TAUNET 1:26 - BUKUIT NE TILIL

²⁶ Kimwa Kamuktaindet kole, Ongeyai chito eng’ itondanyo, ko u kergeindanyo: ak ingoboi ichek njirenik che mi nyanjosiek, ak taritik che bo barak, ak tuga, ak ng’ony komugul, ak tiong’ik tugul che ichuutegei ng’ony.

Bukuit Ne Tilil

²⁶ Yeityo komwa Kamuktaindet kole, “Ongeyai chiito eng' itoondanyo, ko uu kergeindanyo. Ingoboi icheek njireenik che mi nyanjosyek, toriitik che mi soet parak, kiyagiik, ng'wony komugul ak tyong'ik tugul che ichuutegei ng'wony.”

BUKUIT NE TILIIL Sireet ne Dutero Kanon

²⁶ Yeityo komwa Kamuktaindet kole, “Ongeyai chiito eng' itoondanyo, ko uu kergeindanyo. Ingoboi icheek njireenik che mi nyanjosyek, toriitik che mi soet parak, kiyagiik, ng'wony komugul ak tyong'ik tugul che ichuutegei ng'wony.”

TAUNET 1:26 ပူးပေါင်းရင်းမြစ်များ

TAUNET 11:7

Ongebe, kechortege anyun, kitoiye kutuswekwak si mata kogasyin ichegei eng’ ng’alalet.

TAUNET 2:19

Kiyai anyun Jehovah Kamuktaindet tiony age tugul ne bo ng’ony eng’ ng’ung’unyek, ak tarit age tugul ne bo barak, ak kokwerichi chichoto tiong’ichoto kogeer ole tochindoi kainaik; ak kainet ne kiguure chichoto kiy age tugul ne sobei, ko kiek kainennyi noto.

TAUNET 3:22

Ak kimwa Jehovah Kamuktaindet kole, Ogeero; kagogergeit chichi ak age eng’ achek, ne ingen ne mie ak ne ya; ak nguno anyun, ko si mata koyogoito eunnyi, ak kobut agine che bo ketitab sobondo, ak koam ak kosob koigeny:

TAUNET 5:1

Ni ko bukuit ne bo oretab lagokab Adam. Eng’ betut ne kitoi Kamuktaindet koyai chito, kiyai Kamuktaindet ichek eng’ kergeindanyi:

TAUNET 9:6

Ak ne tumdoi korotikab chi, kotumdoi chito chechik agine: amu kiyai Kamuktaindet chi eng’ itondanyi.

Kitabuutap JOB 35:10

Ago mami ne mwaei kole, Mi ano Kamuktaindet Yaindennyu, Ne konu tienwogik kemoi:

Kitabuutap JOB 39:11

Tos imang’u inendet, amu o kimnatennyi? Anan tos ibagakyi boisieng’ung’?

Kitabuutap JOB 5:23

Amu onamege ak koikab warenget; Ak oting’ege kalyet ak tiong’ikab timin.

TIENWOGIKAL 100:3

Onai ole Jehovah ko Kamuktaindet: Inendet ne kiyaech, ak ki chechik; Ki bikyik, ak ki kechirekab akwennyi.

TIENWOGIKAL 149:2

Ingobaibait Israel eng’ yaindennyi: Ingogasgei lagokab Sion eng’ Laitoriandennywa.

AMDOINDET 7:29

Ogeero, kianyoru nito kityo, ale, kiyai Kamuktaindet chito kobunji iman; ago kigocheng’ ichek tuguk che chang’ che taunen.

TYENDO NE SIIREI TUGUL 1:11

Kiyaun achek tugukab tahabu che kigila, Koboto tugukab lelesta che bo feda.

ISAIAH 45:18

Amu mwaei Jehovah ne kitoi koyai kipsengwetisiek ko u ni kole, Inendet ko Kamuktaindet ne kimimii ng’ony ak koyai; kiigimit, kima yai koek buch, kiyai si kobiit kemeny: a Jehovah; ama mi age.

ISAIAH 6:8

Ak kiagas kutitab Kiptaiyat kolen, Ayokte ng’o, ng’o ne wendi agobo achek? Kiale anyun, Ami yu; iyokta.

ISAIAH 64:8

Ara anyun, ee Jehovah, i kwandanyo; ki menet, ak ko i mimiindennyo; ak ki boisionikab euneguk achek tugul.

JEREMIA 27:6

Kaagochi anyun emotinwechuto tugul Nebukadnesar laitoriatab Babulon, otwogindennyu, kaagochi inendet tiong’ikab timin koot inendet.

JOHANA 14:23

Kowolji Jesu kolenji, Ngo chama chi, korib ng’olyondennyu: ak kocham Baba inendet, ak kebwanji inendet, ak kemeny koboto inendet.

JOHANA 5:17

Ak kiwolji Jesu kolenji, Boisiei Baba agoi kora, ak aboisiei agane.

POISYONIGAP CHE KIYOKTOI 17:20

Amu keipchi itikyok tuguk alak che leelach: noto anyun kimache kenai kit ne iboru tuguchuto.

POISYONIGAP CHE KIYOKTOI 17:26

ak kiyai eng’ chito agenge bororiet age tugul ne bo bik si komeny ng’ony komugul, ko kagoborji kenyisiek che kiging’at, ak kiwotosiekab meng’otenywa;

1 KORINTOEK 11:7

Manyoljin iman muren koger metit, amu inendet ko kergeindo ak torornatetab Jehovah: ago kobogoriot ko torornatetab muren.

2 KORINTOEK 3:18

Ago achek tugul kobortoi torornatetab Kiptaiyat ko u kioit eng’ togochikyok che ma tugotin, kewalech eng’ itonoto kobunu torornatet agoi torornatet, ko u ye bunu Kiptaiyat ne Tamirmiriet.

2 KORINTOEK 4:4

eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

EPESOEK 4:24

ak olaach chito ne leel, ne kigiyai eng’ Jehovah eng’ imanda ak tililindo ne bo iman.

KOLOSAIK 1:15

Inendet itondab Jehovah ne ma toogu, inendet ne kisib kesich eng’ kit age tugul ne kigitoi keyai;

KOLOSAIK 3:10

ak koolaach chito ne leel, ne kiwalei koleelit agoi naet kogergeit ak itondab inendet ne kiyai inendet:

JAKOBO 3:7

Amu kibaei tiong’ik alak tugul, ak taritik, ak tuguk che ichuutegei ak tuguk che mitei nyanjet, ko kigobai bik;

JAKOBO 3:9

Kilosune noto Kiptaiyat ak ko Kwanda: ak kichube bik, che kigiyai eng’ kergeindab Jehovah:

1 JOHANA 5:7

Ak Tamirmiriet ne baoriani, amu Tamirmiriet ko imanit.