TAUNET 2:9 - BUKUIT NE TILIL

⁹ Ak kiigochi Jehovah Kamuktaindet kobit ket age tugul eng’ ng’ony ne kararan eng’ keeret, ak ne mie eng’ amet; ak ketit ne bo sobondo eng’ kwenutab mbaret, ak ketit ne bo naet ne kinae ne mie ak ne ya.

Bukuit Ne Tilil

⁹ Ak ki igoochi Kamuktaindet ne po Toroornatet kobiit keet age tugul eng' ng'wony ne karaaran eng' keeret ak ne myee eng' ameet. Ki mi eng' kwenutap mbareet keetit ne po saboondo ak keetit ne po naet ne kinae ne myee ak ne ya.

BUKUIT NE TILIIL Sireet ne Dutero Kanon

⁹ Ak ki igoochi Kamuktaindet ne po Toroornatet kobiit keet age tugul eng' ng'wony ne karaaran eng' keeret ak ne myee eng' ameet. Ki mi eng' kwenutap mbareet keetit ne po saboondo ak keetit ne po naet ne kinae ne myee ak ne ya.

TAUNET 2:9 ပူးပေါင်းရင်းမြစ်များ

TAUNET 2:17

ago amat iam che bo ketit ne bo naet ne kinae ne mie ak ne ya; amu eng’ betut ne keam che bo ketoto, imee ne matiny.

TAUNET 3:22

Ak kimwa Jehovah Kamuktaindet kole, Ogeero; kagogergeit chichi ak age eng’ achek, ne ingen ne mie ak ne ya; ak nguno anyun, ko si mata koyogoito eunnyi, ak kobut agine che bo ketitab sobondo, ak koam ak kosob koigeny:

TAUNET 3:24

Kion anyun chichoto komanda, ak konde Kerubik kotebe komostab kong’asis ne bo mbaretab Eden, ak rotwetab chok ne ilyeli ne tokyingei komosi ak komosi, koribe oret ne wendi oldab ketitab sobondo.

TAUNET 3:3

ago kimwa Kamuktaindet kole, Amat oam logoek che bo ketit ne mi kwenutab mbaret, amat otwa, si mobegu.

TAUNET 3:5

amu ingen Kamuktaindet kole, eng’ betut ne koam che bo ketoto koyatogis konyekwok, ak ogergeitu ak Kamuktaindet, onai ne mie ak ne ya.

KALEWANAIK 11:30

Logoekab ne bo iman ketitab sobondo; Ng’om inendet ne soru sobonwekab bik.

KALEWANAIK 3:18

Ketitab sobondo inendet eng’ ichek che namei: Ak baibai age tugul ne namegei ak inendet.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

ISAIAH 47:10

Amu kiimang’u sogornateng’ung’; kiile, Mami chi ne keera; kigomaasin ng’omnateng’ung’ ak naeng’ung’: ak kiimwa eng’ muguleldang’ung’ ile, Anendet, mami age kobatena.

EZEKIEL 31:16

Kiagochi bororiosiek kobotanso amu cheetab kabutennyi, ye kingatimde inendet kwo oldab che kigobek koboto icheget che chorjingei keringet: ak kiigaigaigei ketik tugul che bo Eden, ketik che kororon ak ko miachen mising’ che bo Lebanon, ichek tugul che eei beek, kiigaigaigei eng’ ng’ony orit.

EZEKIEL 31:18

Ogerge ak ng’o anyun eng’ torornatet ak etunatet eng’ kwenutab ketikab Eden? Nganda u noto kechoortoin koboto ketikab Eden iwe ng’ony orit: irue kwenutab che ma kimuratan, koboto icheget che kigibare rotwetab chok. Nito ko Parao ak bikyik che chang’, mwaei Kiptaiyat Jehovah.

EZEKIEL 47:12

Ak kobit ketit age tugul ne kiamei eng’ ngegutab ainonoto, eng’ komosi ak komosin, ne marestos sogekyik, ama betos logoekyik: ago yiei logoek eng’ arawet age tugul, amu mong’une beekyik ole tilil: ak koek amitwogik logoekyik, ak kianyinyisie sogekyik.

JOHANA 6:48

A makatiat ne bo sobon.

1 KORINTOEK 8:1

Nguno anyun agobo tuguk che kieng’jin kanamonik: kingen kele kitinye achek tugul naet. Menei naet, ago teeksei chamnyet.

NG'ATUTIK 6:25

Egu anyun imanda eng’ achek, ngigiilge keyai ng’atutioni tugul eng’ taitab Jehovah Kamuktaindennyo, ko u ye king’atech.

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 22:14

Boiboen ichek che mwetei ngoroikwak, si kobiit kosich chamjinet koit ole mi ketitab sobondo, ak kobun kurgotik kobendi nganaset orit.

NG'ANG'UTYET 22:2

eng’ kwenutab orinnyi. Ak kimi ketitab sobon ainonoto, komosi ak komosi, ne yiei logoek taman ak aeng’ che terjin, ak koyiei logoekyik eng’ arawet age tugul: ak kisoobi bororiosiek eng’ sogekab ketoto.