TAUNET 3:15 - BUKUIT NE TILIL

¹⁵ ak ande bunyondit kwenung’wong’ inye ndaret ak kwondo; ak kwenutab iyoteng’ung’ ak nenyi; ak kotui inendet meting’ung’, ak iguoten aginye kwariandennyi.

Bukuit Ne Tilil

¹⁵ Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

BUKUIT NE TILIIL Sireet ne Dutero Kanon

¹⁵ Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

TAUNET 3:15 ပူးပေါင်းရင်းမြစ်များ

TAUNET 49:17

Egu Dan ndaret eng’ ole kibunei, Erenet eng’ oret, Ne susei kwarinikab mbartanyisiek, Si kobut kowee batai chito ne lanyei.

TIENWOGIKAL 132:11

Kiiyosiechi Jehovah Daudi eng’ iman; Maweechegei let: Andoi ng’echereng’ung’ ne bo bounateng’ung’ age ne bunu bortang’ung’.

ISAIAH 53:12

Apchechini anyun inendet kebeberta koboto bik che eechen, ak kopchei barunenik koboto bik che kimen; amu kiigoito sobondanyi agoi meet, ak kigiitito bistoik: ago kigesen tengekwogikab bik che chang’, ak kisa agobo bistoik.

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

JEREMIA 31:22

Iombenoti kot kotianit, ee inye chepto ne iweechige let? Amu kigotoi Jehovah koyai kit ne leel eng’ ng’ony: Yiemei kwondo muren.

DANIEL 9:26

Ak ye ibata wigisiek tamanwogik lo ak aeng’ keisto inendet ne iilat ama kotinyei kiy: ak kobwa bikab bounindet kong’em nganaset ak ole tilil; ak nyonei kagesunennyi koboto maranet, ak egu luget agoi let; kigeng’at ng’emisiosiek.

AMOS 9:3

Agot ngo ung’egei tulwetab Karmel barak, acheng’e ak anemu eng’ oloto; agot ngo ung’enagei eng’ nyanjet orit, ang’ate eng’ oloto erenet, si kosus ichek.

MIKAH 5:3

Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

MATAYO 1:25

ak kima rikyi inendet kot kosich werit: ak koguure kainennyi JESU.

MATAYO 12:34

Okwek lagokab erenok che ng’wonen, omuktoi ano okwek, che o yaach, omwa tuguk che miach? Amu ng’alali kutit che nyiitat muguleldo.

MATAYO 13:38

ak mbaret ko ng’ony; ak keswek che miach ko werik che bo bounatet; ak chemulbainik ko werikab inendet ne ya;

MATAYO 23:33

Okwek erenok, o lagokab erenok che ng’wonen, ochilildoi ano eng’ kiruogetab Gehenna!

MATAYO 3:7

Ago ye kingogeer kobwanji kabatisanennyi che chang’ che bo Parisaik ak Sadukaik, kolenji, Okwek lagokab erenok che ng’wonen, ng’o ne kiiteeywok omwee nereknatet ne nyonei?

MARIKO 16:18

namei erenok, ak ngo ee tuguk che barei bich, ko manyoru ng’wanindo matiny; igonoori eunekwak bik che miandos ak kosopcho.

LUKA 1:76

Ee lakwani, kiguurenen maotiotab Inendet ne Toror Mising’: Amu iwendi eng’ taitab Kiptaiyet indoi, si kobiit ichob ortinwekyik;

LUKA 10:19

Ogeero, kaagonok kamuget si kobiit otiech erenok ak melmelwek, ak oterter kimnatet tugul ne bo bunyot: ak mami kiy ne imuchi kong’emak.

LUKA 22:53

Ye kiami kobotok betut age tugul eng’ hekalut, ko ma oyogocha eunekwok: ago saing’wong’ ni, ak kimnatet ne bo mesundeito.

LUKA 24:27

Ak kitoi koboch Musa ak maotik tugul, ak kiiarorji ichek eng’ sirutik tugul ng’alek agobo inendet.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

POISYONIGAP CHE KIYOKTOI 13:10

ak kole, Ee inye ne nyiitat ng’alset tugul ak ng’omnatet tugul ne bo kabeetet, inye weritab oindet, inye bunyotab imanda tugul, mebagaktoi imaas ortinwek che lititen che bo Kiptaiyat?

ROMANIK 16:20

Ak tun tuei Jehovah ne bo kalyet Setani eng’ kelyekwok ko negit. Ingoteb kobotok mieindab Kiptaiyandennyo Jesu Kristo.

ROMANIK 3:13

Mokwekwak ko kererit ne yatat; Kiboisie kenisiet eng’ ng’elyebwekwak: Mi ng’wonetab erenok kutuswekwak orit:

GALATYEK 4:4

ago ye kingoit betut ne kiyamgei, koyok Jehovah Werinnyi, ne kisich kobogoriot, kosich eng’ Ng’atutiet,

EPESOEK 4:8

Mwaei eng’ noto anyun kole, Kingotogosta barak, komut luulenik che kigoluul, Ak kogochi bik kagochinoik.

KOLOSAIK 2:15

ko kagorek bounatosiek ak kimnatosiek, kobor kotook, koterteri ichek eng’ kimurtoiyot.

HEBRANIK 2:18

Amu ko u ye kinyalil inendet ye kigiyomei, komuchi inendet kotoret ichek che kiyomei.

HEBRANIK 5:7

Ne ki eng’ betusiek che kimi eng’ borto, ko kagogoito sautik ak somutik eng’ rirek che eechen ak beekab kong’, korirjin inendet ne kiimuchi kosor eng’ meet, ak kingo kagegasyi amu kaiyweisiennyi ne kiywei Jehovah.

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.

1 JOHANA 3:8

inendet ne yaei tengek ko bo oindet; amu kiyai oindet tengek koboch taunet. Kigeng’any Weritab Jehovah amu noto, si kobiit kong’em boisionikab oindet.

1 JOHANA 5:5

Ak ng’o inendet ne iterteri ng’ony, kobate inendet ne iyani kole Jesu ko Weritab Jehovah?

NG'ANG'UTYET 12:17

Ak kinerekyi maswetit kwonyoto, ak kwo kobargei ak keswekyik che king’et, che ribei ng’atutikab Jehovah, ak kotinyei baornatetab Jesu: ak kitonone ng’aniekab nyanjet.

NG'ANG'UTYET 13:7

Ak kigigochi inendet kobargei ak bik che tililen, ak koterter ichek; ak kigigochi inendet kimnatet koboi oret age tugul ak bik alak tugul, ak kutit age tugul ak bororiet age tugul.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.