TAUNET 26:24 - BUKUIT NE TILIL

²⁴ Ak kimong’ji Jehovah kemounoto ak kolenji, A Kamuktaindet ne bo kwandang’ung’ Abraham: ameiywei, amu ami koboten, ak aberurin, ak abaroi iyoteng’ung’ amu otwogindennyu Abraham.

Bukuit Ne Tilil

²⁴ Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

BUKUIT NE TILIIL Sireet ne Dutero Kanon

²⁴ Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

TAUNET 26:24 ပူးပေါင်းရင်းမြစ်များ

TAUNET 13:16

Ak ayae lagoguk kochang’ait ko u temburiek che bo ng’ony, si ngot komugaksei koiit chi temburiek che bo ng’ony, ko kaga iitoksei lagoguk agichek.

TAUNET 15:1

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

TAUNET 17:7

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

TAUNET 17:8

Ak agonin emoni iwendote, inye koboto lagoguk che biitu let eng’ inye, agot emet komugul ne bo Kanan, kobunjok koigeny; ak aegu Kamuktaindenywa.

TAUNET 21:17

Ak kigas Kamuktaindet kutitab weroto ak kiguur malaikaiyatab Kamuktaindet ne mi kipsengwet Hagar, ak kilenji inendet, Amin nee, Hagar? Ameiywei; amu kagogas Kamuktaindet kutitab lakwet eng’ ole mi.

TAUNET 22:17

Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak;

TAUNET 22:19

Ak kiweeigei anyun Abraham kwo ole mi murenjugachiget, ak king’eetyo koba tugul agoi Beer-Seba; ak kimeny Abraham Beer-Seba.

TAUNET 24:12

Ak kole, Ee Jehovah Kamuktaindet ne bo kiptaiyandennyu Abraham, asain ale, iberura rani, iyachi ne mie Abraham kiptaiyandennyu.

TAUNET 28:13

Ak kitononi Jehovah eng’ ye negite inendet, ak kile, A Jehovah, Kamuktaindet ne bo kwandang’ung’ Abraham, A Kamuktaindet ne bo Isak: agonin emoni irue, koboto lagoguk;

TAUNET 28:15

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

TAUNET 28:3

Ingoberurin Kamuktaindet ne bo Kamuktaet, ak koyabin eng’ iyotet ak kobarain, si kobiit iegu tuiyetab bik che chang’;

TAUNET 30:27

Ak kilenji Laban, Ngo kianyoru mieindo eng’ taing’ung’, kiageer komie ale kigoberura Jehovah agobo inye.

TAUNET 31:5

nyo kolenji, Ageere ale ma ko u togetab kwandang’wong’ atkinye tai; ago kigotebi Kamuktaindet ne bo baba kobota.

TAUNET 39:2

Ak kimi Jehovah koboto Josep, ak ki chito ne iberurot; ak kimi gotab kiptaiyandennyi Misrindet.

TAUNET 39:3

Ak kigeer kiptaiyandennyi kole, mi Jehovah koboto inendet, ak kiiberur Jehovah tuguk tugul che kiyaei.

TAUNET 46:1

Ak kinam banda anyun Israel koboto tugul che kitinyei, ak kiit Beer-seba ak kiigochi tiseiywek Kamuktaindet ne bo kwandanyi Isak.

1 LAITORINIK 17:13

Ak kilenji Elija inendet, Ameiywei; ui, ak iyai ko u ye kaimwa: ago kwang’wa korok makatiat kitigin, ak iibwa komong’, yeityo okwang’jige ak wering’ung’.

KOMONG'U 14:13

Ak kilenji Musa bik, Amoiywei, otononse kityo, si ogeer yetunetab Jehovah ne yaiywok rani: amu ma ogeere kogeny Misrichu koigeny, chu ogeere rani.

KOMONG'U 3:6

Ak kilenji kogeny, A Kamuktaindet ne bo kwandang’ung’, a Kamuktaindet ne bo Abraham, a Kamuktaindet ne bo Isak, a Kamuktaindet ne bo Jakobo. Ak kiuny Musa togennyi; amu kiiywei kogeer Kamuktaindet.

ISAIAH 12:2

Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 44:2

Mwaei Jehovah ne kiyain, ne kimimiin eng’ moet, ne toretin, ko u ni kole, Ameiywei, ee otwogindennyu Jakobo; ak inye Jesurun, ne kialewen.

ISAIAH 51:12

Ane, anendet ne agoigook: i ng’o, kot iywei chito ne meei, ak iywei weritab chi ne kiyaei koek suswot;

ISAIAH 51:7

Oepcha it, okwek che ongen imanda, bik che mi ng’atutiennyu mugulelwekwak: amoiywei chotisietab bik, amoarogense amu churisiosiekwak.

RIREKAB JEREMIA 3:57

Kiirigu eng’ betut ne kiaguurin: kiimwa ile, Ameiywei.

ATEPTAP LAWIK 26:42

abwat anyun kayomisennyu ne kiayomisyi Jakobo; ak kayomisennyu agine ne kayomisyi Isak, ak abwat agine kayomisennyu ne kiayomisyi Abraham; ak abwat emet.

ATEPTAP LAWIK 26:45

ago abwati amu ichek, kayomiset ne kiayomisyi boisiekwak, che kiamoong’u eng’ emetab Misri kogeeronu bororiosiek, si aek Kamuktaindenywa: a Jehovah.

MATAYO 22:32

A Jehovah ne bo Abraham, a Jehovah ne bo Isak, a Jehovah ne bo Jakobo? Jehovah ko ma Jehovah ne bo che kigobek, ago bo che soptos.

LUKA 12:32

Amoiywei, okwek akwet ne ming’in; amu baibai Kwandang’wong’ kogonok bounatet.

POISYONIGAP CHE KIYOKTOI 7:32

kole, A Jehovah ne bo kwanisieguk, Jehovah ne bo Abraham, ak ne bo Isak, ak ne bo Jakobo. Kobotan Musa, ko mata kogany kogeer.

NG'ATUTIK 13:17

Amenam eng’ eung’ung’ kiy age tugul ne kigeisto: si koweek Jehovah kobagach neregekyik che koromen, ak korirenen, ak kochamin, ak kobarain, ko u ye kigoyosiechi kwanisieguk;

NG'ATUTIK 31:6

Ogimegitu, onyiganitu, amoiywei, anan oarogense amu ichek: amu wendi Jehovah Kamuktaindeng’ung’ koboten; mametoin inendet, ama bagaktoin.

HEBRANIK 11:16

Ago machei kot nguno emet ne kararan kosiir noto, noto ko, ne bo kipsengwet: noto anyun mageerei Jehovah kalilanet agobo ichek keguure Jehovah nenywa: amu kigochopchi ichek nganaset.

HEBRANIK 13:6

Noto anyun kimwae eng’ nyiganatet ne mie kele, Toretindennyu Kiptaiyat; maiyweisiei: Yaiywa nee chi?

NG'ANG'UTYET 1:17

Ak kingageer inendet, abutyi kelyekyik ko u chito ne kagome. Ak kiigonoora eunnyi ne bo tai, ak kole, Ameiywei; anendet ko a ne bo tai ak ne bo let,

RUTH 3:11

Noto anyun, cheptanyu, meiywei; ayaun tugul choto kemwa: amu ingen nganaset tugul ne bo bikyuk kole, i kwondo ne tinyei atebet ne nyolunot.