TAUNET 22:8 - BUKUIT NE TILIL

⁸ Ak kilenji Abraham, Werinnyu, cheng’jingei Kamuktaindet aruetab kechir ne egu kagochinet ne kibeelei: yeityo koba tuwai.

Bukuit Ne Tilil

⁸ Ki leenji Abraham, “Weeriinnyu, cheeng'jingei Kamuktaindet aarwetap keechiir ne egu kagoochinet ne kibeelei.” Yeityo koba tuwai.

BUKUIT NE TILIIL Sireet ne Dutero Kanon

⁸ Ki leenji Abraham, “Weeriinnyu, cheeng'jingei Kamuktaindet aarwetap keechiir ne egu kagoochinet ne kibeelei.” Yeityo koba tuwai.

TAUNET 22:8 ပူးပေါင်းရင်းမြစ်များ

TAUNET 18:14

Tos mi kiy age tugul ne temene Jehovah? Aweekyininge eng’ kenyit ne nyonei, eng’ betusiechuto, eng’ betut ne kaachob, ak kosich Sara werit.

TAUNET 22:14

Ak kiguure Abraham yoto Jehovah-jireh: ko u ye kimwaei agoi kora, kele, Kigonune tulwetab Jehovah.

TAUNET 22:7

King’alalji anyun Isak kwandanyi Abraham, kolenji, Aba, ak kile, Ami yu, werinnyu. Ak kile, Keero, mi yu mat ak kwenik: ago mi ano aruetab kechir ne egu kagochinet ne kibeelei?

TAUNET 22:9

Ak kiit koronoto ole kiga koarorji Kamuktaindet; ak koteech Abraham kaptisisiet eng’ oloto, ak kitet kwenik, yeityo korat werinnyi Isak, ak kiinde inendet kwenik barak eng’ kaptisisiet.

2 LAITORINIK 2:6

Ak kilenji Elija inendet, Asomin ale, tebi eng’ yu; amu kagoyokta Jehovah awa Jordan. Ak kile, Ko u ye sobei Jehovah, ak ko u ye sobei sogondang’ung’, ko mametoin. Ak kiba tuwai.

2 ATEPTAP PEETUUSYEK 25:9

Ak kilenji Amasia chitab Kamuktaindet, Ara si kelyonji talentaisiek bogol che kiagochi lugetab Israel? Kowol anyun chitab Kamuktaindet kole, Imuchi Jehovah kogonin che siirei chuto mising’.

MATAYO 19:26

Ak kogeer Jesu ichek ak kolenji, Maimugaksei ni eng’ bik; ago imugaksei tuguk tugul eng’ Jehovah.

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

JOHANA 1:36

ak kigeerot inendet Jesu kowendoti, ak kole, Ogeero, Aruet ne bo Jehovah!

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 5:12

komwaei eng’ kutit ne o kole, Nyoljin Aruet ne kigibar konyor kimnatet, ak magornatosiek ak ng’omnatet, ak kamuktaet, ak teegisto, ak torornatet, ak kaberuret.

NG'ANG'UTYET 5:6

Ak kiageer eng’ kwenutab ng’echeranato bo laitornatet ak tiong’ichoto ang’wan soptos, ak eng’ kwenutab boisiechoto, kotonone Aruet, ko u ne kageeny, kotinyei kuinoik tisab, ak konyek tisab, che Tamirmirik tisab che bo Jehovah, che kigiyokto koba ng’ony komugul.

NG'ANG'UTYET 7:14

Ak kialenji inendet, Kiptaiyandennyu, ingen inye. Kolenja anyun, Chu ko ichek che bunu nyalilda ne o, ak kigomwet ngoroikwak koleelagitu eng’ korotikab Aruet.