TAUNET 23:2 - BUKUIT NE TILIL

² Ak kimechi Sara Kiriat-arba (noto Hebron), eng’ emetab Kanan: ak kinyo Abraham konyo kote agobo Sara, ak korirji.

Bukuit Ne Tilil

² ak ki mechi Kiriath-arba (nooto Hebron), eng' emetap Kanaan. Ki nyo Abraham kote ak koriir agobo Sarah.

BUKUIT NE TILIIL Sireet ne Dutero Kanon

² ak ki mechi Kiriath-arba (nooto Hebron), eng' emetap Kanaan. Ki nyo Abraham kote ak koriir agobo Sarah.

TAUNET 23:2 ပူးပေါင်းရင်းမြစ်များ

TAUNET 13:18

Ak kiu Abram ak emainnyi, ak kwo komeny ye negite ketik che bo Mamre, che mi Hebron, ak koteekyi Jehovah kaptisisiet eng’ oloto.

TAUNET 23:1

Kenyisiek che kitar Sara kosobei ko ki bogol ak tiptem ak tisab: chuto ko kenyisiek che kitar Sara kosobei.

TAUNET 23:19

Kingobata choto kotub Abraham Sara osotiondennyi eng’ kebenet ne kimi mbaretab Makpela ne itoorjingei Mamre (noto ko Hebron), eng’ emetab Kanan.

TAUNET 24:67

Ak kiimut Isak Rebeka kwo emaitab Sara kamennyi, ak kotun Rebeka koek osotiondennyi; ak kicham inendet kot: ak konyor Isak kagaigaet amu kiga kome kamet.

TAUNET 27:41

Ak kiwech Esau Jakobo amu berurto ne kiiberur kwandanyi: ak kile Esau eng’ muguleldanyi, kagorik betusiek che kerirjin baba; si abar tupchennyu Jakobo.

TAUNET 35:27

Ak kiit Jakobo Mamre, oldab Isak kwandanyi, agoi Kiriat-arba (noto ko Hebron), oloto ole kicham komenyei Abraham ak Isak ye ki ta ko toek.

TAUNET 37:14

Ak kilenji, Ui anyun nguno, igeer ngo chamegei tupchosieguk koboto akwet; si inyo imwawa. Kiiyokto anyun kwo eng’ atebwetab Hebron, kiit anyun Sekem.

TAUNET 50:1

Kiing’uruk anyun Josep kotokyigei togetab kwandanyi, ak kirirji, ak kong’utut.

TAUNET 50:10

Ak kiit ruanyut kne kiborse ne bo Atad, ne mitei Jordan bitonin, ak kiiteiyo eng’ oloto eng’ rirek che ng’wonen che bichiien: ak king’at kerirji kwandanyi betusiekd tisab.

2 SAMUEL 1:12

ak kiiteiyo ak koririo ak korugutgei agoi koskoleny agobo Saul ak Jonatan werinnyi, ak agobo bikab Jehovah, ak gotab Israel; amu kibek eng’ rotokab chok.

2 SAMUEL 1:17

Ak kirirji Daudi Saul ak Jonatan werinnyi eng’ rirechu:

2 SAMUEL 2:11

Ak betusiek che kilaitoran Daudi eng’ Hebron eng’ gotab Juda ko ki kenyisiek tisab ak arawek lo.

2 SAMUEL 5:3

Kibwa anyun boisiek tugul che bo Israel ole mi laitoriat eng’ Hebron; ak kiyai laitoriat Daudi arorutiet koboto ichek eng’ Hebron eng’ taitab Jehovah: ak kiil Daudi koek laitoriat koboi Israel.

2 SAMUEL 5:5

Kilaitoran eng’ Hebron kobou Juda kenyisiek tisab ak arawek lo: ak kilaitoran eng’ Jerusalem kenyisiek sosom kobou Israel tugul ak Juda.

1 ATEPTAP PEETUUSYEK 6:57

Ak kiigochi werikab Aron nganasok che kimwechin, Hebron; koboto Libna ak emotinwekyik che kiyagisie, Jatir, Estemoa, ak emotinwekyik che kiyagisie;

2 ATEPTAP PEETUUSYEK 35:25

Ak kirir Jeremia agobo Josia: ak kirirji Josia tienik tugul che murenik ak gotab kor, eng’ rirekwak agoi kora; ak kiyachi ichek kayomiset eng’ Israel: ak ogeero, sirotin eng’ bukuitab rirek.

NEEMIA 11:25

Ak eng’ nganasok koboto mbarenikwak, ko kimenyei alak eng’ lagokab Juda, Kiriat-arba ak nganasokyik, ak eng’ Dibon ak nganasokyik, ak eng’ Jekabseel ak nganasokyik;

JEREMIA 22:10

Amorirji ne kigome, anan ote agobo inendet: ago orir mising’ agobo inendet ne mandoi; amu ma koweeksei inendet kogeny, anan kogeer emennyi ne kigisikyin.

JEREMIA 22:18

Mwaei anyun Jehovah agobo Jeoiakim weritab Josia, laitoriatab Juda, ko u ni kole: Maiteei chi agobo inendet kole, Bwa, werit ne kitupche! Anan, Bwa, chepto ne kitupche! Maiteei chi agobo inendet kole, Bwa, kiptaiyandani! Anan, Bwa etunatennyi!

KAITOSYEK 13:22

Kiba anyun kotogostae Murot ne bo Tai, ak kiit Hebron; ak kimi oloto Ahiman, Sesai, ak Talmai, lagokab Anok. (Kigiteech Hebron kenyisiek tisab kotom keteech Soan ne mi Misri.)

KAITOSYEK 20:29

Ak ye kingogeer tuiyet komugul kole kagome Aron, korirji Aron betusiek sosom, kirirji got tugul ne bo Israel.

JOHANA 11:31

Kiisub anyun Yahudik cheboto, icheget che kimi koboto inendet eng’ go kogoigoi, ye kingogeer kong’eet Maria, ak kochakta komanda sang’, kolen wendi kererit korirei eng’ oloto.

JOHANA 11:35

Korir Jesu.

POISYONIGAP CHE KIYOKTOI 8:2

Kotub anyun Stepano bik che kigonyiti Jehovah, ak koteiyo mising’ agobo inendet.

NG'ATUTIK 34:8

Kirirji lagokab Israel Musa eng’ warengetab Moab betusiek sosom: kiigesgei anyun betusiekab kateiyet ak rirek agobo Musa.

JOSHUA 10:39

ak kinam, koboto laitoriandennyi, ak nganasokyik tugul; ak kobar ichek eng’ rotwetab chok, ak kobar bik tugul che kimi orit kogesgei; ma bagakta agot agenge: ko u ye kiga yachi Hebron, koyachi Debir ko u noto, koboto laitoriandennyi; ko u ye kiga yachi Libna agine ak laitoriandennyi.

JOSHUA 15:13

Ak kiigochi Kaleb weritab Jepune kebeberta eng’ kwenutab lagokab Juda, ko u ng’atutietab Jehovah ne kimwachi Josua, noto ko Kiriat-arba, kwandab Anak (noto ko Hebron).

JOSHUA 15:54

ak Humta, Kiriat-arba (noto ko Hebron), ak Sior; nganasok sogol ak nganasokwak che mengechen.

JOSHUA 20:7

Ak kiitaban Kedes eng’ Galili eng’ emetab tulonok ne bo Naptali, ak Sekem eng’ emetab tolonok ne bo Epraim, ak Kiriat-arba (noto ko Hebron) eng’ emetab tulonok ne bo Juda.

JOSHUA 21:11

Ak kiigochi Kiriat-arba, kwandab Anak (noto ko Hebron), eng’ emetab tulonok ne bo Juda, koboto emotinwekwak che kiyagisie che kiyiem.

KIRUOGIK 1:10

Ak kibargei Juda ak Kananik che kimenyei Hebron: (kainetab Hebron eng’ tai ko ki Kiriat-arba:) ak kibar Sesai, ak Ahiman, ak Talmai.

1 SAMUEL 20:31

Amu kota kosobei weritab Jesii eng’ ng’ony, ko magigimitin anan kigimit bounateng’ung’. Iyokte anyun kimutwa inendet, amu meei iman.

1 SAMUEL 25:1

Ak kime Samuel; ak kiiyumgei Israel tugul, koba korirji inendet, ak kotupchi gonnyi eng’ Rama. Ak king’eet Daudi, ak kochortagei kwo ong’atetab Paran.

1 SAMUEL 28:3

Kiga kome Samuel, ak kiga korirji Israel tugul inendet, ak kigitupchi Rama, nganasennyi. Kiga koon Saul ichek che kiboisie oik, ak bonik eng’ emet.