TAUNET 40:8 - BUKUIT NE TILIL

⁸ Ak kilenji, Kogiruotyi karuotitoet, ak mami chi ne imuchi koboruech ole teptoi. Ak kolenji Josep, Tos ma bo Kamuktaindet weekset? Kaigai anyun omwawa.

Bukuit Ne Tilil

⁸ Koleenji icheek ineendet, “Kogirwotyi karwotitoet, ak ma mi chii ne imuuchi koboorwech ole teptoi.” Ak koleenji Joseph, “Tos ma po Kamuktaindet weekset? Kaigai anyun omwaiwo.”

BUKUIT NE TILIIL Sireet ne Dutero Kanon

⁸ Koleenji icheek ineendet, “Kogirwotyi karwotitoet, ak ma mi chii ne imuuchi koboorwech ole teptoi.” Ak koleenji Joseph, “Tos ma po Kamuktaindet weekset? Kaigai anyun omwaiwo.”

TAUNET 40:8 ပူးပေါင်းရင်းမြစ်များ

TAUNET 40:9

Kimwachi anyun ribindet ne o ne bo tuguk che kieei, Josep, karuotitoennyi, kolenji, Ogeero, komi tainnyu ketitab sabibuk eng’ karuotitoennyu:

TAUNET 41:25

Ak kilenji Josep Parao, Agenge karuotitoetab Parao: kagoborji Kamuktaindet Parao kit ne machei si koyai ko negit.

Kitabuutap JOB 33:23

Ngot komi malaikaiyat koboto inendet, Kaweegindetab ng’alek, agenge eng’ elfut. Si koborji chito kit ne bo iman eng’ chichoto:

TIENWOGIKAL 25:14

Mitei ung’otietab Jehovah koboto ichek che iywei inendet; Ak koborji ichek arorutiennyi.

ISAIAH 8:19

Ak ye mwawok kole, Ocheng’ate ichek che boisie oik ak bonik, che twegu ko u taritik ak che nyeanyei ng’alek: tos manyoljin bik kocheng’ Kamuktaindenywa? Tos nyoljin kocheng’at che kigobek agobo che soptos?

DANIEL 2:11

Ak ko kit ne ma bo kotugul ni kateeb laitoriat, ama mi age ne imuchi koborji laitoriat, kobate cheptalelisiek, che mamenyei ak bik.

DANIEL 2:27

Kowol Daniel eng’ taitab laitoriat, kole, Ung’otiet ne kateeb latoriat ko maimuchi bik che ng’omen, anan ng’omotikab kecheik, anan bik che ng’omen che ng’orsei, anan kipsogeinik, koborji laitoriat;

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:3

Ak kilenji laitoriat ichek, koaruotyi karuotitoet, ak iimaaksei tamirmiriennyu komachei konai karuotitaonoto.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 4:8

Ago eng’ let, konyo Daniel tainnyu, ne kigiguure Beltesasar, ko u kainetab cheptalelinnyu, ne menyei tamirmirietab cheptalelisiek che tililen: ak kiamwachi inendet karuotitaonoto, alenji,

DANIEL 5:16

Ago koagas agobo inye kele imuchi iboru kaweeksosiek, ak iboru tuguk che iimi bich: ngot imuchi anyun isoman sirutichuto, ak iborua kaweeksennyi, kilaagun anyun ngoroik che arusen ne birir, ak kilaakyi kaating’ung’ sirimdab tahabu, ak iegu bounindet ne bo somok eng’ bounatet.

AMOS 3:7

Iman mayaei kiy Kiptaiyat Jehovah kotom kong’ang’ji ung’otiennyi otwogikyik maotik.