TAUNET 41:16 - BUKUIT NE TILIL

¹⁶ Ak kiwolji Josep Parao kolenji, Mabota ane: igochin Kamuktaindet Parao wolunet ne bo kalyet.

Bukuit Ne Tilil

¹⁶ Ki wolji `Joseph Pharaoh koleenji, “Ma pota anee; igoochin `Kamuktaindet Pharaoh waluunet ne po kaalyeet.”

BUKUIT NE TILIIL Sireet ne Dutero Kanon

¹⁶ Ki wolji `Joseph Pharaoh koleenji, “Ma pota anee; igoochin `Kamuktaindet Pharaoh waluunet ne po kaalyeet.”

TAUNET 41:16 ပူးပေါင်းရင်းမြစ်များ

TAUNET 37:14

Ak kilenji, Ui anyun nguno, igeer ngo chamegei tupchosieguk koboto akwet; si inyo imwawa. Kiiyokto anyun kwo eng’ atebwetab Hebron, kiit anyun Sekem.

TAUNET 40:8

Ak kilenji, Kogiruotyi karuotitoet, ak mami chi ne imuchi koboruech ole teptoi. Ak kolenji Josep, Tos ma bo Kamuktaindet weekset? Kaigai anyun omwawa.

TAUNET 41:17

King’alalji anyun Parao Josep, kolenji, Keero, koatononi eng’ ngegutab ainet eng’ karuotitoennyu:

TAUNET 41:25

Ak kilenji Josep Parao, Agenge karuotitoetab Parao: kagoborji Kamuktaindet Parao kit ne machei si koyai ko negit.

TAUNET 41:28

Noto ko kit ne kaamwachi Parao: kagoborji Kamuktaindet Parao kit ne machei si koyai ko negit.

2 LAITORINIK 6:27

Ak kile, Ngot ko matoretin Jehovah, atoretitoin ano? Eng’ ole kiborse, anan ole kitue sabibuk?

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 4:2

Kiageer ale mie abor kaborunoik ak kwong’utik che kiyaiywa Kamuktaindet ne Toror Mising’.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

KAITOSYEK 12:6

Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

LUKA 19:42

kolen, Nda kengen eng’ betuni, agot inye, tuguk che bo kalyet! Ago nguno ko kagoung’ogis eng’ konyeguk.

POISYONIGAP CHE KIYOKTOI 3:12

Ak ye kingogeer Petero, kowolji bik kolenji, Okwek bikab Israel, kalya si okwong’ie agobo ni? Anan kalya si ochiiljech kong’ ko u ne olen achek che kagigochi inendet kowendot eng’ kamugennyo anan eng’ imandanyo?

POISYONIGAP CHE KIYOKTOI 3:7

Konam anyun inendet eut ne bo tai, ak kong’eet: ak kinyor kimnatet ngunoto kelyekyik ak kowekab ng’woniot.

1 KORINTOEK 15:10

Ago eng’ mieindab Jehovah a u kit ne a u: ak mieindanyi ne kigigona ko maek buch; ago kiaboisie mising’ asiir ichek tugul: ago ma ane, ago mieindab Jehovah ne kimi kobota.

2 KORINTOEK 3:5

ma kele kitinye kiy achege ne yamegei ak kiy, kiit kiy age tugul kele bunwech acheget; ago bunu Jehovah che yamech;

NG'ATUTIK 29:29

Bo Jehovah Kamuktaindennyo tugukab ung’ot: ago chechok ak lagokyok koigeny tuguk che ng’ang’atin, si kobiit keyai ng’alek tugul che bo ng’atutioni.