TAUNET 41:8 - BUKUIT NE TILIL

⁸ Ak kingoeech karon, koiimgei eng’ muguleldanyi; ak kiiyokto keguur sirik tugul che ng’omen che bo Misri, che ng’orsei, ak bik tugul che ng’omen che kimitei: ak kitetyi Parao ichek karuotitoennyi; ago kima biit chi ne kiimuch koguiyechi Parao karuotitaosiekyik.

Bukuit Ne Tilil

⁸ Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

BUKUIT NE TILIIL Sireet ne Dutero Kanon

⁸ Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

TAUNET 41:8 ပူးပေါင်းရင်းမြစ်များ

TAUNET 40:6

Ak kinyo Josep karon ole mi ichek, ak kogeer, ogeero, kitinyei arogenet.

TAUNET 40:8

Ak kilenji, Kogiruotyi karuotitoet, ak mami chi ne imuchi koboruech ole teptoi. Ak kolenji Josep, Tos ma bo Kamuktaindet weekset? Kaigai anyun omwawa.

TAUNET 41:15

Ak kilenji Parao Josep, Koaruotyi karuotitoet, ma biit chi ne koimuch koweech: ak koagas agobo inye kele, ngigas karuotitoet imuchi iweech.

TAUNET 41:24

ak kolugui itichoto meiyotin itik chun tisab miachen: ak kiamwachi bichoto ng’orsei; ak ma biit ne koimuch koborua.

TAUNET 41:7

Ak kilugui itichoto bo bechato meiyotin chun tisab ruriotin ak ko neriotin. Ak kisiir Parao ak kigeer kole kaga karuotitoet.

TIENWOGIKAL 25:14

Mitei ung’otietab Jehovah koboto ichek che iywei inendet; Ak koborji ichek arorutiennyi.

KOMONG'U 7:11

Kiguur agine anyun Parao bik che ng’omen ak orgoik: ak kiyai ko u noto agichek bik che ng’omen che ng’orsei che bo Misri, eng’ ng’orsenywa.

KOMONG'U 7:22

Ak kiyai ko u noto bik che ng’omen che ng’orsei che bo Misri eng’ ng’orsenywa: ak kiuuit muguleldab Parao, ak kima kas ichek; ko u ye kiga mwa Jehovah.

KOMONG'U 8:7

Ak kiyai bik che ng’omen che ng’orsei ko u noto eng’ ng’orsenywa, ak kiimoong’ji mororochik emetab Misri.

KOMONG'U 9:11

Ak kima imuch kotononso bik che ng’omen che ng’orsei eng’ taitab Musa amu ondirichoto; amu kinam ondirik bik che ng’omen che ng’orsei, ak Misrik tugul.

ISAIAH 19:3

Ak tun kiyaei koek buch tamirmirietab Misri eng’ kwenunnyi; ak ang’em kiruogennyi: ak koba kocheng’ kanamonik, ak bik che abusisiei, ak che boisie oik, ak bonik.

ISAIAH 29:14

ogeer anyun-o, ayae boisiet ne kitang’ang’jin eng’ kwenutab bichu, boisiet ne kitang’ang’jin ak kekwong’e; ak kobet ng’omnatetab bikwak che ng’omen, ak keuny kaguiyetab bikwak che ng’omen.

ISAIAH 8:19

Ak ye mwawok kole, Ocheng’ate ichek che boisie oik ak bonik, che twegu ko u taritik ak che nyeanyei ng’alek: tos manyoljin bik kocheng’ Kamuktaindenywa? Tos nyoljin kocheng’at che kigobek agobo che soptos?

DANIEL 1:20

Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

DANIEL 4:18

Kiageer ane laitoriat Nebukadnesar tuguchuto eng’ karuotitoet: ee inye Beltesasar, mwa kaweekset, amu maimuchi bik tugul che ng’omen che bo bounatennyu koborua kaweekset; ago imuchi inye, amu menyin tamirmirietab cheptalelisiek che tililen.

DANIEL 4:19

Kitoptoben anyun ne matia Daniel, ne kigiguure Beltesasar, ak kiim inendet kabwatutikyik. Kiwolji laitoriat inendet kolenji, Beltesasar, amatingoiimin karuotitoet, anan ko kaweeksennyi. Kowolji Beltesasar kolenji, Ingobunji karuotitoet ichek che wechin, ak ingobunji kaweeksennyi buniguk.

DANIEL 4:5

Kiaruotyi karuotitoet ne kiimua; ak kiima kabwatutik ak ng’ang’utik che kibwanja ami itogunnyu.

DANIEL 4:6

Kiang’at anyun ng’atutiet ale kimut bik tugul che ng’omen che bo Babulon kobwa tainnyu, si kobiit koborua kaweeksetab karuotitoet.

DANIEL 4:7

Kibwa anyun bik che ng’omen che ng’orsei, ng’omotikab kecheik, Kaldeik ak kipsogeinik: ak kiamwachi ichek karuotitaonoto; ago ma iborua kaweeksennyi.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 7:28

Igesunegei yuto ng’olyondonoto. Kiima mising’ kabwatutikyuk, ane Daniel, ak kiwalak togennyu: ago kiagonore muguleldanyu ng’olyondonoto.

DANIEL 8:27

Ak kiatanui ane Daniel, amian betusiek alak; ye ibata, ang’eet, ak ayai boisietab laitoriat: ak kiakwong’e ng’ang’utionoto, ago ma biit chi ne kiiguiyo.

ATEPTAP LAWIK 19:31

Amobe oldab che boisie oik, anan bonik: amocheng’ate, si maing’wanitak: a Jehovah Kamuktaindeng’wong’.

ATEPTAP LAWIK 20:6

Ak aborjini neregekab togennyu chito ne mastoi kosubi ne boisie oik ak bonik, ne isubi koyaei ibetab ge koboto ichek, ak ang’etoi chichoto eng’ bikyik.

HABAKUK 3:16

Kiagas, ak kitilgei moennyu, Kibotan kutinnyu eng’ cheonoto; Kinunio kowekyuk ak kiabotan eng’ ole kiami: Si kobiit amuuny eng’ betutab nyalilda, Ye togosyi noto bik, che ibokyin inendet eng’ kweanaik.

MATAYO 2:1

Ak ye kingo kagesich Jesu eng’ Betlehem ne bo Judea eng’ betusiek che bo laitoriat Herod, ogeero, kibwa Jerusalem bik che ng’omen kobunu kong’asis,

POISYONIGAP CHE KIYOKTOI 17:18

Ak kituiyo koboto inendet alak che bo ng’omotikab Epikurio ak Stoiko. Ak kole alak, Mwaei nee kipchang’alaini? Kole alak, U kabartaindet ne bo cheptalelisiek che ter: amu kiamdoi Jesu ak ng’eetyet.

POISYONIGAP CHE KIYOKTOI 7:22

Ak kiginet Musa ng’omnatet tugul ne bo Misrik; ak ki kim eng’ ng’alekyik ak boisionikyik.

1 KORINTOEK 1:19

Amu kigisir kele, Ang’eme ng’omnatetab che ng’omen, Ak aesioi kaguiyetab icheget che iguitos.

1 SAMUEL 6:2

Kiguur Pilistik tisiik ak che ng’orsei, kole, Kiitoi nee moingetab Jehovah? Oboruech ole kiweektoitoi kwo oldanyi.