TAUNET 41:42 - BUKUIT NE TILIL

⁴² Ak kiinemune Parao eunnyin peteinnyi ne bo ng’okset, ak konde eutab Josep, ak kolelesonji inendet eng’ ngoroik che kororon che bo katanit, ak konde sirimdo ne bo tahabu katatinnyi.

Bukuit Ne Tilil

⁴² Ki inem Pharaoh eng' eunnyi peteiyot ne po ng'ookset, ak konde eutap Joseph, ak kolelesonji ineendet eng' ngoroik che korooron che po katanit, ak konde sirimdo ne po thahabu kaatinnyi.

BUKUIT NE TILIIL Sireet ne Dutero Kanon

⁴² Ki inem Pharaoh eng' eunnyi peteiyot ne po ng'ookset, ak konde eutap Joseph, ak kolelesonji ineendet eng' ngoroik che korooron che po katanit, ak konde sirimdo ne po thahabu kaatinnyi.

TAUNET 41:42 ပူးပေါင်းရင်းမြစ်များ

TAUNET 38:18

Ak kile, Nee kayosiet ne agonin? Ak kilenji, Ng’okseng’ung’ ak rogoet ak siaring’ung’ no iting’e eung’ung’. Ak kiigochi inendet tukchoto, kotuiyogei anyun ak inendet, ak kimanage inendet.

TAUNET 41:43

Ak kiigochi Parao Josep kolany karinnyi ne bo aeng’ ne kitinyei, ak kiboldos bik eng’ tainnyi kolen, Ogutuny; ak kiinde inendet koboi emet komugul ne bo Misri.

ESTA 10:3

Amu kirubei Mordekai Yahudiot laitoriat Aasuerus, ak ki o eng’ Yahudik, ak kichamak eng’ tupchosiekyik che chang’; kicheng’ei kit ne mie agobo bikyik, ak kong’alaljin iyotennyi tugul agobo kalyet.

ESTA 3:10

Kiinem anyun laitoriat peteit eng’ eunnyi, ak kogochi Haman weritab Hamedata Agagindet, ne ki bunyotab Yahudik.

ESTA 3:12

Kigiguur anyun sirikab laitoriat kobwa eng’ arawet ne bo tai eng’ betutab taman ak somok, ak kigisir ko u tugul che king’at Haman, kong’atyi kiptainikab laitoriat, ak bounik che kibou emet age tugul, ak bounikab bororiet age tugul; kigisirji emet age tugul ko u sirennyi, ak bororiet age tugul ko u kutinywa; kigisir eng’ kainetab laitoriat Aasuerus, ak kiging’och eng’ peteitab laitoriat.

ESTA 8:10

Ak kisir Mordekai eng’ kainetab laitoriat Aasuerus, ak kong’och eng’ peteitab laitoriat, ak koyoktae baronochoto bik che kibunei mbartanyisiek, che kilanyei mbartanyisiek che chepcheben che kiboisiei eng’ boisietab laitoriat, che kigiichin biusiekab gab laitoriat:

ESTA 8:15

Ak kiwa Mordekai eng’ ole mi laitoriat kolaagoti ngoroikab laitornatet che tuuen ne nyalil ak che leelach, kotinyei nariet ne o ne bo tahabu, ak ngoriet ne bo katanit ne kararan ne arus ne birir: ak kiwaach nganasetab Susan kogasgei.

ESTA 8:2

Ak kiinem laitoriat peteinnyi, ne kiga rebe Haman, ak kogochi Mordekai. Ak kiinde Esta Mordekai koboi gotab Haman.

ESTA 8:8

Osirji ak okwek Yahudik, ko u ye omache, eng’ kainetab laitoriat, ak ong’och eng’ peteitab laitoriat: amu maimuchi kowal chi baruet ne kisirei eng’ kainetab laitoriat, ak keng’och eng’ peteitab laitoriat.

TIENWOGIKAL 73:6

Eng’ noto anyun u menotet sirimdo ne mi kaatwekwak; Katuch ichek koromnatet ko u ngoriet.

KALEWANAIK 1:9

Amu egu choto narietab mieindo eng’ meting’ung’, Ak koek sirimwek che mi kaating’ung’.

KALEWANAIK 31:22

Napchingei kitambaok che bo lelesta; Bo ngoroikyik katanit ne kararan ak ko bo tuguk che arusen ne birir.

KALEWANAIK 31:24

Nabei osotiondonoto ngoroikab katanit si koalda; Igochin chemung’arainik birenoik.

TYENDO NE SIIREI TUGUL 1:10

Kororon matong’oik koboto lelestang’ung’, Ak kaating’ung’ koboto sonoek che kororon.

TYENDO NE SIIREI TUGUL 4:9

Kecheer muguleldanyu, chepkamennyu, murerennyu; Kecheer muguleldanyu eng’ kondang’ung’, Eng’ sirimdo agenge ne bo kaating’ung’.

ISAIAH 3:23

kioinik, ak katanit ne kararan, ak chepkuloik, ak angok.

JEREMIA 52:33

Ak kiwal ngoroikyik che bo korgoret, ak kiamis eng’ tainnyi kotugul eng’ betusiek tugul che bo sobennyi.

EZEKIEL 27:7

Ki bo katanit ne kararan ne kiginde lelesta, angeng’ung’ ne kibunu Misri, si koek eng’ inye songoliet; ki tuui ne nyalil ak ko arus ne birir emaing’ung’ ne kibunu ngegusiekab Elisa.

DANIEL 5:16

Ago koagas agobo inye kele imuchi iboru kaweeksosiek, ak iboru tuguk che iimi bich: ngot imuchi anyun isoman sirutichuto, ak iborua kaweeksennyi, kilaagun anyun ngoroik che arusen ne birir, ak kilaakyi kaating’ung’ sirimdab tahabu, ak iegu bounindet ne bo somok eng’ bounatet.

DANIEL 5:29

King’at anyun Belsasar ng’atutiet, ak kolaakyi bik Daniel ngoriet ne arus ne birir, ak kolaakyi kaatinnyi sirimdab tahabu, ak komwaita agobo inendet kole, egu bounindet ne bo somok eng’ bounatet.

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

LUKA 15:22

Ago kilenji kwanda otwogikyik, Oibu ochogune ngoriet ne kararan ne siirei tugul, ak olaakyi; ak ondechi peteit mornennyi, ak olaakyi kweonik:

1 SAMUEL 18:4

Ak kiireek Jonatan ngoriennyi ne bo barak ne kiilaachi, ak kogochi Daudi, ak ngoriennyi ne koi, ak rotwennyi ne bo chok, ak kwangennyi, ak birenennyi.