TAUNET 42:6 - BUKUIT NE TILIL

⁶ Ak ki bounindet Josep ne bo emet: inendet ne kialdochin bek bik tugul che bo emet: ak kibwa anyun tupchosiekab Josep, ak kong’uruk eng’ tainnyi kotokyi metowekwak ng’ony.

Bukuit Ne Tilil

⁶ Ki pounindet Joseph ne po emet, ak ki ineendet ne ki aldochin peek piik tugul che po emet. Ki pwa anyun tupchosyegap Joseph, ak kong'uruuk eng' tainnyi kotokyi metowekwak ng'wony.

BUKUIT NE TILIIL Sireet ne Dutero Kanon

⁶ Ki pounindet Joseph ne po emet, ak ki ineendet ne ki aldochin peek piik tugul che po emet. Ki pwa anyun tupchosyegap Joseph, ak kong'uruuk eng' tainnyi kotokyi metowekwak ng'wony.

TAUNET 42:6 ပူးပေါင်းရင်းမြစ်များ

TAUNET 18:2

ak kitobendo ak kigeer bik somok kotonondos ko kaitoorjigei inendet: ak ye kingogeer, kolabat eng’ kurgetab emainnyi kotorokta icheget, ak kong’uruk agoi ng’ony.

TAUNET 19:1

Kiit anyun malaikaisiechoto aeng’u Sodom koskoleny; ak kimi Lot ormarichetab Sodom: ak kigeer Lot ichek, kong’eet kotorokta, ak kong’uruk kot kotiiny togennyi ng’ony;

TAUNET 33:3

Kiindoe inendet ichek, yeityo kong’uruk agoi ng’ony konyil tisab, agoi korikyi ng’etab kamet.

TAUNET 41:43

Ak kiigochi Parao Josep kolany karinnyi ne bo aeng’ ne kitinyei, ak kiboldos bik eng’ tainnyi kolen, Ogutuny; ak kiinde inendet koboi emet komugul ne bo Misri.

TAUNET 41:54

Ak kitoi anyun kobwa kenyisiek tisabu che bo rubet ko u ye kiga mwa Josep: ak kibiit anyun rubet eng’ emotinwek tugul; ago kimi amitwogik emet komugul ne bo Misri.

TAUNET 41:57

Kibwa anyun emotinwek tugul oldab Josep eng’ Misri kobwa koal bek; amu kieet rubonato eng’ ng’ony komugul.

TAUNET 44:14

Kiit anyun Juda ak tupchosiekyik gotab Josep; amu kitom kwo ui Josep: ak kiibutyi ng’ony ichek eng’ tainnyi.

TAUNET 45:26

Ak kimwachi kolenji, Ta kosobei Josep, ak inendet ko bounindetab emet komugul ne bo Misri. Ak kitanui muguleldab Jakobo, amu ma iyan icheget.

TAUNET 45:8

Ara anyun, ki ma ko okwek che kiomutwa anyo oli, ago Kamuktaindet: ak kigoyaa aek kwanda eng’ Parao, ak aegu kiptaiyatab gonnyi tugul, ak bounindetab emet komugul ne bo Misri.

TAUNET 48:12

Ak kiisto Josep lagochoto eng’ kutung’oikab Jakobo; ak kiing’uruk inendet agoi ng’ony.

KALEWANAIK 11:26

Chubei bik che etei bek: Ago kiberuri ne aldoi.

ISAIAH 60:14

Ak kobwanjin werikab icheget che kiinyalilin kong’urugonu; ak kogutung’so eng’ keldebesaikab kelyeguk ichek tugul che kisasin; ak koguurenen, Nganasetab Jehovah, Sion ne bo Inendet ne Tilil ne bo Israel.

POISYONIGAP CHE KIYOKTOI 7:10

ak kisor inendet eng’ nyalilwogikyik tugul, ak kogochi chamet ak ng’omnatet eng’ taitab Parao laitoriatab Misri; ne kiinde inendet koek bounindet eng’ Misri ak gonnyi tugul.

NG'ANG'UTYET 3:9

Keero, agochini che bo sunagogitab Setani, icheget che mwaei kole ki Yahudik, ago ma ichek, kenu, keero, agochini ichek kobwa kogutuny eng’ kelyeguk, ak konai kole kiachamin.

1 SAMUEL 20:41

Ak ne matia ko kata kowendi lakwet, kong’eet Daudi eng’ ole tokyingei Murot ne bo Tai, kotiing’e togennyi ng’ony, ak kong’uruk konyil somok: ak king’ututgei, ak korirjigei, kot kotesak mising’ rirekab Daudi.