TAUNET 37:4 - BUKUIT NE TILIL

⁴ Ak kigeer werik che tupcho kole, chamei kwandanywa inendet kosiir tupchosiekyik tugul; ak kiwech inendet, kot komata kocham kong’alalji inendet eng’ kalyet.

Bukuit Ne Tilil

⁴ Ago ye kingo keer weeriik che tupcho kole chamei kwandanywa ineendet kosiir icheek tugul, kowech miising' kot ko mata kocham kong'alaalji ineendet eng' kaalyeet.

BUKUIT NE TILIIL Sireet ne Dutero Kanon

⁴ Ago ye kingo keer weeriik che tupcho kole chamei kwandanywa ineendet kosiir icheek tugul, kowech miising' kot ko mata kocham kong'alaalji ineendet eng' kaalyeet.

TAUNET 37:4 ပူးပေါင်းရင်းမြစ်များ

TAUNET 27:41

Ak kiwech Esau Jakobo amu berurto ne kiiberur kwandanyi: ak kile Esau eng’ muguleldanyi, kagorik betusiek che kerirjin baba; si abar tupchennyu Jakobo.

TAUNET 37:11

Ak kiam ng’et kong’ tupchosiekyik agobo inendet; ago kigonor kwandanyi ng’olyondonoto eng’ muguleldanyi.

TAUNET 37:5

Ak kiiruotyi Josep karuotitoet, ak kimwachi werik che tupcho: ak kites kowech inendet kosiir.

TAUNET 4:5

Ago ma cham Kaen ak kagochinennyi. Ak kinerech Kaen mising’, ak kisiriny togennyi.

TAUNET 49:23

Kagogochi inendet ng’wanindo che mwoktoi kotiek, Ak kamwok ak kausaus:

TIENWOGIKAL 38:19

Ago soptos bunikyuk, ak ko kimen: Ak kagotesogis ichek che wecha buch.

TIENWOGIKAL 69:4

Chang’ kosiir sumeekyuk che wecha buch; Kimen bunikyuk che mwaei lembech che machei kobara: Ak kiagoite choto che kima arebe chi.

JEREMIA 12:6

Kigoyaun kaberberisiet tupchosieguk, ak gotab kwandang’ung’; kigorirjin mising’: ameyan ichek, agot nda mwaun ng’alek che kororon.

MARIKO 3:25

Ak ngo pcheak got inegei, ko maimuchi goyoto kotonon.

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.

1 JOHANA 2:11

Ago inendet ne wechei ne tupcho komi eng’ mesundeito, ak kowendoti eng’ mesundeito, ama naei ole wendi, amu kagotuuch mesundeito konyekyik.

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.

1 JOHANA 3:12

Ma ko u Kaen ne ki bo inendet ne ya, ak kibar ng’etab kamet. Amu nee si kobar? Amu ki yaachen boisionikyik, ak ki bo imanda che bo ng’etab kamet.

1 JOHANA 4:20

Ngot komwa chi kole, Achame Jehovah, ago wechei ne tupcho, ko kiplembechwa: amu inendet ne machamei ne tupcho ne kigogeer, ko maimuchi kocham Jehovah ne tomo kogeer.

1 SAMUEL 17:28

Ak kigas Eliab ng’etab kamet ne o kong’alaljin bichoto; ak kilalyo neregekab Eliab agobo Daudi, ak kile, Amu nee si ichoruge? Ak kebagakyi ng’o kechirechoto ng’ering’ eng’ ong’atet? Angen menoteng’ung’, ak yaitietab muguleldang’ung’; amu kechoruge inyo igeer luget.