TAUNET 1:16 - BUKUIT NE TILIL

¹⁶ Kiyai Kamuktaindet tuguk che iluu aeng’ che eechen; si kobiit koboi ne o bet, ak koboi kemoi ne ming’in; kiyai kecheik agichek.

Bukuit Ne Tilil

¹⁶ Koyai Kamuktaindet tuguuk aeng' che eecheen che iluu, si kobiit koboi ne oo peet, ak koboi ne ming'in kemoi. Ki yai kecheik ak icheek.

BUKUIT NE TILIIL Sireet ne Dutero Kanon

¹⁶ Koyai Kamuktaindet tuguuk aeng' che eecheen che iluu, si kobiit koboi ne oo peet, ak koboi ne ming'in kemoi. Ki yai kecheik ak icheek.

TAUNET 1:16 ပူးပေါင်းရင်းမြစ်များ

TAUNET 1:15

ingoek choto che iluu eng’ soetab kipsengwetisiek si kobiit koluuchi ng’ony; ak kiyaak ko u noto.

Kitabuutap JOB 31:26

Ngot ko kiageer asista ye kiiluu, Anan arawet ye kiwendoti eng’ kaluunet;

Kitabuutap JOB 38:7

Ye kitienso kecheikab karon kibagenge, Ak kowaach werik tugul che bo Kamuktaindet eng’ boiboiyet?

TIENWOGIKAL 148:3

Olosu inendet, okwek asista ak arawet: Olosu inendet, okwek kecheik tugul che o bo lapkeiyet.

TIENWOGIKAL 148:5

Ingolos ichek kainetab Jehovah: Amu king’at, ak kiyaogis.

TIENWOGIKAL 19:6

Itei choruennyi tabandab kipsengwet, Ak itei yiemutiennyi tabanwekab kipsengwet: Ak mami kiy ne ung’egei mannyi.

TIENWOGIKAL 74:16

Neng’ung’ betut, ak neng’ung’ kemout agine: Kiichob tuguk che iluu, ak asista.

TIENWOGIKAL 8:3

Ye ageere kipsengwetisieguk, boisionikab euneguk, Arawet ak kecheik che kiichob;

ISAIAH 13:10

Amu ma kogonu kecheikab kipsengwet ak kecheikyik che iyumigei lapkeiyenywa: imenitu asista komachei kochor, ak ma koluu arawet agine.

ISAIAH 24:23

Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 40:26

Onyal barak, ogeer ole ng’o ne kitoi koyai chuto, ne imutu lugenywa kobee koitet: kuurei tugul eng’ kainaikwak, eng’ oindab kamugennyi, ak kim inendet eng’ kamuktaet, ma bet agot agenge.

ISAIAH 45:7

Ayae lapkeiyet, ak ayae mesundeito; ayae kalyet, ak ayae yaitiet; a Jehovah, ne yaei tuguchuto tugul.

JEREMIA 31:35

Mwaei Jehovah, ne konu asista koek lapkeiyet bet, ak ng’atutik che kiging’at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi ne bo ge; kainennyi ko Jehovah ne bo lugosiek, mwaei ko u ni kole:

HABAKUK 3:11

Kitononso asista ak arawet eng’ meng’otenywa, Eng’ lapkeiyetab kipchaboniguk kobendi, Eng’ kaluunetab ng’oting’ung’ ne ilyeli.

MATAYO 24:29

Ak ne ma tianit, ko kagogesgei nyalilda ne bo betusiechoto, koimenit asista, ama koluu arawet, ak kororok kecheik eng’ kipsengwet, ak kitumdum kimnatosiek che bo kipsengwet;

MATAYO 27:45

Kiimenit anyun emonoto komugul kong’eete sait lo agoi sait sogol.

1 KORINTOEK 15:41

Mitei lilindo ne bo asista, ak lilindo age ne bo arawet, ak lilindo age ne bo kecheik; amu terjin kecheiyat age ak kecheiyat age eng’ lilindo.

NG'ATUTIK 4:19

si ma ye inyal barak, igeer asista ak arawet ak kecheik, agot chang’indo tugul che mi kipsengwetisiek, kochuutin iwe isa tukchoto, ak iot tuguchoto kigopchechi Jehovah Kamuktaindeng’ung’ bororiosiek tugul che mi kureretab kipsengwetisiek.

NG'ANG'UTYET 21:23

Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.