TAUNET 21:22 - BUKUIT NE TILIL

²² King’alalji eng’ betusiechoto Abimelek ak Pikol inendet ne ki kiptaiyatab askarikyik, Abraham, kolenji, Mitei Kamuktaindet koboten eng’ tuguk tugul che iyae:

Bukuit Ne Tilil

²² Ki ng'alaalji eng' peetuusyechooto Abimelek ak Pikol, ineendet ne ki kiptaiyatap kiplutotinikyik, Abraham koleenji, “Miitei Kamuktaindet kobooten eng' tuguuk tugul che iyae.

BUKUIT NE TILIIL Sireet ne Dutero Kanon

²² Ki ng'alaalji eng' peetuusyechooto Abimelek ak Pikol, ineendet ne ki kiptaiyatap kiplutotinikyik, Abraham koleenji, “Miitei Kamuktaindet kobooten eng' tuguuk tugul che iyae.

TAUNET 21:22 ပူးပေါင်းရင်းမြစ်များ

TAUNET 20:14

Kiigochi anyun Abimelek Abraham kechirek ak tuga, ak otwogik che murenik ak otwogik che tibik, ak koweekyi Abraham Sara osotiondennyi.

TAUNET 20:17

Kisa anyun Abraham Kamuktaindet, ak kiisoob Kamuktaindet Abimelek, ak osotiondennyi, ak chebaigeinikyik; ak kisich lagok.

TAUNET 20:2

Kimwa Abraham agobo Sara osotiondennyi, kole, Inendet ko tupchennyu: ak kiiyokto Abimelek laitoriatab Gerar, kimutyi Sara.

TAUNET 26:26

Kiba oldab Isak Abimelek kobunei Gerar koboto choruennyi Ausat, ak Pikol kiptaiyatab lugennyi.

TAUNET 26:28

Kilenji ichek, Kigigeer komie kele, mi Jehovah koboten: ak kigile, Ingobiit kayosiet eng’ kwenunnyo, achek ak inye, ak kiyomisge;

TAUNET 28:15

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

TAUNET 30:27

Ak kilenji Laban, Ngo kianyoru mieindo eng’ taing’ung’, kiageer komie ale kigoberura Jehovah agobo inye.

TAUNET 31:5

nyo kolenji, Ageere ale ma ko u togetab kwandang’wong’ atkinye tai; ago kigotebi Kamuktaindet ne bo baba kobota.

2 SAMUEL 24:7

ak kibwa irimetab Turo, agoi nganasok tugul che bo Hibik, ak che bo Kananik: ak kimanda koba Murot ne bo Tai ne bo Juda, eng’ Beer-seba.

2 ATEPTAP PEETUUSYEK 1:1

Ak kigimit Solomon weritab Daudi eng’ bounatennyi, ak kimi Jehovah Kamuktaindennyi koboto inendet, ak kiieet inendet mising’.

ISAIAH 45:14

Mwaei Jehovah ko u ni kole, Nyonjinin boisietab Misri, koboto tugukab mung’aretab Etiopia, ak Sabeik, bik che koen, ak bunjinin; isubun; bwanjinin ko ratotin; ak kobutyi kelyeguk, kosomin, kole, Iman mi Kamuktaindet koboten; ama mi age, mami Kamuktaindet age.

ISAIAH 8:10

Oruoch tugul, si koek buch; omwa ng’olyot, ama tononi: amu mi Kamuktaindet kobotech.

SEKARIA 8:23

Mwaei Jehovah ne bo lugosiek ko u ni kole: Tun namei bik tamanu eng’ betusiechoto, che bunu kutuswek tugul che bo bororiosiek, ngorietab Yahudiot, kolenji, Kibendi tugul koboten, amu kigegas kele mi Kamuktaindet kobotok.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

1 KORINTOEK 14:25

ak king’anyei ung’otikab muguleldanyi; ak kobutyi ng’ony anyun kong’uruk kolos Jehovah, komwaei kolen mi Jehovah kwenung’wong’ iman.

HEBRANIK 13:5

Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.

JOSHUA 3:7

Ak kilenji Jehovah Josua, Atau rani atororin eng’ taitab Israel tugul, si kobiit konai kole, ko u ye kiami koboto Musa, ami koboten ko u noto.

NG'ANG'UTYET 3:9

Keero, agochini che bo sunagogitab Setani, icheget che mwaei kole ki Yahudik, ago ma ichek, kenu, keero, agochini ichek kobwa kogutuny eng’ kelyeguk, ak konai kole kiachamin.

1 SAMUEL 24:22

Ak kiiyosiechi Daudi Saul. Ak kiwa Saul ga; ago kitogosta Daudi ak bikyik koba irimet.

1 SAMUEL 3:19

Ak kieet Samuel, ak kimi Jehovah koboto inendet, ama cham kobutyi ng’ony ng’olyo age tugul eng’ ng’alekyik.