TAUNET 21:16 - BUKUIT NE TILIL

¹⁶ Yeityo kwo koteb ng’ony kotoorjigei inendet, eng’ ye loo kitigin, ye itei kipchabet ngemwokto: amu kile, Si mageer meetab lakwet. Kitebi kotoorjigei inendet, ak kiwaach korir.

Bukuit Ne Tilil

¹⁶ Ki wo kotep ng'wony eng' ye loo kitigin, ye itei kipchabet ngemwokto si ma keer meetap lakweet. Ki tep anyun kotoorchigei ineendet ak kowaach koriir.

BUKUIT NE TILIIL Sireet ne Dutero Kanon

¹⁶ Ki wo kotep ng'wony eng' ye loo kitigin, ye itei kipchabet ngemwokto si ma keer meetap lakweet. Ki tep anyun kotoorchigei ineendet ak kowaach koriir.

TAUNET 21:16 ပူးပေါင်းရင်းမြစ်များ

TAUNET 21:15

Ak kiigesgei beek eng’ sotet, ak kibagakta lakwet eng’ sondit orit.

TAUNET 27:38

Ak kilenji Esau kwandanyi, Tos itinye berurto agenge kityo, baba? Iberura agenge, ee, baba. Kiwaach anyun Esau, korir.

TAUNET 29:11

Ak king’utut Jakobo Rael, yeityo kowaach korir.

TAUNET 44:34

Amu amuktoi ano anyun awo atogosta oldab baba, ama kimi ak lakwet? Si mageer yaitiet ne tun nyoru baba.

1 LAITORINIK 17:12

Ak kile, Ko u ye sobei Jehovah Kamuktaindeng’ung’, ko matinye makatiat, kobate busiekab eut che mi teret, ak mwaita kitigin ne mi sotet ne ming’in: ak keero, abute kwenik aeng’, si kekwang’jinege ak werinnyu, si keam, ak kebegu.

1 LAITORINIK 3:26

Yeityo kong’alalji kwondo ne ki nenyi lakwet ne sobei, laitoriat, amu kirir mo agobo werinnyi, ak kile, Ee kiptaiyandennyu, Igochi inendet lakwani sobei, amat ibar. Ago kile age, Mabunjina, ama bunjinin; pchei.

ESTA 8:6

Amu amuktoi ano amuita ak ageere yaitiet ne nyonjin bikyuk? Anan amuktoi ano amuita ak ageere ng’emisietab tilionutikyuk?

ISAIAH 49:15

Tos imuchi kwondo koutie lakwennyi ne chuchuni, kot ko marire werit ne kisichei? Ee, imuchi chuto koutie, ago mautienen.

JEREMIA 6:26

Ee cheptab bikyuk, igermenege kuniok, ak iburburege orek: itee, ko u ye kitechin werit ne kigii inegei, kateet ne ng’wan mising’; amu cheech ng’emindet.

AMOS 8:10

Ak awal igorwekwok koek rirek, ak awal tienwogikwok tugul koek kateiyet; ak agochi bik tugul kogermenegei kuniok, ak koam bosta chi tugul; ak ayae noto koek che kirirjin werit ne kigii inegei, ak ayae kagesunennyi koek betut ne ng’wan.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

LUKA 15:20

King’eet anyun kwo oldab kwandanyi. Ago, ye kita komi ole loo, kogeer inendet kwandanyi, ak korire inendet, ak kilabat kwo kosuub kaatit, ak kong’utut.

KIRUOGIK 2:4

Ak kingo kagomwachi malaikaiyatab Jehovah ng’alechu lagok tugul che bo Israel, kowaach, ak koririo.

RUTH 1:9

Ingogonok Jehovah onyoru kamuung’et, age tugul eng’ okwek eng’ gotab manong’otiondennyi. Yeityo kong’utut ichek; ak kiwaach koririo.

1 SAMUEL 24:16

Ak kingo kagoges Daudi ng’alechu kimwachin Saul, komwa Saul kole, Kuting’ung’ nito, werinnyu Daudi? Ak kiwaach Saul korir.

1 SAMUEL 30:4

Ak kiwaach Daudi ak bik che kimi koboto inendet, ak koririo, kot ko ma komuchi koririo.