TAUNET 2:8 - BUKUIT NE TILIL

⁸ Kigol Jehovah Kamuktaindet mbaret eng’ Eden eng’ komostab kong’asis, ak konde oloto chichoto kiga koyai.

Bukuit Ne Tilil

⁸ Ki kool Kamuktaindet ne po Toroornatet mbareet eng' Eden eng' komostap kong'asiis, ak konde olooto chiichooto ne kiga koyai.

BUKUIT NE TILIIL Sireet ne Dutero Kanon

⁸ Ki kool Kamuktaindet ne po Toroornatet mbareet eng' Eden eng' komostap kong'asiis, ak konde olooto chiichooto ne kiga koyai.

TAUNET 2:8 ပူးပေါင်းရင်းမြစ်များ

TAUNET 13:10

Kitobendo anyun Lot kogeerot atebwet komugul ne bo Jordan, kole emet ne tinyei beek eng’ olda tugul, ko u mbaretab Jehovah, ko u emetab Misri, ne tokyingei komostab Soar; ye ki tomo kong’em Jehovah Sodom ak Gomora.

TAUNET 3:23

eng’ noto anyun, kimaanda Jehovah Kamuktaindet inendet eng’ mbaretab Eden, si kobiit kobat ng’ony ole kiginemune.

TAUNET 3:24

Kion anyun chichoto komanda, ak konde Kerubik kotebe komostab kong’asis ne bo mbaretab Eden, ak rotwetab chok ne ilyeli ne tokyingei komosi ak komosi, koribe oret ne wendi oldab ketitab sobondo.

TAUNET 4:16

Ak kiwa Kaen anyun, eng’ ole mi Jehovah, kwo komeny emetab Not, ne mi komostab kong’asis ne bo Eden.

2 LAITORINIK 19:12

Tos kisor ichek cheptalelisiekab bororiosiek, che kibar kwanisiekyuk, Gosan, ak Haran, ak Resep, ak lagokab Eden che kimi Telasar?

ISAIAH 51:3

Amu kagogaigai Jehovah Sion: kagogaigai komoswekyik tugul che kigemeto, ak kigoyai ong’atennyi koigei Eden, ak koyai surkwenennyi koigei mbaretab Jehovah; kinyorjin oloto boiboiyet ak kagasetab ge, koboto kongoi ak tienwogik che rurei komie.

EZEKIEL 27:23

Haran, Kane ak Eden, chemung’arainikab Sheba, Asur ak Kilmad, ko ki chemung’arainiguk.

EZEKIEL 28:13

Kiimi Eden mbaretab Kamuktaindet; kiitugege koita age tugul ne bo kamanutiet, sardio, topasio, ak yaholom, berulo, soari, jasipi, sapire, sumaragdo, ak bareqet, ak tahabu: kimitei oring’ung’ boisietab sugutisieguk che mengenchen ak ndurerusieguk; kigichob choto eng’ betut ne kigitau keyain.

EZEKIEL 31:16

Kiagochi bororiosiek kobotanso amu cheetab kabutennyi, ye kingatimde inendet kwo oldab che kigobek koboto icheget che chorjingei keringet: ak kiigaigaigei ketik tugul che bo Eden, ketik che kororon ak ko miachen mising’ che bo Lebanon, ichek tugul che eei beek, kiigaigaigei eng’ ng’ony orit.

EZEKIEL 31:18

Ogerge ak ng’o anyun eng’ torornatet ak etunatet eng’ kwenutab ketikab Eden? Nganda u noto kechoortoin koboto ketikab Eden iwe ng’ony orit: irue kwenutab che ma kimuratan, koboto icheget che kigibare rotwetab chok. Nito ko Parao ak bikyik che chang’, mwaei Kiptaiyat Jehovah.

JOEL 2:3

Amisiei mat eng’ tainywa; ak lalei liblibenetab mat eng’ let: u emet mbaretab Eden eng’ tainywa, ak kagoek ong’atet kityo ole bo let; ee, ma biit ne kachilile ichek.