, ak kiiyo ak kotesogis mising’.

TAUNET 48:16

malaikaiyat ne kiitiacha eng’ yaitwogik tugul, ingoberur lagochu; ak keguurtoe ichek kainennyu, ak kainaikab kwanisiekyuk agichek, Abraham ak Isak; ak ingotesogis kochang’a eng’ kwenutab ng’ony.

TAUNET 48:19

Ak kiesio kwandanyi, ak kole, Angen ale u noto, werinnyu, angen: egu agine inendet bororiet, ak tun eetu: ago eetu ng’etab kamet ne ming’in kosiir inendet, ak chang’aitu lagokyik koegu bororiosiek che chang’.

KOMONG'U 1:12

Ago ye kingotesak kanyalilet ne kiginyalili ichek, kotesogis agichek kosiir, ak koyom emet. Ak kiimgei kot Misrik agobo lagokab Israel.

KOMONG'U 14:13

Ak kilenji Musa bik, Amoiywei, otononse kityo, si ogeer yetunetab Jehovah ne yaiywok rani: amu ma ogeere kogeny Misrichu koigeny, chu ogeere rani.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

JEREMIA 40:9

Ak kiiyosiechi Gedalia weritab Aikam weritab Sapan bichoto ak murenikwak, kolenji, Amoiywei oot Kaldeik: omeng’isie eng’ emet, ak oot laitoriatab Babulon, si komieit eng’ okwek.

POISYONIGAP CHE KIYOKTOI 27:24

kole, Ameiyweisie, Paulo; kanyol itonon eng’ taitab Kaisari: ak keero, kagogonin Jehovah tugul che obendi tugul eng’ melit.

POISYONIGAP CHE KIYOKTOI 7:17

Ak ye kingorik betut ne bo arorutiet, ne kiiyosiechi Jehovah Abraham, koyabak bik ak kotesogis eng’ Misri,

NG'ATUTIK 1:10

kigotesaak Jehovah Kamuktaindeng’wong’, ak ogeero, o chang’ rani ko u kecheikab kipsengwet.

NG'ATUTIK 10:22

Ki bik tamanwogik tisab kwanisieguk ye kichorjingei Misri; ago kagoyain Jehovah Kamuktaindeng’ung’ itenitu kecheikab kipsengwet eng’ chang’indo.

NG'ATUTIK 26:5

Ak iwolu eng’ taitab Jehovah Kamuktaindeng’ung’ ile, Ki Suriaindet baba ne kimachei kobet, kichortagei Misri, komeny oloto, kima kotia; ak kiek bororiet ne o eng’ oloto, kogimit, ak kochang’ait.