TAUNET 15:17 - BUKUIT NE TILIL

¹⁷ Ak kibiit ko u ni, ye kingororoktoi asista, ko kaimenit, kotook mat ne boto iyeto ak mat ne liblibeni ne bunei kwenutab banyechato.

Bukuit Ne Tilil

¹⁷ Ye kingo kagororokto asiista ak ko imenit, kotook tereetap ma ne iyeni ak maat ne liplibeni ko punei kwenutap panyechooto.

BUKUIT NE TILIIL Sireet ne Dutero Kanon

¹⁷ Ye kingo kagororokto asiista ak ko imenit, kotook tereetap ma ne iyeni ak maat ne liplibeni ko punei kwenutap panyechooto.

TAUNET 15:17 ပူးပေါင်းရင်းမြစ်များ

TAUNET 15:10

Ak kinam chuto tugul, ak kobet, yeityo konde motwet age tugul kotoorjigei motwennyi: ago ma kibet taritik.

2 SAMUEL 22:9

Kitogostae iyeto serunekyik: Ak kibeelso mat ne kimong’une kutinnyi: Kilalyo nesek eng’ maata.

1 LAITORINIK 18:38

Kochorgei anyun matab Jehovah; ak kobeel kagochinet ne kibeelei, koges, ak kwenik, ak koik, ak ng’ung’unyek, ak kobeel beek che kimi keringet kobek.

1 ATEPTAP PEETUUSYEK 21:26

Ak kiteekyi Daudi Jehovah kaptisisiet eng’ yoto, ak kiigoito kagochinoik che kibeelei ak kagochinoikab kalyet, ak kisa Jehovah; ak kiwolji inendet eng’ kipsengwet eng’ mat ne kichorjigei kaptisisiet ne bo kagochinet ne kibeelei.

KOMONG'U 19:18

Ak kiiyeni tulwet komugul ne bo Sinai, amu kichorjigei Jehovah tulwonoto eng’ mat: ak kitogosta iyetanyi ne u ne bo mat ne o mising’, ak kibotan tulwet komugul mising’.

KOMONG'U 20:18

Ak ye kingogeer bik tugul kalyelosiek ak tulwet ne iyeni, ak kogas tuletab ilotik ak cheetab iriaget, kobotanso, ak kotononso eng’ ole loo.

ISAIAH 62:1

Masise agobo Sion, amamuunyi agobo Jerusalem, agoi komanda imandanyi ko u kaluunet, ak komanda yetunennyi ko u tait ne lalei.

JEREMIA 11:4

ne kiang’at kwanisiekwok eng’ betut ne kiamutu ichek komong’ eng’ emetab Misri, komong’une matab karnet, alenji, Ogas it kutinnyu, ak oyai choto, ko u tugul che ang’atok: si oegu bikyuk anyun, ak aegu Kamuktaindeng’wong’;

NG'ATUTIK 4:20

Ago konamak Jehovah, ak komutwak omong’une matab karnet, eng’ Misri, oegu bikab borotennyi, ko u rani.

KIRUOGIK 13:20

Amu ye kitogosta liblibenetab mat kotokyigei kipsengwet kobunei kaptisisiet, kotogostae malaikaiyatab Jehovah liblibenonato bo mat ne bo kaptisisiet: ak kigeerot Manoa koboto osotiondennyi; ak kiing’urukso ichek kot kotiiny ng’ony togochikwak.

KIRUOGIK 6:21

Ak kiiyogoito malaikaiyatab Jehovah walitab kirokto ne kitinyei eng’ eunnyi, ak kotwae banyechato ak makatinichato ma kinde mermerek; ak kitogosta mat eng’ koyata, kobeel banyek ak makatinichato ma kinde mermerek; yeityo kobetito kwo malaikaiyatab Jehovah eng’ tainnyi ne mata kogeer.