TAUNET 33:4 - BUKUIT NE TILIL

⁴ Ak kilabat Esau kotorokta, ak konam koue eut, kosuub kaatinnyi, kong’utut: ak koririo.

Bukuit Ne Tilil

⁴ Ago kilabat Esau kotorookta, ak konam koue euut, kosuup kaatinnyi, kong'utut ak ki riiryo.

BUKUIT NE TILIIL Sireet ne Dutero Kanon

⁴ Ago kilabat Esau kotorookta, ak konam koue euut, kosuup kaatinnyi, kong'utut ak ki riiryo.

TAUNET 33:4 ပူးပေါင်းရင်းမြစ်များ

TAUNET 29:11

Ak king’utut Jakobo Rael, yeityo kowaach korir.

TAUNET 29:13

Ak kingogas Laban ng’alekab Jakobo weritab chepkamet, kolabat kotorokta inendet, ak konam koue eunekyik, kong’utut ak komut kwo gonnyi. Ak kimwachi Laban ng’alechu tugul.

TAUNET 32:11

Asain ale, isorua eng’ eutab tupchennyu Esau: amu aiywei inendet, ale nyonei nyo kobara, koboto kamet ak lagok.

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

TAUNET 43:30

Ak kichirjiren Josep; amu kieet emosto eng’ muguleldanyi amu ng’etab kamet: ak kicheng’ ole wendi korire; ak kimanda gonnyi ne bo orit, kwo korir.

TAUNET 43:34

Ak kiigochi bichoto kererutikab amitwogik che kimi tainnyi: ago kieet kererutietab Benjamin kosiir che bo alak konyil mut. Ak kieeiso, ak koboiboitu koboto inendet.

TAUNET 45:2

Ak kirir kowaach: ak kigas Misrik, ak kigas gab Parao agichek.

TAUNET 46:29

Kichob anyun Josep karinnyi, ak kwo kotorokta kwandanyi Israel agoi Gosen; ak kiiborjigei Josep, ak kotoroigei, ak korir eng’ kaatinnyi konyil ak konyil.

2 SAMUEL 14:33

Kinyo anyun Joab oldab laitoriat, ak komwachi: ak kingo kageguur Absalom, konyo anyun oldab laitoriat, ak kong’uruk kot kotiiny toget ng’ony eng’ taitab laitoriat: ak king’utut laitoriat Absalom.

NEEMIA 1:11

Asain, ee Kiptaiyat, ale, ingoepchi it iting’ung’ saetab otwogindeng’ung’, ak saetab otwogiguk, che boiboi koiywei kaineng’ung’: ak asain ale, igochi otwogindeng’ung’ kobor eng’ betuni, ak igochi inendet rirenet eng’ taitab chichi. (Ki ne ipchin laitoriat kikombet.)

Kitabuutap JOB 2:12

Ak kitobendi ichek eng’ ye loo, ama inyit inendet, kowaach eng’ kutit ne o, ak koririo; ak kibet age tugul ngoriennyi ne bo barak, ak koseerta temburiek koba barak, kororokyi metowekwak.

TIENWOGIKAL 34:4

Kiacheng’ Jehovah ak kiwolwa, Ak kisorua eng’ kaiyweisiosiekyuk tugul.

KALEWANAIK 16:7

Ye iboiboi ortinwekab chi Jehovah, Kogochin kochamnyo ak bunikyik.

KALEWANAIK 21:1

U ainosiek muguleldab laitoriat eng’ eutab Jehovah: Imuti kotokyigei oldo tugul ole machei.

LUKA 15:20

King’eet anyun kwo oldab kwandanyi. Ago, ye kita komi ole loo, kogeer inendet kwandanyi, ak korire inendet, ak kilabat kwo kosuub kaatit, ak kong’utut.

POISYONIGAP CHE KIYOKTOI 20:37

Ak kiririo ichek tugul mising’, ak kosuub kaatitab Paulo, ak kong’utut inendet,

1 SAMUEL 20:41

Ak ne matia ko kata kowendi lakwet, kong’eet Daudi eng’ ole tokyingei Murot ne bo Tai, kotiing’e togennyi ng’ony, ak kong’uruk konyil somok: ak king’ututgei, ak korirjigei, kot kotesak mising’ rirekab Daudi.