TAUNET 41:38 - BUKUIT NE TILIL

³⁸ Ak kilenji Parao otwogikyik, Kimuktoi ano kenyoru chito ne u chichi ne tinyei Tamirmirietab Kamuktaindet?

Bukuit Ne Tilil

³⁸ Ki leenji Pharaoh otwogikyik, “Kimuktoi ano kenyooru chiito ne uu chiichi ne tinyei Kabuusetap Kamuktaindet?”

BUKUIT NE TILIIL Sireet ne Dutero Kanon

³⁸ Ki leenji Pharaoh otwogikyik, “Kimuktoi ano kenyooru chiito ne uu chiichi ne tinyei Kabuusetap Kamuktaindet?”

TAUNET 41:38 ပူးပေါင်းရင်းမြစ်များ

TAUNET 41:37

Ak kimieit ng’olyondonoto eng’ Parao ak eng’ otwogikyik tugul.

EZRAH 7:25

Lewen inye Esra ko u ng’omnatetab Kamuktaindeng’ung’ ne mi eung’ung’, kiruogik ak bounik che imuchi koboi bik tugul che mi ainet bitonin, ichek tugul che ingen ng’atutikab Kamuktaindeng’ung’, ak onet inendet ne maingen.

Kitabuutap JOB 32:8

Ago mi tamirmiriet chito, Igochin kabusetab Inendet ne bo Kamuktaet ichek kaguiyet.

KALEWANAIK 14:35

Chamei laitoriat otwogindet ne boisiei eng’ ng’omnatet: Ago nerekyin inendet ne ibu kalilanet.

KALEWANAIK 22:29

Tos igeere chito ne igiiljingei boisiennyi? Tononi inendet eng’ taitab laitorinik; Matononi eng’ taitab bik che ma toogunotin.

ISAIAH 19:11

Berberen mising’ bounikab Soan; kaabusak kiruogetab kiruogik che ng’omen mising’ che bo Parao: omwachindoi ano Parao, olenji, A weritab che ng’omen, weritab laitorinik che bo keny?

DANIEL 4:18

Kiageer ane laitoriat Nebukadnesar tuguchuto eng’ karuotitoet: ee inye Beltesasar, mwa kaweekset, amu maimuchi bik tugul che ng’omen che bo bounatennyu koborua kaweekset; ago imuchi inye, amu menyin tamirmirietab cheptalelisiek che tililen.

DANIEL 4:6

Kiang’at anyun ng’atutiet ale kimut bik tugul che ng’omen che bo Babulon kobwa tainnyu, si kobiit koborua kaweeksetab karuotitoet.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

DANIEL 6:3

Kigigonyit anyun Daniel kosiir boisiechoto ak bounik, amu kitinyei tamirmiriet ne mie mising’; ak kiibwat laitoriat kole konde inendet koboi bororiet komugul.

DANIEL 6:4

Kicheng’ anyun boisiechoto koboto bounik kochaam Daniel agobo bounatet; ago ma imuch konyorji inendet ng’olyo anan ko lelut; amu ki bo iman inendet, ama kinyorji kiy ne ma litit anan ko lelut.

KAITOSYEK 27:18

Ak kilenji Jehovah Musa, Imutu Josua, weritab Nun, chito ne tinyei tamirmiriet, ak igonoor eung’ung’ inendet;